JEREMIA 8:14 - Bawm Common Language Bible Version

¹⁴ Pathian mi tla nih, “Zei rangah kan to nget ko rih? Hawng u, kulhnei khuapi ah kan tek lai le, chunah kan thi ko lai. LALPA kan Pathian nih thi ding hen hawng kan mawhtir le; din ding hen tûr hawng kan pêk, a lakah kan sual ruangah.

JEREMIA 8:14 ပူးပေါင်းရင်းမြစ်များ

2 SAMUEL 20:6

Churawhchun, Lalchem nih Abisai sinah, “Sheba nih hin Absalom ngâk hen hawng kan nawktir dauh awt asi lai, Ka mi le ruai na le, ṭhâwl rawh, chu lo chun khuapi kulh ah a um chun ruang a suak lebang lai,” a ti.

SAM 39:2

Thusim lo ding hen ka chîp thlir le, a ṭha leikâng thu khawm ah ka dâisip! Khawmsele, ka thil tuar lam chu a zual dadauh.

SAM 69:21

Ka sung a vâng liauah tûr an ka pêk; ka tîhâl liauah uain thur an ka pêk.

ISAI 47:5

LALPA nih Babulon sinah, “Mun king leh a mûinâk ah va to le; phun tla lalnu an ti lai lo rawh!

JEREMIA 14:20

LALPA, na lakah thilsual kan ti, kanmah sual leh kan thlâktu sualnâk tla na sinah kan hawng phuang asi.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

JEREMIA 23:15

“Churuang chun, hi hi Kei, LALPA Zeizawng tikho nih Jerusalem ah khuavâng tla thu ka sim mi chu asi: Ram pumpi ah Pathian sunhsaklo hen umnâk an zanhtir ruangah, annah khâ ei ding leh tûr din ding ka pêk na lai,” a ti.

JEREMIA 3:25

Ningzak hen kan rîl thlo lai le, kan ningzaknâk nih hawng kan khuh seh. Kan thlâktu leh kanmah khawm LALPA kan Pathian lakah kan sual kumza; a thupêk khawm kan ngâi dahlo,” nan ti.

JEREMIA 35:11

Sikhawmsele, lalchem Nebukadnezar nih ram a rûn liauah Babulon mi leh Siria kawrsen lakah mi suak hen Jerusalem ah hawng ding kan tum. Churuangah Jerusalem ah kan um mi asi,” an ti.

JEREMIA 9:14

Chu ngâk hen, an lungkhung le, an pa tla nih ti ding hen an simh na mi Baal lem tla an sawnh.

JEREMIA 9:15

Churuang chun, Kei, LALPA Zeizawng tikho, Israel Pathian nih ka ti ding mi hi ngâi u; ka mi tla chu ei ding hen belh khâ ka pêk na lai le, din ding hen tûr ka pêk na lai.

LUNGFÂKNÂK 3:19

Ka nganfâknâk leh in nei lo hen ka um mi dawnnâk chu tûr khâ asi le;

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

AMOS 6:10

A thi mi tla unau pakhat ruak vûitu a um lai le, anih nih in ah mi ruak chu a lâk lai. Chu nih chun in ah a thibang âutal a um mi chu, “Na sinah midang tla an um ma?” ti hen a auh lai. A sângtu hâu nih chun, “A um lo!” ti hen a sâng lai. Churawhchun, unau â chang mi nih, “Dâisip! LALPA min sim ding ko men kanna thiamthih ual ding asi,” a ti.

HABAKUK 2:20

LALPA chu a Biakin thenhlimh ah um hen tual tlûnah mikip chu a mâika ah dâisip hen um na seh.

ZEKARIA 2:13

LALPA chu a mun thenhlimh thawk hen a hawng awt ruangah mikip a mâika ah dâisip hen um u.

MATHAI 27:34

uain thur, zei lo khâ hen chawmh mi, a din ding hen an pêk.

DEUTERONOMY 29:18

Hinah mipa, nunau, dâwngsungkhur mawh phun mawh tusûn ni ah dîrtu tla zawzawng nih LALPA nan Pathian chu kaltâk hen phun dang pathian tla nan sawnh lebang lai theih set u. Chubang tla chu thil khâ leh tûr keuh hen a ram a thlâk mi asi sual lebang lai.

DEUTERONOMY 32:32

An mêlma tla nih Sodom leh Gomorah hâwi hen an râwk na le, Grep zûn khâ tîk leh tûr hen a rah mi hâwi an si.