JEREMIA 9:16 - Bawm Common Language Bible Version

¹⁶ Anmah leh an thlâktu tla nih an theih dahlo mi phun lakah ka rektir ver na lai le, ka veih dep na tiang hen an lakah kawrsen tla ka fial na lai,” a ti.

JEREMIA 9:16 ပူးပေါင်းရင်းမြစ်များ

NEHEMIAH 1:8

Tuah Mosi sinah thu na sim mi kha theihkumza rawh: ‘Nannih Israel mi tla, ka lakah zumhkâilo hen nan um chun phundang tla nâwngah kan rekrâwitir na awt.

THUSIMTU 12:5

Mun sâng tak ah um tla na ṭih lai le, kal khawm na rangah ṭihnungkâi asi lai. Na sam tla a pâr lai le; nangmah men zângrah hen na hersân kho lai le, duhnâk zawzawng a vei hep lai rawh. A dawnghnâk ah dinhnâk mun ah kan kal lai rawh le, khualâi dungah mithi ulhnâk a um lai.

JEREMIA 13:24

Ramkaro thli nih fapawn a ranh phin mi hâwi hen LALPA nih a nan rek phin lai.

JEREMIA 24:10

Anmah leh an thlâktu tla ka pêk na mi ram lakah mi chu pakhat khawm âwl lo ding hen an tlûnah donâk, pâmnâk leh râi ka tlungtir lai,” a ti.

JEREMIA 25:27

Churawhchun, LALPA nih ka sinah, “Kei, LALPA Zeizawng tikho, Israel Pathian nih an lakah râltuknâk ka tlungtir awt mi ruangah, an rî le luak hen, an tlû hen thawk kho lo rê tiang hen din ding hen ka pêk na ti simh na.

JEREMIA 29:17

LALPA, Zeizawng tikho nih, ‘Râltuknâk, pâmnâk leh râi ka tlungtir le, theipi ei ding tlâklo a ngêt mi hâwi hen ka siam awt.

JEREMIA 44:27

Nanna dingchang lo ding mi leh siat leh râwk hen nan um ding mi ka nan zauh na awt ko. Pakhat khawm âk lo hen râltuknâk ah mawh râi lakah mawh nan thi hep lai.

JEREMIA 7:29

“Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

EZEKIEL 11:17

“Churuangah, kei LALPA Zahkâi nih ka sim mi thu chu simh na. Ka rekrâwitir na mi ram ah mi chu ka pumh ver na lai le, Israel tla sinah ram chu ka pêk nawlh na lai.

EZEKIEL 12:15

“Phundang tla nâwngah leh ramdang ah ka rekrâwitir ver na tikah kei, LALPA kasi mi an theih lai rawh.

EZEKIEL 14:17

“Chu hâwi asi lo khawm ah chu ram ah chun râltuknâk ka tlungtir hen riamnâm hen minung leh ramsa veihnâk bang cho hen ka tlungtir kho,

EZEKIEL 20:23

Churawhchun, ramkaro ah thutiamnâk dang ka siam. Laikulh pumpi ah rekrâwitir na ding hen thu ka tiamh.

EZEKIEL 27:2

“Thikho mi minung, Tura khuapi tipi kap ah um mi,

EZEKIEL 5:12

Na mi tla anrang thum lakah anrang khat chu khuapi sungah damlo leh sungvâng hen an thi lai le; anrang thum ṭhen hen anrang khat chu khuapi lênglei ah nâmsâu hen thah an si lai; anrang khat a dawnghnâk ah mi chu thli lakah ka thektham lai le, nâmsâu hen ka ṭhâwl na lai.

EZEKIEL 5:2

An hual mi â lîm tikah khuapi sungah anrang khat duah. A dang anrang khat chu khuapi lênglei na suak liauah na nâm hen tuk dip. Chun anrang khat a um mi chu thli lakah vawrh phin le, ka nâmsâu hen ka ṭhâwl lai.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

AMOS 5:16

Churuangah LALPA Pathian, Zeizawng tikho nih, “Khuapi sungah ngaihsia hen âunâk leh lungfâknâk a um lai. Phâisen tuahtu tla chu a thi mi ruangah ulhtu tla sinah kawh an si lai.

MIKAH 2:4

Chu chu a hawng tlung tik chun mi nih a sia leikâng hen nan thâwng an sim lai le, nan thinlung lungdawngh kâi tak chu la hen an sak lai: Kanna râwk dep rawh! Kan ram chu LALPA nih a lâk le, Sal ah hawng kan puttu tla sinah a pêk ving rawh, ti mi hi an sak lai,” a ti.

ZEKARIA 7:14

Thlipi hâwi hen ramdang ah um ding hen ka sêm phin na. Hi ram ṭha tak hi a luahtu pakhat khawm umlo hen mâk hen a um.

DEUTERONOMY 28:25

“LALPA nih nan mêlma tla nanmah nehtu ah a siam na lai. Kâng khat lei hen nan do na chun, a dang chereh hen nan tek lai, tual tlûn minung zawzawng nih nan lakah thil tlung mi an muh lai le, an lâu lai.

DEUTERONOMY 28:36

“LALPA nih nanmah leh nan lalchem tla hen an thlâk natu um dah lonâk ramdang ah a nan kalpi ving na lai; chunah chun lung leh thing hen siam mi pathian tla rian nan va ṭuan lai.

DEUTERONOMY 28:64

“LALPA nih phun zawzawng nâwng ah tual dawnghnâk khatlei thawk hen khatlei kâng a dawnghnâk tiang an rekrâwi tir na lai le, chunah chun lung leh thing hen siam mi pathian, a nan thlâk natu leh nanmah khawm nih a lânah nan sawnh dahlo mi rian nan ṭuan lai.

DEUTERONOMY 32:26

An ektê hen ka veih dep na lai le, pakhat khawm theih an si lai lo rawh.

DEUTERONOMY 4:27

LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.

JEM 1:1

Jem, Pathian leh Lalpa Jisu Krist to-aw nih Pathian mi phun leinih laikulh pumpi ah anna rekrâwi mi tla chu chibai a bûk na.