JEREMIA 9:20 - Bawm Common Language Bible Version

²⁰ Kei nih, “Nannih nunau tla, LALPA thu ngâi ule, a thusim leikângah nan nâ thlir u. Ulh ding dân nan fanu tla sîntir na ule, nan hâwi le tla mithi vûinâk la sak ding hen sîntir na u.

JEREMIA 9:20 ပူးပေါင်းရင်းမြစ်များ

JOB LASUIBU 22:22

A nan sîntirnâk chu pawm le, na thinlung ah a thu chu kil rawh.

ISAI 3:16

LALPA nih, “Zauhnik u, Jerusalem nunau zumh zia khi! An vântâu bû hen an kal. Pherh tak hen an um. Dînpei hen an kê an kâr le, an kêreng ah mi kekhâng âwn sisir hen.

ISAI 3:4

LALPA nih zapi minung tla lakah mipa ngâksia a ṭhang zawh lo mi lâirêltu ah a mang awt.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

JEREMIA 23:16

LALPA Zeizawng tikho nih Jerusalem mi tla sinah, “Khuavâng thusim ngâi lah u; lungumnâk diklo hen an khattir na lai. Keimah thusim silo hen anmah thinlung thu an simh na mi asi.

JEREMIA 23:28

Khuavâng mang nei mi chu mang rarâu ko asi ti hen a sim ding asi, sikhawmsele ka thu theihtu khuavâng lam chu thuchah zumhkâi tak hen a phuang lai. Fapawn leh fâng tahkhiat hen zei mi a ṭha dauh?

JEREMIA 6:11

An tlûnah na thinthawknâk nih kei lung khawm a fâktir bâk, LALPA, ka tuar kho lo rawh,” ka ti. Churawhchun, LALPA nih ka sinah, “Ka thinthawknâk chu khua dungah ngâksia tla tlûnah leh tlangvâl anna pûm mi tla tlûnah thlêt. Pasal leh nupi tla chu lâk ving hen an um lai le, a tar khen mi khawm zuah an si lai lo.

JEREMIA 7:29

“Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.

JEREMIA 8:2

Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

JEREMIA 9:12

Kei nih, “LALPA, zei rangah ram chu râwk hen ramkaro hâwi hen a châr le, âukhawm mi velvâ an um lo zia? Hi hi theihthiam ding hen âu a fing tâwk lai? Midang a simh kho ding hen âu na simhfiang?” ka ti.

LUNGFÂKNÂK 2:19

Zân khuavâr hen LALPA sinah ṭap ding hen thawk lemang le; Na thinlung pêk le, na fa tla tlûnah khuaruat ding hen a sinah deih. Zâwllâi a ker kip ah ngâksia chu sungvâng hen an thi rawh!

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.