JOEL 2:17 - Bawm Common Language Bible Version

¹⁷ Bâwlpu tla nih mâichâm leh LALPA Biakin kawtkâ karah LALPA rianṭuan na sele, ṭap hen thlacham na seh: “LALPA, na mi tla hi lungkham na rawh. Phundang tla nih zauhnawmh ding leh nehsawh hen, ‘Nan Pathian zeiah?’ hawng kan ti ding hen hawng kan siang lah,” ti na seh.

JOEL 2:17 ပူးပေါင်းရင်းမြစ်များ

1 Lal 6:3

A tualmâi kulh sung chu feet 15 thûk asi le, a vâng lei chu feet 30 mun thenhlimh hen a kauh lei â tia cho.

1 Lal 9:7

Israel mi tla rangah ram ka pêk na mi thawk hen ka nar na awt. Keimah sawnhnâk ding ah hi Biakin ka thenhlimhtir mi khawm hi ka kaltâk lai. Mun kip mi nih Israel tla chu siarlo tak hen an zauhnawmh na lai.

2 CHRONICLES 7:20

hi ram kan pêk na mi lakah hin kan ṭhial ving lai le, hi Biakin keimah sawnhnâk ding ah ka ruat mi khawm hi ka kaltâk ving awt. Mun kip mi nih siarlo leh zauhnawmh hen nan um lai.

2 CHRONICLES 8:12

Solomon nih Biakin a sak mi tualmâi ah mâichâm tlûnah LALPA sinah bâwlnâk a ap.

NEHEMIAH 9:36

Na kan pêk mi ram ah hin sal kan si rawh, tî-le-râwl hawng kan pêk mi ram ṭha lakah hin.

SAM 115:2

Zei rangah phun tla nih “Zeiah na Pathian a um?” hawng kan ti zia lai?

SAM 42:10

Zauhnawmh hen an ka nâuneh le, “Zeiah me na Pathian chu?” an ka ti kumza ko.

SAM 42:11

Zei rangah hi tluk rak hen ka ngaihsia? Zei rangah ka lawksawng? Pathian lakah ka lungumnâk ka siah lai le, ka ruangsuahtu leh ka Pathian chu ka sawr nawlh lai.

SAM 42:3

Sûn leh zân hen ka âu le, ka mitthli chu ka buh asi; Zeiliau zawng ah ka mêlma tla nih, “Na Pathian chu zeiah?” an ti.

SAM 42:4

A lânah mi zapi tla hen Pathian in leiah kan kal liau tla, zapi lâwptlo tla la sak leh Pathian sawr hen an âu mi tla ka theih zâwn chun ka thinlung a fâk tâwn.

SAM 74:10

Pathian, zeitiang riamruam me kan mêlma tla nih a nan nihsanh awt? Na min chu zungzâl hen an simsiat awt na maw?

SAM 79:10

Zei rangah phun tla nih, “Zeiah nan Pathian?” hawng kan ti zia lai. Na to-aw tla thisen suahtu phun na rêp na mi chu hawng kan muhtir.

SAM 79:4

Hawng kan kulhtu phun tla nih hawng kan nihsanh le, hawng kan zauhnawmh.

SAM 89:41

A kiangah kaltu tla nih a neih an fîr piak le, a inpa tla nih an nihsanh.

SAM 89:51

LALPA! na mêlma tla nih na lal thîm an zauhnawmh, a kalnâk kip ah an zauhnawmh.

EXODUS 34:9

“LALPA nangmah lawmhkâng mi kasi chun kan sinah hawng ding hen ka nan ngiar, hi minung tla hi an lung a khung le, sikhawmsele, kan palhnâk leh kan sual tla hawng kan ngaihdam le, nangmah mi takah hawng kan ruat rawh,” a ti.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

ISAI 37:20

Tuah LALPA, kan Pathian, laikulh phun zawzawng nih nangmah lâwng Pathian na si ti an theih khonâk ding hen Asiria lakah mi hawng kan hum rawh,” a ti.

EZEKIEL 20:9

Sikhawmsele, chu hâwi hen ka ti lo, Israel zapi minung tla mâika ah Aigupta ram ah mi suakpi na ding hen thu ka sim rawh ruangah ka min a sia lai ti ka ruat.

EZEKIEL 8:16

Churawhchun, Biakin kulh sung leiah a hawng ka kalpi. Chunah mun thenhlimh tualmâi kiangah mi mâichâm leh latnâk karah minung kul leh panga an um. Mun thenhlimh chu dunglei sît hen saklei kângah nî a suak mi mâimûk hen an sawnh le an kûn.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

JOEL 1:9

Biakin ah ap ding mi fâng mawh uain mawh khawm a um lo rawh. LALPA rangah ap ding an nei lo rawh ruangah bâwlpu tla khawm an lung a fâk.

AMOS 7:2

Chu langhnâk ka nei mi lakah chun khâubawk nih thil ring ram lakah mi a ei hep mi ka muh le, churawhchun kei nih, “LALPA Zahkâi, na mi tla ngaihdam na rawh, zeitin an him kho zia lai? An tâwm hen an chak lo thlo mi!” ka ti.

AMOS 7:5

Churawhchun, kei nih, “LALPA Pathian, ti lah râu rawh! Zeitin na mi tla an dam kho lai? Anmah tâ nih an tâwm hen an chak lo mi!” ka ti.

MIKAH 7:10

Chu chu kan mêlma tla nih an muh lai le, “LALPA nan Pathian chu zei ah?” ti hen hawng kan nihsanhtu tla chu an ningzak lai rawh. Tualmâi ah nêngthû hâwi hen lamhbêk hen neh an si mi chu kan muh na lai.

MALAKI 1:9

Nannih bâwlpu tla, kan lakah Pathian ṭha ding hen deih nik kher u me. Nan thlachamnâk a sâng rêng lai lo, chu chu nan sual ruangah asi.

NUMBER 25:6

Israel lakah mi pakhat nih LALPA umnâk puanin mâika ah an ulh liau chirah Midian nunau Mosi leh zapi minung mitmuh hen a puanin ah a lûtpi.

MATHAI 23:35

Chuvachun, Abel mirep tak thahnâk thawk hen Pathian Biakin leh mâichâm karah Barakia fapa Zekaria nan thah mi tiang khan, tual tlûnah mirep an thah mi zawzawng chu nanmah tlûnah rêpnâk a hawng tlung kho lai.

MATHAI 27:43

Pathian a lung si lo ma, amah hi a duh chun tuhin Pathian nih ruangsuah seh,! ‘Pathian Fapa kasi,’ a ti dangâi ah,” an ti.

DEUTERONOMY 28:37

LALPA nih a nan rektir phin na ding mi ram ah mi minung tla nih nan lakah thil a hawng tlung mi ruangah an lâu rê lai le; an nihsanh na hen an zauhnawmh na lai.

DEUTERONOMY 32:27

Sikhawmsele, ka mi tla an neh na ruangah an mêlma tla chu an lakah putso hen ka umtir na awtlo. Keimah nih ka râwk na mi an si ruangah.’

JOSUA 7:9

Kanaan mi leh ram lakah mi tla nih hi thu hi an theih lai le, hawng kan kulh lai le, hawng kan thah hep ding ko rawh. Chu hâwi asi chun zah na kâinâk hi zeitin na hum kho zia lai ne?” a ti.