JOEL 2:20 - Bawm Common Language Bible Version

²⁰ Marlei thawk hen khâubawk kawrsen tla an hawng mi chu ka kiangtir na lai le, ramkaro leiah ka khanh na lai. Mâilei mi rnurui tla chu Tipi Thi ah khalh hen an um lai le, dunglei mi tla chu Mediteranian ah khalh hen an um lai. An ruak tla a thû lai, nan lakah thil an ti mi zawng ruangah ka veih na awt.

JOEL 2:20 ပူးပေါင်းရင်းမြစ်များ

2 Lal 8:13

Hazael nih, “Kei lebang hi, chu hâwi tluk thiltikho hen ka um awt mazei?” a ti. Elisa nih a sâng le, “Siria lal na siding mi LALPA nih hawng ka muhtir ving rawh,” a ti.

SAM 126:3

Kan rangah thil rokual a ti tatak ngâk; thungâi kanna lâwm zia chu a!

EXODUS 10:19

LALPA nih saklei thli chu thlanglei thli chak tak hen a thleng le, chu nih chun khâubawk tla chu Tipi Sen likâwlneng ah a ranh phin na. Aigupta ram ah khâubawk pakhat khawm a um lo rawh.

EXODUS 8:14

Aigupta mi tla nih tlûn tung an pawng le, a ram chu thu rim hen a khat dil.

ISAI 34:3

An ruak tla chu phûm asi lai lo le, chunah chun a thû lai le, a mân lai; tlâng chu thî hen a sen tût lai.

EZEKIEL 47:18

“Saklei kâng ramri chu simlei kângah Damaska leh Hauran ram kar thawk hen, Jordan Va chu Israel ram thlanglei leh Gilead ram saklei kângah a luang le, Tamar leiah Tipi Thi ah a suak.

AMOS 4:10

“Aigupta ram ah a tlung mi hâwitê hen nan lakah râi ka hawng tlungtir. Nan tlangvâl tla râltuknâk ah ka thah na le, nan rang tla kan lâk piak ver na. Nan um mun ah ruak thû rim hen nan nârkua tla ka khattir. Chu khawm ah ka sinah nan hawng kîr lo nget rih.

ZEKARIA 14:8

Chu ni a hawng tlung tikah chun, tî thar chu Jerusalem thawk hen a hawng luang lai le, a khingkhuai chu Tipi Thi ah a luang lai le, a khingkhuai dang chu Mediteranian ah a luang lai. A fûr a ṭhâl hen zeiliau zawng ah a luang kumza lai.

MALAKI 3:11

Thlâi râwktu thilnung tla ka veih lai le, nan grep zûn tla chu kûr rê hen a rah lai.

DEUTERONOMY 11:24

Nan lamh mi tual nan kalnâk zawng chu nan tâ asi lai. Nan ramri simlei mi ramkaro thawk hen marlei mi Lebanon Tlâng leh, saklei mi Eufretis tiva thawk hen thlanglei mi Mediteranian Tipi tiang asi lai.