JEREMIA 9:4 - Bawm Common Language Bible Version

⁴ Mikip mah hâwi lakah anna vêng ding asi, unau kip chu Jakob hâwi hen perpettu leh mikip mah hâwi tla sâwitu an si ruangah pakhat khawm nih a hâwi tla a zumh kho lo rawh.

JEREMIA 9:4 ပူးပေါင်းရင်းမြစ်များ

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

SAM 101:5

Mi âu hen mawh sual leikâng thuthup ruattu tla sinah chun ka tel awtlo. Â zûm mi leh zauhnawmh mang chu ka sâithiam lo.

SAM 15:3

midang simsâwi lotu leh a hâwi lakah thilsual tilotu leh a zâwlbâwm simsâwi lotu tla an si.

THUFING LASUIBU 10:18

Huatnâk phehtu chu mi âwkrâwl asi. Âuzawng chawngawih mangtu chu mi â asi.

THUFING LASUIBU 25:18

Phiartu diklo chu thihnâk nâmsâu, talhbo mawh feizum hâwi asi.

THUFING LASUIBU 4:16

Misual nih thil diklo an ti lânlo chu an it kho lo. Midang rangah nganfâk an pêk lo chun an it mi an meng kumza.

THUFING LASUIBU 4:17

Sualnâk leh veihnâk chu buh hâwi an ei le, tî hâwi hen an din.

THUFING LASUIBU 6:16

Thil pasarih LALPA nih a hua hen a sâithiam lo mi a um: Zûm tak hen khua hawi, âwkrâwl thusim, thilsual tilo mi thahtu kut, thilsual dawntu thinlung, thilsual ti ding hen thathawk hen kaltu kê, âwkrâwl hen theihtu telê, mah hâwi le sinah nawknâk tuahtu.

ISAI 59:13

Na lakah kan hel le, kan nawng le, a nan zûl ding kan êl. Midang rangah kan nehsawh le, kâng dang leiah kan hawitâk. Kan thinlung dawn khawm a diklo rawh, kan thusim tla khawm âwkrâwl asi.

ISAI 9:16

Chu tla nih diklo tak hen mi an rui na le, an ektê hen an vâi hep.

JEREMIA 12:6

Na dâwngsungkhur lakah mi na unau tla men nih a nan perpet hen nangmah do ding hen anna bawp. Kawmh tak hen thu sim na khawmsele zumh lah na,” a ti.

JEREMIA 6:28

An ektê hen sim ngâilo hen an hel le, dâr leh thîr hâwi hen an chang. Anna râwk dep le, thu zanh ding hen anna sawk.

JEREMIA 9:8

An lei chu thihnâk chanhtiang thalzum hâwi asi le, âwkrâwl thu an sim kumza. Mikip nih an zâwlbâwm tla sinah kawmh tak mi hâwi hen thu an sim le, sikhawmsele a rangah thang an tunh piak mi asi ving.

EZEKIEL 22:9

Na mi tla zeimaw mi nih mi dang thu ah thah na ding hen âwkrâwl thu an sim. A zeimaw mi nih milem sinah ap mi bâwlnâk an ei. A zeimaw mi an thilduh lakah an lungâwi kumza.

LEVITICUS 19:16

Mi thu lakah âwkrâwl zanh lah le, mi vânduai an tawng ni ah na ṭangpi kho ding mi chu ṭangpi rawh. Kei, LALPA kasi.

MALAKI 2:10

Kan ektê hen kan pa â khat mi asi lo ma? Pathian pakhat nih hawng kan siam mi ver asi lo ma? Chu hâwi asi mi zei rangah khatlei khatlei thu kanna tiam mi chu kan râwk hen hawng kan thlâktu nih Pathian hen thudântuk an siam mi chu kan siarlo zia?

MATHAI 10:17

Sikhawmsele, minung lakah chun a thiamthih u; lâirêltu tla a nan tleihtir na lai le, pumhnâk in tla ah an vuak na lai le;

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

LUK 21:16

Chun, nan nu leh pa tla, nan unau tla, nan rualsia tla, nan hâwi tla nih an tleihtir na lai; a zeimaw mi an nan thah na lai.

1 THESALONIKA 4:6

chu leikângah chun âukhawm nih buar hen a unau lakah thil ṭhalo ti lah seh; Lalpa chu chu hâwi thil titu zawzawng lehrûl samtu asi ruangah kannih khawm nih kan simkan hen ka nan theihtir na rawh hâwi khan.