JEREMIA 9:2 - Bawm Common Language Bible Version

² Ka mi le tla sinah mi ramkaro ah va um vingnâk mun nei ka duh. Mah dîrmun kaltâktu leh mi zumhkâilo hep an si.

JEREMIA 9:2 ပူးပေါင်းရင်းမြစ်များ

ISAI 59:3

Âwkrâwl thusim hen, siat leh râwk hen, mi thah hen nan sual asi.

JEREMIA 12:1

LALPA, ka thunawk hi na sinah ka sim chun Nangnih a dik ti na theih lai. Sikhawmsele, a dik dân thu ka nan deih awt. Zei rangah misual hi an sul-le-lam a tluang zia? Zei rangah mi zumhkâilo tla anna dingchang?

JEREMIA 12:6

Na dâwngsungkhur lakah mi na unau tla men nih a nan perpet hen nangmah do ding hen anna bawp. Kawmh tak hen thu sim na khawmsele zumh lah na,” a ti.

JEREMIA 13:22

Zei rangah hi bang hi ka lakah a hawng tlung– zei rangah ka nipuan tla a tlêk hen tleihrêm hen ka um na ti mi asi chun na sual a fâk tuk ruangah asi.

JEREMIA 23:10

Ram chu LALPA lakah mi zumhkâilo tla hen a khat; sual tak hen an um le, an thiltikhonâk khawm an mang diklo. LALPA siatbarhnâk ruangah ram nih a tuar le, ram ningno tla khawm a châr hep.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 5:1

Jerusalem mi tla, nan khuadung suak hen tek u! A kiangkam tla a hawi! Nangmah tak a zauh! Sumtuah mun tla hâwl. Pathian lakah zumhkâi hen um tumtu leh thil dik titu pakhat tal na muh kho ma? Na muh kho mi asi chun, Jerusalem chu LALPA nih a ngaihdam lai.

JEREMIA 5:11

Israel leh Juda mi tla nih an hawng ka tleihtir tatak rawh. Kei, LALPA nih, ka sim asi,” a ti.

JEREMIA 5:2

LALPA sawnh ding hen sim khawm le, na sim mi chu na tum lêm lo.

HOSEA 4:2

Thu an tiamh le, an buar lîlâ, âwkrâwl an sim, mi an thah, an fîr, ṭângdang an pawm, buarnâk a pung, pakhat leh pakhat thahnâk a um.

HOSEA 5:7

LALPA lakah zumh an kâi lo le; an fa tla khawm anih tâ an si lo. Churuangah tuah anmah leh an ram chu a vei sawm lai.

HOSEA 6:7

“Adam ram ah an lût kâ hen anmah hen thudântuk ka siam mi chu an buar.

HOSEA 7:4

An ektê hen mi zumhkâilo an si. Mi an huatnâk chu lungthû kâ ah mei a muat mi, sang emtu nih sang em ding hen a timhtuah zet hen a sêm lo rih mi hâwi asi.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

ZEPHANIAH 3:4

Khuavâng tla nih zeikhawm pawisak an nei lo hen zumhkâilo hen an um le, bâwlpu tla nih thil thenhlimh an nawmh. Pathian dân chu anmah lâwknâk ah an mang.

MALAKI 2:11

Juda mi tla nih Pathian sinah mi thutiam an buar le, Jerusalem ah leh ram pumpi ah thil ṭihnungkâi an ti. LALPA nih a duh tak mi Biakin chu an nawmh. Ramdang pathian sawnhtu nunau hen anna umh.

MALAKI 2:14

Zei rangah me a pawm lo nan ti, nan no liauah nanna umhnâk lakah thutiam nan buar mi a theih ruangah asi. Na nupi chu thutiam nan neipi mi asi le, Pathian mâika ah zumhkâi tak a um ding hen thu nan tiam mi chu nan buar.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

LÂIRÊL 2:10

Chu thlâk zawzawng tla chu an thi ver le, thlâk hawng um nawlh mi tla nih chun LALPA leh Israel tla rangah thil a ti mi chu an philh rawh.