JEREMIA 8:2 - Bawm Common Language Bible Version

² Pumh leh vûi ngangâk hen tual churtirnâk hâwi hen tual tlûnah an rîl lai. Nî, thlâ, ârfi, chubang minung tla nih an duh hen an rian an ṭuan hen thu an deih hen an sawnh mi mâika ah pharh zut hen an um lai.

JEREMIA 8:2 ပူးပေါင်းရင်းမြစ်များ

2 Lal 17:16

LALPA, an Pathian dân tla an râwk ver le; sawnh ding hen chawchal ruk panih tla, Aserah pathiannu lem tla, ârfi tla leh Baal pathian an sawnh.

2 Lal 21:3

A pa Hezekiah nih a râwk mi lunglotu pathian sawnhnâk mun tla a siam nawlh le; Israel lalchem Ahab nih a ti mi hâwi hen Baal leh pathiannu Aserah lem a siam mi sawnhnâk ding ah mâichâm tla a siam. Manaseh nih ârfi tla khawm a sawnh.

2 Lal 21:5

Biakin sung mun nih lakah ârfi sawnhnâk mâichâm a siam.

2 Lal 23:5

Juda lalchem nih Baal, nî, thlâ, ârfi lian tla, ârfi tla sawnhnâk ah bâwlpu rangah a ruat na mi Juda khuapi tla leh Jerusalem khua kiangkam ah mi mun tla zawzawngah lunglotu tla mâichâm ah bâwlnâk aptu tla chu a lawnh hep na.

SAM 53:5

Pathian nih a mi le leidotu ruh tla a thektham phin ruangah, chu hâwi hen a lânah an um dahlo ruangah an lâu lai. Pathian nih a nawng na le, churuang chun Israel tla chu neh dep hen an um.

SAM 83:10

Endor ah na neh na le, an ruak tla tual ah a thû hep.

SAM 83:11

An ruitu le tla chu Orep leh Zeep tlûnah na ti mi hâwi hen ti na; Zebah leh Zalmuna lakah na ti hâwi hen an lâirêltu tla chu neh na.

THUSIMTU 6:3

Mi nih fa tla zâ nei hen sâwt tak a dam kho, sikhawmsele lâwmnâk zeikhawm nei lo hen a thlâk tla amah vûitu khawm um lo mi chu, fasêm a thi chia hen a suak mi lam ṭha dauh ka ti.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

JEREMIA 16:11

LALPA nih, ‘Nan thlâktu nih an hawng ka hertâk le, pathian dang tla an sawnh hen a rian an ṭuan. An hawng ka kaltâk le, ka sîntir na mi an zûl duh lo.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 16:6

A nei mi leh a pâm mi hi ram ah hin an thi lai le, âukhawm nih an vûi na lai lo le, anmah ruangah lungfâktu khawm an um lai lo. Âukhawm a lungfâk ti theihnâk ah mah a ât hen a lû a mêt lai lo.

JEREMIA 19:13

Jerusalem a mi in tla, Juda lalchem in tla, ârfi sawnhnâk ding hen a in tlûnah rimthâw duahtu tla zawzawng leh pathian dang tla sinah ap hen uain tawihtu tla zawzawng chu Tophet hâwi hen an nâwm ver lai” a ti.

JEREMIA 22:19

A vûinâk zahkâi chu sanatung nih a nûk ving lai le, Jerusalem kulh lênglei ah lawnh hen a um lai,” a ti.

JEREMIA 25:33

Chu ni ah chun LALPA nih a thah na mi chu tual khatlei dawngnâk thawk hen khatlei tiang rek thu hen anna vawrh phut lai. Âukhawm nih an ulh na lai lo le, an lâk hen an vûi na lai lo. Tual churnâk pawng hâwi hen tual tlûnah an rîl phut lai.

JEREMIA 31:40

Mithi ruak vûinâk leh nâwmtâm lawnhnâk tivakuam ram zawzawng leh Kidron tiva tlûnlei mi phâisen zawzawng saklei kângah rang kawtkâ tiang hen, ka rangah mun thenhlimh asi lai. Khuapi chu siat leh râwk hen a um lai lo rawh,” a ti.

JEREMIA 36:30

Churuangah tuah Kei, LALPA nih na sinah ka sim asi, lalchem Jehoiakim na thlâk tla âukhawm nih hi David lalram ah lâi an rêl rêng lai lo rawh. Na ruak chu sûn nî sa, nî nih a sattennâk mun ah lawnh hen a um lai le, zân ah vûr nih a tlâk lai.

JEREMIA 9:20

Kei nih, “Nannih nunau tla, LALPA thu ngâi ule, a thusim leikângah nan nâ thlir u. Ulh ding dân nan fanu tla sîntir na ule, nan hâwi le tla mithi vûinâk la sak ding hen sîntir na u.

JEREMIA 9:21

Thihnâk chu kan langawtkawt ah a hawng lût le, kan lal in tla ah a va lût; khuadung ah ngâksia tla a thah na le, sumtuahnâk mun ah mi tlangvâl tla a thah na.

JEREMIA 9:22

Munkip ah mithi ruak tla chu rek thu hen an um le, phâisen ah tual churtirnâk pawng mi hâwi hen leh fâng âttu tla nih an fâng ât chia dung leiah an mâk mi âukhawm nih khawk lo rawh mi hâwi an si. Hi hi LALPA nih sim ding hen hawng ka simh mi chu asi,” ka ti.

EZEKIEL 29:5

Nang leh ngâ tla chu ramkaro ah kan lawnh lai. Na taksa chu vûi lo hen tual ah a rîl lai. Vâ leh ramsa tla râwl rangah ka pêk na lai.

EZEKIEL 39:5

Phâisen ah an ruak tla chu a rîl phut lai. Kei, LALPA Zahkâi nih ka sim asi.

EZEKIEL 6:5

Israel zapi ruak tla chu ka rektir phin lai le; an ruh tla chu mâichâm kiangah vawrh phut hen ka siam lai.

EZEKIEL 8:16

Churawhchun, Biakin kulh sung leiah a hawng ka kalpi. Chunah mun thenhlimh tualmâi kiangah mi mâichâm leh latnâk karah minung kul leh panga an um. Mun thenhlimh chu dunglei sît hen saklei kângah nî a suak mi mâimûk hen an sawnh le an kûn.

ZEPHANIAH 1:17

LALPA nih, “Minung tlûnah chubang hâwi siatnâk ka tlungtir lai le, mi zawzawng mitchâw hâwi hen anna dap sup lai. Ka lakah an sual ruangah, tu chun an thî chu tî hâwi hen a tlê lai le, an ruak chu tual ah thû nuai hen a um lai,” a ti.

ZEPHANIAH 1:5

Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

THILTI 7:42

Chun, Pathian nih a hawitâk na le, vân ah ârfi tla mâi an mûk khonâk ding hen annih tla chu a hawitâk na rawh, khuavâng lasuibu ah: ‘Israel phun le tla, ramkaro ah khan kum sâwmli karah sa thah hen leh ran thah hen kei nan hawng ka sawnh mazei?

DEUTERONOMY 17:3

pathian dang nî mawh, thlâ mawh, ârfi mawh sawnh leh a rian a ṭuan ti nan theih chun LALPA thupêk hen â kalh asi.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.