JEREMIA 9:14 - Bawm Common Language Bible Version

¹⁴ Chu ngâk hen, an lungkhung le, an pa tla nih ti ding hen an simh na mi Baal lem tla an sawnh.

JEREMIA 9:14 ပူးပေါင်းရင်းမြစ်များ

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

JOB LASUIBU 9:18

Ka thawsuak ding khawm a siang lo, lungfâknâk karo hen ka dam liau ni tla a khattir.

JEREMIA 11:8

Sikhawmsele, an zûl hen an ngâi duh lo. Chu ngâk hen mikip nih an lung an khung tir hen an sual nget rih. Thudântuk zûl ding hen thu ka pêk na le, sikhawmsele an êl. Churuangah an lakah rêpnâk rîn hen um mi zawzawng chu ka tlungtir,’’ a ti.

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 2:23

Zeitin khawm hen ka nâwmtir lo, Baal khawm ka sawnh dahlo na ti kho awt? Tivakuam ah thilsual na ti zia zauh le; na thilti tla zauh. Sangâwngsâu a phawl le, sût ding duh hen a tâl hen a suak le,

JEREMIA 2:8

Bâwlpu tla khawm nih ‘LALPA zeiah a um? ti hen an lam lêm lo. Ka bâwlpu tla khawm nih an hawng ka theih lo. Lâirêltu tla chu ka lakah an hel le; khuavâng tla khawm nih Baal min hen thu an sim le, milem zeikhawm silo mi an sawnh.

JEREMIA 23:15

“Churuang chun, hi hi Kei, LALPA Zeizawng tikho nih Jerusalem ah khuavâng tla thu ka sim mi chu asi: Ram pumpi ah Pathian sunhsaklo hen umnâk an zanhtir ruangah, annah khâ ei ding leh tûr din ding ka pêk na lai,” a ti.

JEREMIA 23:27

An mang thu an sim mi hen ka mi le tla nih an pa tla nih an hawng ka philh hen, Baal leikângah an hawng ka hertâk mi hâwi hen an hawng ka philh dep ding hen an ruat.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 44:17

Thi1 zeizawng ti ding hen kan sim mi chu kan ti awt. Kan pathiannu, vân lalnu sinah bâwlnâk kan ap hen a sinah uain ap mi tla kan tawih awt, kanmah leh hawng kan thlâktu tla, kan lalchem leh hawng kan ruitu tla nih Juda khuapi tla leh Jerusalem zâwllâi ah kan ti mi hâwi hen. Churawhchun, tî-râwl tam tak kan nei, sul-le-lam tluang tak hen kan um le, nawknâk zeikhawm a um lo.

JEREMIA 7:24

Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

JEREMIA 8:14

Pathian mi tla nih, “Zei rangah kan to nget ko rih? Hawng u, kulhnei khuapi ah kan tek lai le, chunah kan thi ko lai. LALPA kan Pathian nih thi ding hen hawng kan mawhtir le; din ding hen tûr hawng kan pêk, a lakah kan sual ruangah.

LUNGFÂKNÂK 3:15

Thil khâ hâng chu hawng ka dawlhtir le buh khâ leh tî khâ hawng ka eitir hen hawng ka dinh.

AMOS 2:4

LALPA nih, “Juda mi tla chu an sual nûnah an sual nawlh le, churuang chun ka rêp na nget awt. Ka sîntirnâk an siarlo le, ka thupêk khawm an zûl lo. An thlâktu tla nih an sawnh mi pathian diklo leiah pial hen an um.

GALATIA 1:14

Chun, hawng kan thlâktu tla thurovuih lakah ṭhanemsemsê ka ngâi fâk khun ruangah Juda phung-leh-lam sawnh dân leikângah chun ka phun leh tla lakah keimah rual tla tam tak ka khûp rawh.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

1 PETER 1:18

An thlâk natu pêk singsuan, nan umdân rawtrâilo lakah mi thil râwkkho mi, tangka leh ngûn hen tlanh nan si lo;