JOEL 2:12 - Bawm Common Language Bible Version

¹² LALPA nih, “Tu khawm ah, zumhkâi tak hen rim ule, ṭap bû leh lungfâk tak hen buhngei hen ka sinah hawng kîr u.

JOEL 2:12 ပူးပေါင်းရင်းမြစ်များ

2 SAMUEL 24:10

Sikhawmsele, hi minung a rêl nûnah hin David chu a thinlung thungâi a lawksawng le, LALPA sinah, “Hi hâwi ka ti mi lakah hin sual ṭihnungkâi tak ka ti asi, zângfahtê hen hawng ka ngaidam, â tak hen thil ka ti asi,” a ti.

2 CHRONICLES 30:6

Lalchem thupêk hen mifial tla chu an suak le, Juda leh Israel ram pumpi mi tla chu hi sâwmnâk thu hen a sâwm na: “Nannih Israel mi tla, Asiria tleih bang tla, LALPA, Abraham, Isak, Jakob tla Pathian sinah hawng kîr ule, nan sinah a hawng kîr bâk lai.

2 CHRONICLES 6:27

LALPA na to-aw Israel tla chu vân thawk hen ngâi le, an sual tla ngaihdam na le, thil dik ti ding hen sîntir na. Churawhchun, LALPA, na mi le tla rangah ting kumza ding hen na pêk na mi na ram ah hin ruah hawng sûrtir.

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

EXODUS 33:5

LALPA nih Mosi sinah Israel fa tla chu simh ding hen thu a pêk le, “Nan sinah Ka kal chun, mi lungkhung tak nan si ruangah, tu ko ah kan veih dep na lebang lai. Tuah lungmantam lît ule, nan lakah thilti ding mi chu ka thlûk kho lai,” a ti.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

ISAI 58:4

Nan buh ngeinâk nih a nan râwk na le, nanna êl le, nanna sual. Hi bang hâwi buh ngei hen thlachamnâk lakah hin an ngâi piak na ding hen nan ka ruat ma?

JEREMIA 3:22

Kâng dang leiah LALPA hertâktu zawzawng, hawng kîr u; a nan damh na lai le, zumhkâi hen a nan siam na lai. Nannih nih, “Asi, kan Pathian asi ruangah LALPA sinah kan hawng.

JEREMIA 36:7

LALPA nih a thinthawknâk leh a hehhârnâk ṭihnungkâi tak hen a ṭhih na mi asi ruangah an thilsual ti lakah mi chu LALPA lei anna her hen thla an cham lai mawh,” a ti.

JEREMIA 4:1

LALPA nih, “Israel mi tla, kîr ding nan duh asi chun ka sinah hawng kîr u. Ka hua mi milem tla nan lawnh hen ka lakah zumhkâi hen nan um chun,

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

DANIAL 9:3

Buh ngei hen salâpuan aih hen, vachâm lakah ka to le, LALPA Pathian sinah ṭhanem semsê ngâi tak a ngiar bû hen thla ka cham.

HOSEA 12:6

Churuangah Jakob thlâk tla, tuah nan Pathian chu rinhsanh ule, a sinah kîr u. Zumhkâi leh rep tak hen um ule, nan Pathian nih thilti ding mi dawnh kho tak hen ngâk rarâm u.

HOSEA 12:7

LALPA nih, “Israel mi tla chu Kanaan mi tla hâwi hen zumh an kâi lo; khîng diklo hen an sinah thil châwktu tla chu pêk an mang.

HOSEA 14:1

Israel mi tla, LALPA nan Pathian sinah kîr u. Nan sualnâk nih an bahtir na le an tlûktir na.

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

ZEKARIA 7:3

“Biakin a râwk mi thu ruangah kum sâwt tak a thla nganâk thawk hen tusûn ni tiang lungfâk tak hen buh kan ngei mi hi ti vima ding ma asi awt?” an ti.

ZEKARIA 7:5

“Ram lakah mi tla leh bâwlpu tla nih kum sâwmsarih sungah thla nganâk leh thla sarihnâk sungah buh an ngei mi chu keimah sunhsaknâk ruangah asi lo,

MALAKI 1:9

Nannih bâwlpu tla, kan lakah Pathian ṭha ding hen deih nik kher u me. Nan thlachamnâk a sâng rêng lai lo, chu chu nan sual ruangah asi.

THILTI 26:20

a tîrah Damaska khua mi tla sinah, chu nûnah chun Jerusalem khua mi tla sinah, Juda ram kip mi tla sinah, Phundang tla sinah khawm rim min put tlâk hen thilti, rim hen, Pathian leiah anna hernâk ding hen ka sim dauh tâwn asi.

LÂIRÊL 2:4

Hi hawi hen vânmifial nih a sim rawh chun an ektê hen an ṭap le,

LÂIRÊL 20:26

Churawhchun, Israel mi zawzawng tla chu Bethel ah an kal le, an ulh. Chunah chun LALPA mâika ah buh eilo hen zânlei tiang an to. An ektê hen LALPA mâika ah chun kawmhnâk ding hen bâwlnâk an ap le, bâwlnâk zawzawng tla LALPA mâika ah an duah.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.

1 SAMUEL 7:6

Churawhchun, Israel tla chu Mizpah ah anna pûm hep rawh. Tî an tan le, LALPA sinah thil ap rang ding ah an thlêt le, nî tlâk an ulh. “LALPA lakah thilsual kan ti,” an ti. (Samuel nih Mizpah ah Israel tla remlonâk thu a chek.)