JEREMIA 9:9 - Bawm Common Language Bible Version

⁹ Hi bang tla ruang hin ka rêp na awtlo ma? Hi bang hâwi hen phun tla lakah lehrûl ka sam na awtlo ma? Kei, LALPA nih ka sim asi,” a ti.

JEREMIA 9:9 ပူးပေါင်းရင်းမြစ်များ

ISAI 1:24

Churuangah tuah LALPA zeizawng tikho, Israel Pathian thiltikho tak nih a sim mi chu ngâi rawh. “Na lakah phû ka lam awt, ka mêlma leh nangnih nan ka nawktir lai lo rawh.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 57:6

Chunah mi lung a mil dan mi tla chu nan lâk le, pathian tla hâwi hen nan sawnh. An sinah uain tla ap hen nan thlêt le, fâng thil ap tla nan put piak na. Hi bang zawzawng lakah hin lâwm ding hen ma nan ka ruat?

JEREMIA 12:11

Ramkaro ah an tuah le; ka mâika ah lâwng tlo hen a um rawh. Ram pumpi chu a karo hen a um le, âukhawm nih a zauhkhenh lo.

JEREMIA 12:4

Zei tiang riamruam me kan ram tla hi a châr hen phâisen kip ah belh tla hi a uai awt? Kan mi tla sual ruangah leh mi nih “Kan thilti Pathian nih a muh an ti ruangah ramsa leh va tla chu an thi rawh,” a ti.

JEREMIA 4:25

Minung khawm umlo hen ka muh le; va tla khawm an zuang phin.

JEREMIA 5:29

Sikhawmsele, Kei, LALPA nih hi bang thil ruangah kan rêp na lai le; hi phun lakah lehrûl ka sam lai.

JEREMIA 5:9

Hi bang thil tla ruangah hin ka rêp na hen chubang tla ruangah chun phun tla tlûnah phû ka lam awtlo ma?

HOSEA 4:3

Churuangah ram chu a châr lai le, a tlûnah um mi thil zawzawng a thi lai. Ran zawzawng leh va tla, nga tiang an thi lai,” a ti.

JOEL 1:19

LALPA, ram ningno tla a châr le, mei nih a khangh hep ruangah ka nan auh asi.

AMOS 5:1

Israel mi tla, mithi vûinâk la kan sak nawh na nâk hi ngâi u:

AMOS 5:2

Nungâk thenhlimh Israel chu a tlû le, A thawk nawlh rerêng lo rawh! Tual ah lawnh hen a um le, Âukhawm nih an thawh lo.