JEREMIA 8:16 - Bawm Common Language Bible Version

¹⁶ Kan mêlma tla chu Dan khuapi ah an um ving rawh; an rang tla nâr tum hâu kan theih. An rang tla nih hâu an suah chun ram pumpi a thir. Kan mêlma tla chu kan ram râwk ding leh a sung ah um mi zawzawng râwk ding hen an hawng le, kan khuapi tla leh a mi tla zawzawng hen,” an ti.

JEREMIA 8:16 ပူးပေါင်းရင်းမြစ်များ

JOB LASUIBU 39:20

Khâubawk hâwi per kho ding leh, an nâr tum hâu mi ṭhih ding hen nangmah nih ma na siam?

SAM 24:1

Laikulh leh a sungah um mi zawzawng chu LALPA tâ asi. Tual leh a tlûnah um mi zawng khawm a tâ asi.

JEREMIA 10:25

Nangmah a nan sawnh lotu leh a nan duhlotu phun tla tlûnah na thinthawknâk tlungtir. Na mi tla chu an thah na le, hawng kan veih dep le, kan ram khawm râwk dep hen an mâk thlap.

JEREMIA 3:24

Sikhawmsele, Baal, ningzaknâk pathian kan sawnh mi ruangah kan ran leh ranrual tla, kan fapa leh kan fanu tla, thil zeizawng hawng kan thlâktu nih a lânah an ṭuan mi tla hawng kan veih phahtir ver.

JEREMIA 30:16

Sikhawmsele, tuah a nan veih natu tla chu veih hen an um lai le, nan mêlma tla zawzawng chu sal ah put hen an um lai. A nan nehsawh natu zawzawng chu nehsawh hen an um lai le, a nan rûn natu chu rûn hen an um lai.

JEREMIA 30:5

“Ningṭih âu hâu leh lâu hâu, thlangamnâk silo mi ka theih.

JEREMIA 4:24

Tlâng sâng tla ka zauh le, anna nîn le, Tlâng tênâu tla chu khatlei khatlei ah anna ṭhen.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 47:3

Rang kal hâu tla, kari kal hâu tla, kari kê awnh hâu tla an theih lai. Pa tla chu an fa tla leiah anna her lai lo; an kut tla an thlâi thlo lai.

JEREMIA 5:17

Na buh leh na fâng tla an ei hep lai le; na fapa leh fanu tla an thah na lai. Na ranrual leh na ran tla an thah lai le, na grep zûn leh theipi tla an râwk lai. An kawrsen tla nih na sirhsanh mi kulhnei khuapi tla an râwk lai.

JEREMIA 50:42

An chanhtiang leh an nâmsâu tla an lâk le, mi ṭhalo leh mi khuaruat lo an si. Rang tlûnah anna chuan mi hâu chu tipi hâu hâwi asi. Babulon mi tla do ding hen tîm zet hen an um.

JEREMIA 51:29

Babulon ram chu âukhawm umlo ding hen LALPA nih a karo hen siam a tum ruangah tual chu â nîn hen a thir rawh.

JEREMIA 6:23

An chanhtiang kûk leh an nâmsâu tla an lâk; misual tak leh khuaruat lo tak an si. Rang tlûnah anna chuan mi hâu chu tipi tlingtlawk hâwi asi. Jerusalem do ding hen anna tîm zet,” a ti.

NAHUM 3:2

Vuak hâu, kari kê rîl mi hâu, rang tek hâu, kari â nin mi hâu tla ngâi u!

HABAKUK 3:10

Tlâng tla nih an muh chun an thir; Vân lei thawk hen tî a hawng tlê. Tual tangah mi tî tla chu an rûm le, tî tlingtlawk tla chu an hawng lian le, an sâng.

1 KORIN 10:26

“Tual leh a sungah thil um zawzawng hi Lalpa tâ asi,” ti hen Pathian lasui thu nih a sim ruangah.

1 KORIN 10:28

Khawmsele, âunih mawh, “Hi hi bâwlnâk asi,” ti hen a nan simh na chun a nan theihtir natu ruangah leh sia leh ṭha theihnâk ruangah ei lah u.

LÂIRÊL 18:29

A min Laish an ti mi chu Dan ti hen an thleng. Jakob fapa Dan anmah thlâktu min put hen an sak.

LÂIRÊL 20:1

Israel mi zawzawng tla chu marlei mi Dan thawk hen simlei mi Bersheba tiang, saklei kângah Gilead ram thawk hen khawm chu kawhnâk chu an sâng. LALPA mâika ah Mizpah ah thurual hen anna pûm.

LÂIRÊL 5:22

Rang tla chu a rup rup hen an hawng, an tin tla hen tual an lamh.