JOEL 2:2 - Bawm Common Language Bible Version

² Thimnâk leh mûinâk ni asi lai le, dum kul hen sûm zîng ni asi lai. Khâubawk kawrsen tla nih, mûinâk nih tlâng sâng tla a khuh hâwi hen an khuh lai. Chu hâwi hen thil a dum dahlo, um khawm a um nawlh dah lai lo rawh.

JOEL 2:2 ပူးပေါင်းရင်းမြစ်များ

SAM 10:6

A thinlung hen, “Ka palh dah lai lo le, ka lawk khawm a sawng dah lai loh” a ti.

SAM 97:2

Mûi leh sûm nih a kulh le; rep tak leh dik tak hen lâi a rêl.

EXODUS 10:14

A hûtum hen an hawng le, ram pumpiluk ah an hawng fû rawh. An tam dân chu a lân leh hi nûnthâi khawm a um lai lo rawh ti ding rê hen an tam.

EXODUS 10:6

Na mun leh na rianṭuantu leh na mi tla in zawzawng a khat ver lai. Nan thlâktu tla nih an muh mi zawng lakah a ṭhalo chem mi asi lai, a ti,” an ti. Lalchem chu â her le, a kal rawh.

EXODUS 20:21

Sikhawmsele mi zapi tla chu râl lâtpi ah an dîr kumza le, Mosi lâwng sûm sah tak Pathian umnâk ah a va kal.

ISAI 5:30

Chu ni a hawng tlung tik chun, Israel tlûnah tipi rihâu hâwi hen hâu an suah lai. Hi ram hi zauhnik! Mûinâk leh hamhnâk! Chêu chu mûi nih a dawlh hep.

ISAI 8:22

Vânlei an zauh lai le, tual lei an bih lai le, sikhawmsele, lawksawngnâk leh mûinâk, mûi ṭihnungkâi ah nar hen an umnâk lo chu zeikhawm an muh lai loh. Chu nawknâk tik lakah mi chu suak khonâk lampi rerêng an rangah a um lai lo rawh.

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

JEREMIA 13:6

A nehnûn dauh chun, LALPA nih Eufretis Tiva leiah va kîr le, puannêm tâwi tla va lâk nawlh hawng ka ti.

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

EZEKIEL 32:7

Ka nan veih tik chun vân tla ka khuh lai le, ârfi tla ka nâwt dep lai. Nî chu vândâwm pîn leiah â thup lai le, thlâ a chêu lai lo rawh.

EZEKIEL 34:12

kei, LALPA Zahkâi, keimah ngelchel nih ka dawrâ chu ka zauhkhenh awt ti ka nan simh na asi. Vânduainâk ni ah anna rekrâwinâk mun zawzawng mûi lakah mi chu ka lâk nawlh na lai.

EZEKIEL 38:9

Anmah leh a kawrsen tla, a sinah phun tam tak um mi tla nih thlipi hâwi hen an do lai le, ram chu sûm hâwi hen an vurh dep lai,” a ti.

DANIAL 12:1

Puan nêm aih mi vânmifial nih, “Chu tik chun na mi tla vêngtu vânmifial rokual tak Mikael a hawng lang lai. Churawhchun, lawksawngnâk tik a hawng um lai le, phun tla a hawng um dawmhnâk hen a fâk chem mi asi. Chun hun chu a hawng tlung tik chun na mi tla Pathian lasuibu lakah an min rîn hen a um mi vial an him lai.

DANIAL 9:12

Kanmah leh kan lâirêltu tla sinah ti ding hen na sim mi chu na ti tâwn. Mosi dân lakah rêpnâk zawzawng rîn hen a um mi tla chu khua dang tla ngâk hen Jerusalem ah mi na rêpnâk a fâk dauh, sikhawmsele

JOEL 1:6

Khâubawk kawrsen rual nih kan ram a râwk. Thungâi thil an ti kho hen rêl châwk khawm an si lo. An kâ tla chu chakeibaknei kâ hâwi hen a hâr.

JOEL 2:25

Khâubawk rual tla nih nan thlâi an ei le, an veih mi tla ka nan pêk nawlh na lai. Nan lakah kawrsen hawng tlungtirtu chu keimah kasi.

JOEL 2:31

LALPA ni rokual ṭihnungkâi tak leh rokual tak tlung lânah nî chu a thim lai rawh le, thlâ chu thisen hâwi hen a sen lai. Sikhawmsele LALPA sinah ṭangpi deihtu tla chu an him lai.

JOEL 2:5

Tlâng sâng tlûnah an per liauah kari hâu hâwi hen an ri chur. Belh a kâng mi hâu hâwi hen hâu an suah. Râltuknâk ah kawrsen kal ding mi hâwi hen anna tlar zat.

JOEL 3:4

Tura, Sidon leh Philistia ram kiangkam mi zawzawng tla, ka lakah zei me ti ding na tum? Thil zeimawh ruangah lehrûl sam ding ma na ka awt? Chu hâwi mi na si chun ka nan rulh sawm lai!

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

ZEPHANIAH 1:7

LALPA ni, Pathian nih thil a ti ding mi ni chu a nâi rawh; churuangah a mâika ah dâisip hen um u. Bâwlnâk ah mang mi hâwi hen a mi tla chu LALPA nih thah ding hen a timhtuah.

ZEKARIA 14:6

Chu tikah chun daih mawh vûr khal mawh

MATHAI 24:21

Chu tikah chun hamhnâk fâk tak a um awt ruangah; chu hâwi hen a fâk mi chu tual umtir thawk hen tutiang hen a um dah lo le, um khawm zeitik khawm ah a um nawlh lai lo rawh.

MARK 13:19

Chubang ni chu hamhnâk ni asi awt dangâiah, chu hâwi hamh chu Pathian siam tual tuah tîr thawk hen tutiang hen a um dahlo le, zeitik khawm a um lai lo rawh.

DEUTERONOMY 32:7

“Tik a kal rawh mi hun sâwt tak asi rawh mi tla dawn set ule; Zei zei thil me a hawng um ti an simh na ding hen nan pa le tla rangah deih na u, Tar tla rangah a lânah mi thusim ding hen deih na u.

HEBRAI 12:18

Nannih lam chu Sinai Tlâng tawngh kho mi meialh hen, sûmdum hen, mûi hen, thlipi hen, tâwtawrâwt rihâu hen thusim hâu umnâk tla kha tleng mi nan si lo le,

JUD 1:13

Tipi tlingtlawk hâwi hen an um le, an thilti ningzakkâi tak chu a phul mi hâwi an si, ârfi a vâi lemang mi hâwi an si le, Pathian nih an rangah mûi thûk tak a siah piak na mi tla an si.

THUPHUANG 9:2

Chun, anih nih chun khurtawdawnglo chu a awng le, chun khurtawdawnglo thawk hen meialh fâk tak khû hâwi a hawng suak le, chu mei khû ruang chun nî leh boruak chu a hawng mûitir rawh.