JOEL 2:19 - Bawm Common Language Bible Version

¹⁹ LALPA nih, “Tuah buh, uain, leh oliv sariak ka nan pêk na lai rawh le nan khim lai rawh, phundang tla nih an zauhnawmh na lai lo rawh.

JOEL 2:19 ပူးပေါင်းရင်းမြစ်များ

JEREMIA 31:12

Zion tlângah an hawng kal lai le, lâwm hen la an sak lai, ka thilpêk fâng leh uain, oliv sariak, dawrâ rual leh ranrual tla lakah anna lâwm lai. Dûm tikhurchawh hen châwm mi hâwi an si lai le, an herh mi zawzawng an nei lai.

EZEKIEL 34:29

Phâisen ningno ṭha tak ka pêk na lai le, ram lakah sungvângnâk ka rehtir lai rawh. Phundang tla nih an nihsanh na lai lo rawh.

EZEKIEL 36:15

Ram nih chun phun tla nih an zauhnawmhnâk chu a theih lai lo rawh le, a nihsanhtu tla khawm a muh lai lo rawh. Ram nih phun fa tla chu a râwk lai lo rawh. Kei, LALPA Zahkâi nih ka sim asi,” a ti.

EZEKIEL 36:29

An nawmh natu thil zeizawng lakah mi ka nan hum na lai. Fâng tla chu tam tak rah ding hen thu ka pêk lai le, pâm rerêng nan theih lai lo rawh.

EZEKIEL 36:30

Nan thing thei tla ka rahtir lai le, nan phâisen tla fâng ka tlingtir lai le, phun tla lakah an mualphoh na ding hen pâmnâk rêng a um lai lo rawh.

EZEKIEL 39:29

Ka mi Israel tla tlûnah ka thlarau ka tawih lai le, anmah tla ka kaltâk na lai lo rawh. Kei, LALPA Zahkâi nih ka sim asi,” a ti.

HOSEA 2:15

Grep dûm a nei mi lungumnâk inkhâr Nawknâk Vakuam ah ka siam mi chu a sinah ka pêk nawlh lai. A nungâk liauah Aigupta ram thawk hen a hawng liauah a ti mi hâwi hen hawng ka sâng lai rawh.

HOSEA 2:21

Chu tikah ka mi Israel tla thlachamnâk chu ka sâng lai rawh.” Tual tlûnah ruah ka sûrtir lai le, tual nih fâng tla, grep tla leh oliv a suah lai.

JOEL 1:10

Phâisen khawm a karo hen a um le; fâng tla â râwk hen, grep tla a châr ver ruangah tual khawm a lung a fâk, chun oliv thing tla khawm a châr ver.

JOEL 2:24

Fâng chîlnâk mun khawm fâng hen a khat lai le, sûrnâk khur kiang tla khawm uain hâng leh oliv sariak khat hen a liam lai.

LEVITICUS 26:5

Mîm-le-fâng cherkhet nan nei lai le, fâng nan ât liauah grep rah kawih a zâ lai, grep rah nan kawih liauah fâng tuh cham a hawng si fâwn lai. Nan duh mi zawzawng nan ei lai le, nan ram ah him tak hen nan um lai.

ZEKARIA 8:12

Thlangam tak hen thlâi tla an chîng lai rawh. An grep zûn tla nih rah a suah lai le, tual nih rah tam tak a suah lai le, ruah tam tak a sûr lai. Hi bang phun tla lakah ka mi thibang tla chu hi zawng malsâwmnâk tla ka pêk na lai.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

DEUTERONOMY 11:14

Chu hâwi nan ti chun, nan ram ah a herh tik zawng ah ruah a hawng sûrtir lai le, fângzûn liau leh fûr tla khawm ah, churawhchun, fâng tla, uain tla, Oliv sariak tla leh

RUTH 1:6

Naomi nih chun LALPA nih a mi tla mîm-leh-fâng tam tak pêk hen mal a sâwm na ti a theih le, churuangah a monu tla hen Moab ram chu kaltâk ding a tum.