JEREMIA 8:5 - Bawm Common Language Bible Version

⁵ Chu hâwi asi chun, ka mi le tla, zei rangah hawng kîr lo rawh ding hen ka sinah mi nanna her ving? Nan milem lakah nanna bek thlir le, ka sinah kîr nawlh ding nan duh lo.

JEREMIA 8:5 ပူးပေါင်းရင်းမြစ်များ

THUFING LASUIBU 4:13

Na sîn mi tla chu theihkumza. Na thiamnâk chu na nungnâk asi, ṭhadektê hen vêng.

ISAI 1:20

Sikhawmsele nan ka siarlo mi asi chun, vânduai tak hen nan thi lai. Kei, LALPA nih ka sim asi,” a ti.

ISAI 30:10

Khuavâng tla chu dâisip um ding hen an simh na. “Thudik rerêng kan sinah sim lah u. Kanmah ngâi duh mi hawng kan simh u. Kan perpetnâk hi kan thlah ding asi lo.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

JEREMIA 2:32

Nungâk nih a lungsung mawh umhnâk thuam mawh a philh ma? Sikhawmsele, ka mi tla nih chun, a ni sim leh rêl châwklo rê hen an hawng ka philh.

JEREMIA 3:5

Na thinthawk kumza lai lo rawh; ka lakah kalh hen na um kumza lai lo rawh,’ na ti. Israel chu hâwi hen thu na sim le, sikhawmsele thilsual na ti ding mi chu na ti nget,” a ti.

JEREMIA 5:27

Sa kahtu nih a bâwm chu va hen a khattir phak mi hâwi hen, an in tla chu rawk mi thil hen an khattir. Churuangah asi thil an tikho hen an nei le,

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 6:17

Churawhchun, LALPA nih, vêngtu tla chu theihtirnâk tâwtawrâwt ngâi ding hen a ruat. Sikhawmsele, annih nih, “Kan ngâi awtlo,” an ti.

JEREMIA 6:19

Tual, ngâi rawh! Hi minung tla nih ka sîntirnâk an duh lo hen ka thu an ngâilo ruangah, an ruat mi zawzawng ruangah rêpnâk ding hen siatnâk an tlûnah ka tlungtir awt.

DANIAL 9:11

Israel tla zawzawng nih na dân tla an buar le, na thusim an ngâi duh lo, na lakah thilsual kan ti le, churuangah na to-aw Mosi dân ah rîn mi tla siat chu kan lakah na tlungtir.

HOSEA 11:5

“Ka sinah kîr ding an duh lo, churuangah Aigupta leiah an kîr lai le, Asiria nih an tlûnah lâi a rêl lai.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 13:2

Thîr milem tla leh tangka milem tla, minung thinlung ruatnâk leh kut hen siam mi sawnh hen an sual vima nget rih, “An sinah bâwlnâk pêk u,” ti hen thu an sim. Zeitin minung nih chawchal lem a bangh mi an châwchawk kho zia!

HOSEA 4:16

Israel mi tla chu sanatung hâwi hen an lung a khung. Zeitin ram ningnonâk ah dawrâ hâwi hen ka châwm kho na lai?

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.

JOHAN 5:40

Sikhawmsele, nungnâk nei ding hen ka sinah nan hawng duh lo.

1 THESALONIKA 5:21

zeizawng nik dauh ule, a ṭha mi vial zâwt ule,

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?

THUPHUANG 2:25

Nan nei chia lam kha ka hawng kal lânlo chu kil thlir u.