JOEL 2:16 - Bawm Common Language Bible Version

¹⁶ Mi zapi pumh na u, mi zapi tla munkhat ah pumh na ule, tawng pumhnâk thenhlimh rangah timhtuah na u. A tar mi leh ngâksia tla, fasêm tla khawm pumh na u. Nupi pasal anna umh kâ mi men an in kardang kaltâk hen hawng na seh.

JOEL 2:16 ပူးပေါင်းရင်းမြစ်များ

2 CHRONICLES 20:13

Juda mi zawzawng leh an nupi leh an fa tla Biakin ah an dîr pung.

2 CHRONICLES 29:5

“Nannih Levi tla, nan mah a thenhlimhtir ule, LALPA nan thlâktu Pathian Biakin thenh u. Thil nâwmtâm zawzawng lawnh ver u.

2 CHRONICLES 30:17

Mi zapi tam tak chu dân hâwi a thenhlimhtir ver mi an si lo ruangah Kalkanh Kût dawrâ fa chu an thah kho lo le, Levi tla nih an rangah an ti piak na le, dawrâ fa tla chu LALPA sinah an ap.

2 CHRONICLES 30:19

“LALPA, kan thlâktu Pathian, na ṭhatnâk ruangah hi bang minung tla hi dân hâwi hen thenhlimh hen um lah menza khawmsele, an thinlung tak hen nangmah sawnhtu an si ruangah ngaihdam na rawh,” ti hen.

2 CHRONICLES 35:6

Kalkanh Kût kêl leh dawrâ fa tla thah u. Tuah dân hâwi hen a thenhlimh ule, nan hâwi Israel mi tla nih zûl ding hen LALPA nih Mosi sinah sîntirnâk a pêk mi chu.

JOB LASUIBU 1:5

Chu puai lîm nûn zînglei kip ah Job chu zîngtê ah a thawk le, a fa tla thenhlimhnâk ding hen bâwlnâk a pêk tâwn. A fa tla lakah zeimaw mi nih thilsual an ti lai dahmawh ti hen a nei kumza tâwn.

SAM 19:5

zînglei chun mo dâwngpu lâwptlo hâwi hen a hawng suak, tekzuamtu nih tekzuamnâk a mawhlah hâwi hen.

EXODUS 19:10

LALPA nih a sinah, “Kal le, Israel fa tla chu hawng ka sawnh ding hen tusûn leh thâi ah anna thianh ding hen simh na. An puan tla suk hen

EXODUS 19:15

Mosi nih an sinah, “Kip chu a râlring ule, chu ni chu nu le pa khawm anna theih ding asi lo,” a ti.

EXODUS 19:22

Bâwlpu tla hawng ka naihtu khawm anna thianh ding asi, chu hâwi asi lo chun ka rêp na awt,” a ti.

JOEL 1:14

Pumhpi kawh ule, buhngei ding hen thu suah u. Juda mi tla leh an rui natu zawzawng LALPA nan Pathian Biakin ah pumh na ule, a sinah ṭap u.

MATHAI 21:16

a sinah, “Hi bang tla thusim hi na theih ma?” an ti. Chun, Jisu nih an sinah, “Theih ta a, ‘Nausêm leh nûk din liau tla kâ ah suak mi nih chun sawrnâk na rangtlingtir rawh,’ ti mi hi nan rêl dahlo ma?” a ti.

MATHAI 9:15

Chun, Jisu nih an sinah, “Mo lawmhtu tla sinah a pasal ding mi a um kar vial chu mo lawmhtu tla nih chun an ulh kho mazei? Sikhawmsele, a pasal ding mi chu an sinah mi kalpi ving ni tla a tlung teh lai, chu tikah lam chun buh an ngei teh lai.

1 KORIN 7:5

Thlacham ding hen nanna pêk khonâk ding hen leh nanna kawmh nawlh khonâk ding hen sâwtlotê rangah rem nan ti vevê cho lo chun âu lei khawm a thlahthlamh lah u, chu lo chun nanna sûm kho lo ruangah Setan nih a nan lêm na lebang lai.

JOSUA 7:13

Thawk! A thenhlimh ule, ka mâika ah hawng ding a tîm u. Thâituan rangah a tîm zet ule, Kei, Israel LALPA leh Pathian nih hi thu hi ka sim awt ruangah: ‘Israel, na neih lakah veih ding mi, ka ti mi thil zeimawh na siah asi! Chubang thil lakah na thliar lânlo chu na mêlma na neh kho lai lo!’

JOSUA 8:35

Nunau ngâksia, ramdang minung an sinah um mi tla zawzawng pumhnâk ah Mosi thupêk zawzawng chu Josua nih a rêl hep.

1 SAMUEL 16:5

Anih nih a sâng le, “Si ta a, LALPA sinah bâwlnâk ap ding ka hawng mi asi. A thiangtir ule, ka sinah hawng bâk u,” a ti. Jese leh a fapa tla khawm anna thenhlimh ding hen a simh na le, bâwlnâk ah chun a sâwm bâk na.