JOEL 2:10 - Bawm Common Language Bible Version

¹⁰ An kal rawh chun tual â nîn le, vân a thir. Nî leh thlâ a mûi le, ârfi tla khawm an chêu lo rawh.

JOEL 2:10 ပူးပေါင်းရင်းမြစ်များ

SAM 114:7

Jakob Pathian, lungpi tili ah changtirtu leh tual kak lakah tinung luangtirtu LALPA mâika ah chun a hawng tikah thir u.

SAM 18:7

Pathian a thinrun ruangah tual chu a thir le, â nîn; tlâng tla chu â vâm le, â ṭhen.

ISAI 13:10

Ârfi zawzawng leh firuk tla khawm an chêu lai lo le; nî khawm a hawng suak tikah a mûi lai le, thlâ khawm a chêu lai lo.

ISAI 34:4

Nî, thlâ leh ârfi tla valeidip hâwi hen an mân dip lai. Vân chu lasuibuzual mi hâwi hen vei ving hen zual asi lai, ârfi tla chu grep leh theipi nah an tlawng mi hâwi hen an tlâ lai.

ISAI 5:30

Chu ni a hawng tlung tik chun, Israel tlûnah tipi rihâu hâwi hen hâu an suah lai. Hi ram hi zauhnik! Mûinâk leh hamhnâk! Chêu chu mûi nih a dawlh hep.

JEREMIA 4:23

Tual ka zauh le, a karo hen a um thlo; vân ka zauh le, chêu khawm a um lo.

JOEL 2:2

Thimnâk leh mûinâk ni asi lai le, dum kul hen sûm zîng ni asi lai. Khâubawk kawrsen tla nih, mûinâk nih tlâng sâng tla a khuh hâwi hen an khuh lai. Chu hâwi hen thil a dum dahlo, um khawm a um nawlh dah lai lo rawh.

JOEL 2:31

LALPA ni rokual ṭihnungkâi tak leh rokual tak tlung lânah nî chu a thim lai rawh le, thlâ chu thisen hâwi hen a sen lai. Sikhawmsele LALPA sinah ṭangpi deihtu tla chu an him lai.

JOEL 3:4

Tura, Sidon leh Philistia ram kiangkam mi zawzawng tla, ka lakah zei me ti ding na tum? Thil zeimawh ruangah lehrûl sam ding ma na ka awt? Chu hâwi mi na si chun ka nan rulh sawm lai!

AMOS 5:8

LALPA nih ârfi tla, Firuk leh Lîkûk chân thum tla a siam na. Mûi chu sûn ah a changtir le, sûn chu zân ah a changtir. Tipi mi tî tla chu a kawh na le, tual tlûnah a thlêt. A min chu LALPA asi.

NAHUM 1:5

LALPA mâika ah tlâng tla a thir le, Tlângtê tla chu a mâika ah an zawr. LALPA a hawng lang liauah tual chu a thir, Laikulh leh a minung tla chu an thir.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MATHAI 27:51

Chun, Pathian Biakin puanzâr chu a tlûnlei thawk hen a tanglei tiang hen suak dak hen a tlêk rawh. Chun, lî a hawng nîn le, lungpi tla a kak le;

THILTI 2:20

nî thim ah â chang lai le, chun thlâ thisen ah â chang lai. Lalpa Ni rokual tak leh minthang tak chu a hawng tleng lânah chun,

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 6:12

Chun, Dawrâ Fa nih singsiahnâk paruknâk chu a samh mi ka zauh le, chun lî thungâi a hawng a nîn le, nî chu samul puandum hâwi hen a hawng dum le, thlâ khawm thisen hâwi hen a hawng sen.

THUPHUANG 8:12

Chun, vânmifial panihnâk nih chun a tum le, nî mun thum ṭhen hen mun khat leh thlâ mun thum ṭhen hen mun khat leh ârfi tla khawm mun thum ṭhen hen mun khat chu â râwk hep rawh; an chêunâk tla leh sûn khawm mun thum ṭhen hen mun khat a tlâu le, zân khawm chu hâwi ber hen a um.

THUPHUANG 9:2

Chun, anih nih chun khurtawdawnglo chu a awng le, chun khurtawdawnglo thawk hen meialh fâk tak khû hâwi a hawng suak le, chu mei khû ruang chun nî leh boruak chu a hawng mûitir rawh.