JOEL 2:18 - Bawm Common Language Bible Version

¹⁸ LALPA nih ram chu a sunhsak le, a mi tla rangah khua a ruat.

JOEL 2:18 ပူးပေါင်းရင်းမြစ်များ

2 Lal 19:31

LALPA nih hi thil hawng um ding mi a tum mi asi ruangah, a thibang tla chu Jerusalem leh Zion tlângah an um lai.

SAM 103:13

Pa nih a fa tla lakah thinlung a nei hâwi hen, LALPA nih amah zahtu tla lakah thinlung a nei.

SAM 103:17

Sikhawmsele, amah zahtu tla rangah LALPA dâwtnâk chu zungzâl tiang asi, a ṭhatnâk chu thlâk tla zawzawng tiang hen a um.

ISAI 37:32

LALPA Zeizawng tikho nih hi bang hi hawng tlung ding hen a tum mi asi ruangah a thibang zapi tla chu Jerusalem ah leh Zion Tlângah an um lai.

ISAI 42:13

LALPA chu râltuk thiam mi hâwi hen tuk ding hen a kal le; râltuk ding hen thinlung thawk tak hen â timhtuah. Râltuk ding phuang hen a âu; a mêlma tla lakah a thiltikhonâk a langh.

ISAI 60:10

LALPA nih Jerusalem sinah, “Ramdang mi nih na kulh tla chu a siam lai le, An lal tla nih na nâwl an zulh lai. Ka thinthawk ruangah ka nan rêp le, Sikhawmsele tu lam chun ka nan sunhsaknâk leh Khua ka ruatnâk kan zauhtir lai.

ISAI 63:15

LALPA, vân ah na umnâk thenhlimhnâk leh rokualnâk thawk hen hawng kan zauhnik. Kan rangah na kan ruatnâk zeiah a um rawh? Na thiltikhonâk zeiah a um? Na dâwtnâk leh lungkhamnâk zeiah a um? Hawng kan zauhtâu lah.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

ZEKARIA 1:14

vânmifial nih LALPA Zeizawng tikho thusim chu sim ding hen hawng ka simh: “Jerusalem, ka khua thenhlimh chu thungâi ka dawn hen ka dâwt.

ZEKARIA 8:2

“Jerusalem chu ka mi dâwt tak tla ruangah a mêlma tla hen ka thin hawng ka thawktir khawmsele amah ṭangpi ding hen ka duh.

LUK 15:20

A thawk le, a pa sinah a kal rawh. “Chuvachun, lât takah a um liauah a pa nih a muh le, thungâi a siherh le, a fûk phêt le, an ir anna tawnh le, a châwchawk chiam.

DEUTERONOMY 32:16

An ruk sawnhnâk ruangah LALPA thîknâk thinlung an thawktir; thilsual an ti mi nih a thin a thawktir.

DEUTERONOMY 32:36

Chaknâk zeikhawm an nei lo rawh ti a muh tikah a mi le tla chu LALPA nih ruang a suah na lai. ṭangpi an herh mi a muh na tikah a rianṭuan piaktu tla tlûnah khua a ruat lai,

DEUTERONOMY 32:43

“Phun tla, LALPA mi tla chu sawr u, anmah thahtu tla zawzawng chu a rêp na. A mêlma lehrûl a sam na le, a mi tla chu an sual a ngaihdam na,” a ti.

JEM 5:11

Tuar khotu tla chu mi thawsuak kan ti na. Job felfê zia chu nan theih, Lalpa nih a dawnghnâk ah a ti zia khawm kha nan theih, Lalpa chu siherhnâk leh khuaruatnâk hen a khat zia khawm kha.

LÂIRÊL 10:16

Churawhchun, ramdang pathian chu kaltâk hen LALPA chu an sawnh rawh; chun Israel tuarnâk ruangah chun a lawksawng rawh.