JEREMIA 9:8 - Bawm Common Language Bible Version

⁸ An lei chu thihnâk chanhtiang thalzum hâwi asi le, âwkrâwl thu an sim kumza. Mikip nih an zâwlbâwm tla sinah kawmh tak mi hâwi hen thu an sim le, sikhawmsele a rangah thang an tunh piak mi asi ving.

JEREMIA 9:8 ပူးပေါင်းရင်းမြစ်များ

2 SAMUEL 3:27

Abner chu Hebron ah a va tleng rawh chun Joab nih kulh kawtkâ ah a kalpi le, amah chu mi kingnâk ah thu thup ruah ding hâwi hen a kalpi le, a paw lakah thi thlo hen a sunh. Abner chu Joab unaupa Asahel rangah a thah ruangah amah khawm thah hen a um rawh.

SAM 12:2

Mi zawzawng âwkrâwl anna simh tawnh le, sawr telenâk hen anna perpet.

SAM 12:3

LALPA! sawr telenâk kâ chu bângtir le, khâwngnâk kâ tla chu phih piak na.

SAM 120:3

Nannih mi âwkrâwl tla, nan lakah Pathian nih zeitin an ti na awt? Zei hâwi hen an rêp na awt?

SAM 28:3

Misual thilsual titu tla, an kâ chu mi kawmh thiam tak, khawmsele an thinlung ah huat mang tla sinah hawng ka mawhtir lah.

SAM 35:20

Hâwikawmh ṭha hâwi hen thu an ruat lo le, chu ngâk chun remnâk duhtu tla rangah âwkrâwl chikip an hâwl lehlam asi.

SAM 55:21

A thu chu chawpê nûk thâu ngâk hen a tlawr, sikhawmsele a thinlung ah huatnâk a um, a thu chu sariak hâwi hen a nâl, khawmsele nâm hâr hâwi hen mi a tuk.

SAM 57:4

Minung eitu chakeibaknei hâwi si mi tla nih an ka kulh. An hâ chu fei leh thalzum hâwi asi; an lei tla chu nâmsâu a hâr mi hâwi asi.

SAM 62:5

Pathian lak cho ah ka ngauh, amah lakah ka lungumnâk ka siah.

SAM 64:8

Chubang thu ruang chun Pathian nih a veih na lai le, anmah muhtu tla nih an lû an lei lai.

THUFING LASUIBU 25:18

Phiartu diklo chu thihnâk nâmsâu, talhbo mawh feizum hâwi asi.

JEREMIA 5:26

“Misual tla ka mi le lakah an um le; mi nih va tleih ding hen lên a zâr le, it bû hen an ngâk mi hâwi an si, sikhawmsele minung tla tleih ding hen thang an tunh.

JEREMIA 5:9

Hi bang thil tla ruangah hin ka rêp na hen chubang tla ruangah chun phun tla tlûnah phû ka lam awtlo ma?

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

JEREMIA 9:4

Mikip mah hâwi lakah anna vêng ding asi, unau kip chu Jakob hâwi hen perpettu leh mikip mah hâwi tla sâwitu an si ruangah pakhat khawm nih a hâwi tla a zumh kho lo rawh.

JEREMIA 9:5

An hâwi tla mah lo leikângah an rui na le, pakhat khawm nih thudik an sim lo; an lei chu âwkrâwl thusimnâk ah an mang le, thilsual ti ding an bâng lai lo. Siatnâk an ti nûnah an ti singsuan le, an perrpet nûnah an perpet singsuan. LALPA nih ka mi tla nih an ka nawng a ti.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.