JOEL 2:14 - Bawm Common Language Bible Version

¹⁴ LALPA nan Pathian nih a thinlung a lêt lai le, fâng tam tak hen mal an sâwm na lai dahmawh. Churawhchun, fâng leh uain tla a sinah nan ap kho lai.

JOEL 2:14 ပူးပေါင်းရင်းမြစ်များ

2 SAMUEL 12:22

David nih a sâng le, “Asi ngâk, ngâksia a dam liau chun buh khawm ka ei lo, ṭap khawm ka ṭap. LALPA nih hawng ka zângfah lai le, a damtir kekkawk lai mawh ka ti ruangah.

2 SAMUEL 16:12

LALPA nih ka vânduainâk hi a theih hen hi hawlhsiat barh hi malsâwmnâk hen khawm a rulh kho asi,” a ti.

2 Lal 19:4

Asiria lal lianchem nih Pathian nung siarlo hen a rianṭuantu lakah mi hotu chem a hawng fial. LALPA na Pathian nih hi bang zauhnawmhtu chu theih sele, chubang hâwi thusim tla chu theih sele rêp na seh. Churuangah kan minung a thibang tla rangah thlacham rawh,” a ti.

EXODUS 32:30

A thâituan chun Mosi nih mi zapi tla sinah, “Sual ṭihnungkâi tak nan ti rawh. Sikhawmsele, tlângah LALPA sinah tuah ka va kâi nawlh lai; nan sual mi ruangah ngaihdâmnâk ka tawng lai mawh,” a ti.

ISAI 65:8

LALPA nih, “Pakhat khawm nih grep ṭha tla an râwk lo, chu ngâk hen chu hen chun uain an siam. Ka mi tla chu ka veih hep na lai lo le, ka nâwl zulhtu tla chu ka hum na lai.

JEREMIA 18:8

chu phun tla nih an thilsual ti an bâng chun, ti ding ka ti lai ka ti mi chu ka ti awtlo.

JEREMIA 26:13

Nan umdân tla, thil nan ti mi tla nan lêt hen LALPA nan Pathian lakah ê-aw nan ngâi ding asi. Chu hâwi nan ti mi asi chun, nan tlûnah siatnâk ka hawng tlungtir awt a ti mi thu ah a thinlung a lêt lai.

JEREMIA 26:3

Mi nih an ngâi hen an umdân an lêt lai rawh. An lêt mi asi chun, an thilsual ti zawzawng ruangah siatnâk an tlûnah tlungtir ding ka tum mi thu ah ka thinlung ka lêt lai,” a ti.

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

JOEL 1:16

Kan mîm-le-fâng tla zeitin khawm ti kho lo rawh mi chu kan zauh ko. Kan Pathian Biakin ah lâwmnâk zeikhawm a um lo rawh.

JOEL 1:9

Biakin ah ap ding mi fâng mawh uain mawh khawm a um lo rawh. LALPA rangah ap ding an nei lo rawh ruangah bâwlpu tla khawm an lung a fâk.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

JONA 1:6

Lawng hotu nih a va muh le, a sinah, “Zeitin itmû thaw tak hen na it zia? Thawk le na pathian sinah ṭangpi deih hen thlacham, hawng kan lungkham hen kan nungnâk a zuah kekkawk lai mawh,” a ti.

JONA 3:9

Pathian nih a thinlung a lêt hen a thinthawknâk a bâng hen kan nung kho kekkawk lai mawh!” a ti.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

HAGAI LASUIBU 2:19

Fâng tla, grep zûn tla, theipi kung tla, pomegranate tla leh oliv thing tla umlo rawh khawmsele, tu thawk hen mal kan sâwm na lai rawh,” a ti.

2 TIMOTHE 2:25

do ding a tuah mi tla chu dawnhkho tak bû hen sîntir lehlam ding asi; chuvachun Pathian nih thudik chu an theih rangtlingnâk ding hen a rimtir ving hen,

JOSUA 14:12

Asi chun, tuah ka mi le tla hen ram thlingthlâk thu kan sim liauah LALPA nih thu hawng ka pêk mi hâwi hen tlâng ram chu hawng ka pêk. Anakim murui, milian umnâk khuapi lian kulh pang mi ka nan simh mi kha. LALPA chu ka sinah a um lai ti ka ruat, LALPA nih a sim mi hâwi hen ka nar phin na lai,” a ti.

1 SAMUEL 6:5

Chu a ngawr mi lem leh châichîm lem chu siam ule, Israel tla Pathian chu nan chawnglawmh ding asi. Chu tikah nan pathian tla leh nan ram a rêp na mi chu a bâng lai dahmawh.