JOEL 2:1 - Bawm Common Language Bible Version

¹ Pathian tlâng thenhlimh Zion ah tâwtawrâwt râlringnâk hâu suah u. Juda mi tla, thir u. LALPA ni a hawng tlung awt rawh.

JOEL 2:1 ပူးပေါင်းရင်းမြစ်များ

1 CHRONICLES 15:28

Churawhchun, Israel mi zawzawng tla nih Thudântuk Bâwm chu lâwmnâk ruangah âu bû hen, tâwtawrâwt tla, ki tla, chêngchêng tla leh ṭingṭang tla tum hen Jerusalem leiah an zûl.

SAM 119:120

Nangmah ka nan ṭih; na lâirêlnâk ruangah lâunâk hen ka khat.

SAM 87:1

LALPA nih a khuapi chu tlâng thenhlimh tlûnah a tuah;

EXODUS 10:14

A hûtum hen an hawng le, ram pumpiluk ah an hawng fû rawh. An tam dân chu a lân leh hi nûnthâi khawm a um lai lo rawh ti ding rê hen an tam.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 13:9

LALPA thinthawknâk ṭihnungkâi tak leh a thinrunhnâk ni chu a nâi rawh. Tual chu ramkaro hâwi hen siam asi lai le, misual zawzawng chu veih an si lai.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

JEREMIA 16:10

“Hi bang zawzawng hi na simh na tikah, zei rangah chu tluk rak fâk hen rêp ding hawng kan awt zia ti hen a nan deih lai. Zei thil me kan buar hen LALPA kan Pathian lakah zei thilsual me kan ti ti hen a nan deih lai.

JEREMIA 16:7

Dâwt mi thih liauah chun thla va ngamh ding hen âukhawm a ei hen a dinpi lai lo. Nu leh pa nih thihtâk mi tla âumawh rang khawm ah an zângfahnâk an langh lai lo.

JEREMIA 4:5

Ram pumpi ah tâwtawrâwt tum u! Fiang tak leh hâu fâk tak hen âu u! Juda mi tla leh Jerusalem mi tla chu kulhnei khua tla ah tek ding hen simh na u.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

EZEKIEL 12:23

Kei LALPA Zahkâi nih, chu leikâng thu ka sim mi chu tuah simh na. Chu thufing chu ka dawngtir awt. Israel lakah chu thu chu an sim lai lo rawh. Chu hâwi ding ngangâk hen tik a hawng tlung, simkannâk tla khawm a dik vima ti simh na.

EZEKIEL 21:12

Thikho mi minung, lawksawng hen âu; hi nâmsâu hi ka mi tla leh Israel ruitu zawzawng thahnâk ding asi. Ka mi tla zawzawng hen thah hep an si lai. Thinlung dawng tak hen na thinmakâ chumh.

EZEKIEL 30:3

LALPA nih thil a ti ding mi ni chu a nâi rawh, Phun tla rangah sûm zîngnâk ni leh lawksawngnâk asi.

EZEKIEL 33:3

Mêlma a hawng mi a muh tikah, anih nih rihâu mikip theihtir kan ding hen a suah.

EZEKIEL 33:6

Sikhawmsele vêngtu nih mêlma a hawng mi muh ko na hen rihâu a suah lo chun, mêlma a hawng mi nih chubang misual tla a thah na chun an thi mi tla ruangah vêngtu tlûnah mawhnâk ka thâng awt.

EZEKIEL 7:10

Israel mi tla rangah siatnâk ni a hawng tlung. Siatnâk a zual. Zumhnâk a fâk.

EZEKIEL 7:12

A tik a tlung rawh. Mikip tlûnah bang khap hen Pathian rêpnâk a tlung awt ruangah châwk leh zuarnâk duan dân a um awtlo ding mi ni a nâi rawh.

DANIAL 6:26

Ka ram pumpi sungah mikip nih Danial Pathian ṭih leh zah ding hen thu kan pêk na. “Anih chu Pathian nung asi le, lâi a rêl kumza lai. A ram chu a vei lai lo le, a thiltikhonâk nih dawngh a nei lai lo.

DANIAL 9:16

A lânah chun nangmah vêng mi kan si, churuang chun Jerusalem tlûnah na thinthawk lah rawh. Na khuapi leh na tlâng thenhlimh asi. Kan thlâktu tla nih thilsual an ti ruangah kan kiangkam ram minung zawzawng tla nih Jerusalem leh na mi tla an zauhnawmh.

DANIAL 9:20

Thla ka cham vima le, keimah sualnâk leh Israel mi tla sualnâk thutluang ka vâwr le, LALPA, ka Pathian sinah Biakin dirh nawlh ding hen ka ngiar.

HOSEA 5:8

Gebeah ah râltuknâk tâwtawrâwt tum u! Ramah ah râltuknâk hâu suah u! Bethel ah râltuknâk phuang u! Râltuk u!

HOSEA 8:1

LALPA nih, “Mêlma chu ka ram ah mupi hâwi hen a hawng a thlûr! Râlringnâk hâu âwntir u! Ka mi tla nih an sinah thudân ka tuk mi an buar le, ka sîntir na mi lakah an hel.

JOEL 1:15

LALPA ni chu a nâi rawh, Zeizawng tikho nih siatnâk a hawng tlungtir ding mi ni chu: Chu ni ah thil a hawng tlung ding mi chu ṭihnung a kâi a!

JOEL 2:11

LALPA nih a kawrsen tla chu khuarît hâu hâwi hen thu a pêk na. Chu kawrsen ê-aw ngâitu tla chu an tam hen thungâi an chak. LALPA ni chu ṭihnung a kâi a! Âu me âwl kho lai!

JOEL 2:15

Zion Tlâng tlûnah tâwtawrâwt tum ule, buh ngei ding hen thu suah u!

JOEL 2:31

LALPA ni rokual ṭihnungkâi tak leh rokual tak tlung lânah nî chu a thim lai rawh le, thlâ chu thisen hâwi hen a sen lai. Sikhawmsele LALPA sinah ṭangpi deihtu tla chu an him lai.

JOEL 3:14

A sang sang hen Lâirêlnâk (Jehoshaphat) Vakuam ah an um. Chunah chun LALPA ni a hawng tlung tuannâk ding mi asi rawh.

JOEL 3:17

Churawhchun, Israel, na Pathian kasi zia na hawng ka theih lai rawh. Ka tlâng thenhlimh ah ka um lai le, Jerusalem chu khuapi thenhlimh asi lai. Ramdang mi tla nih an neh na lai lo rawh.

AMOS 3:6

Mi tla ningṭihnâk umlo thlo hen khuapi ah râltuk tâwtawrâwt an tum dah tâwn ma? LALPA fial mi silo hen khuapi ah siatnâk a tlung tâwn ma?

AMOS 5:18

LALPA ni mawhlahtu tla rangah ṭihnung a kâi awt chiam e! Chu ni chu nan rangah zei a ṭhatnâk a um awt? Nan rangah chu ni chu chêu ni silo hen mûinâk ni asi lai.

AMOS 8:2

LALPA nih, “Amos, zei na muh?” hawng ka ti. “Theirah bâwm khat,” ti hen ka sâng. LALPA nih ka sinah, “Ka mi Israel rangah a dawnghnâk a hawng tlung. Ka rêp na ding mi lakah ka lêt ding asi lo.

OBADIAH 1:15

“Kei, LALPA nih phun zawzawng lâi ka rêl ding ni chu a nâi rawh. Edom, na thilti hâwi hen na tlûnah ti hen a um lai. Na pêk na hâwitê hen na tawng lai.

ZEPHANIAH 1:14

LALPA ni rokual chu a nâi thlo rawh, a tlung tuan lai! Chu ni chu ni hamhkâi tak asi lai le, kawrsen râlṭha chem tla men lungdawng tuk ruangah an ṭap lai!

ZEPHANIAH 1:16

râltuknâk tâwtawrâwt tum hâu hen khat mi leh kawrsen tla nih khua kulh leh in sâng tla an do liau a mi âu hâu tla a um lai.

ZEPHANIAH 1:7

LALPA ni, Pathian nih thil a ti ding mi ni chu a nâi rawh; churuangah a mâika ah dâisip hen um u. Bâwlnâk ah mang mi hâwi hen a mi tla chu LALPA nih thah ding hen a timhtuah.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

ZEKARIA 14:1

Lâirêlnâk ah LALPA a to ding ni a nâi rawh. Jerusalem chu râwk hen a um lai le, an thil lâk tla chu ṭhenh zâr hen a um lai.

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

NUMBER 10:2

“Tangkasa hen tâwtawrâwt siam, mi zapi kawhnâk leh um mun lâwmnâk ah mang ding hen.

NUMBER 10:3

Chu tâwtawrâwt chu sâwt ual an tum vevê chun ka umnâk Puanin tualmâi ah zapi zawzawng chu na kiangah anna pûm ver ding asi.

1 KORIN 14:8

Dârlâwi hi suangkhâng nei lo hen a âwn chun âunih me râl kah ding hen â timhtuah lai?

PHILIPI 2:12

Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

1 THESALONIKA 5:2

Lalpa Ni chu zân ah mifîr hâwi hen a hawng tlung awt ti nanmah ngelchel nih fiang tak hen nan theih ruangah.

JEM 5:8

Chun, nannih khawm felfê tak hen um u. Lungnâk bir tak nei ule, Lalpa hawng kalnâk ni chu a nâi rawh.

1 PETER 4:7

Thil zawzawng dawnghnâk chu a nâi rawh. Thla nan cham khonâk ding hen mah lakah sûm leh ringrâwn hen nan um ding asi.

THUPHUANG 6:17

an thinthawknak ni rokual tak asi rawh hi, âunih me do hen tuar kho lai?” an ti.