JEREMIA 8:7 - Bawm Common Language Bible Version

⁷ Lili âr men nih kîr tik a theih; vaṭhu, thlâkâwi, thrush tla khawm nih ṭiau tik an theih. Sikhawmsele, ka mi tla, nannih nih lâi kan rêl piak na dân nan theih lo.

JEREMIA 8:7 ပူးပေါင်းရင်းမြစ်များ

LA TLA LA 2:12

Pangdâr ah chawmpâr tla an ên. Tu hi lasak tik asi; Phâisen ah vaṭhu awnh hâu tla theih asi.

ISAI 1:3

Ran nih a dâwngpu a theih le, sanatung tla nih an dâwngpu nih râwl a pêk na mi mun an theih. Sikhawmsele ka mi Israel tla ngâk hen an theih dauh. Annih nih chun an theih lo thlo,” a ti.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 5:12

Na puai lakah ṭingṭang leh khuang leh theikhang tum hen leh uain tla nan din. Sikhawmsele LALPA nih zei thil a ti na theih lo.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

HABAKUK 1:4

Dân tla chu a chak lo hen mang tlâklo hen a um le, diknâk khawm mang asi lo. Misual nih mirep ngâk hen ṭhat dauhnâk a lawh le, diknâk chu diklo hen a kal rawh.

ZEKARIA 5:9

Tlûnlei ka zauh le, nunau panih keimah leiah vachâ thlâ hâwi mi thla chak put hen an hawng zuang. Chu bâwm chu an hawng châwi le, an zuangpi ving.