JEREMIA 8:10 - Bawm Common Language Bible Version

¹⁰ An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

JEREMIA 8:10 ပူးပေါင်းရင်းမြစ်များ

JOB LASUIBU 31:10

ka nupi chu midang mipa eibâr siamtu si hen, midang mipa ihkhun ah it seh.

ISAI 28:7

Khuavâng leh bâwlpu tla tiang men zû an rî le an hâwr. Uain leh a hâng tla an din tam tuktarâi le, an tlû le, anna nawk. Khuavâng tla khawm an din zia a tam tuk ruangah langhnâk tla Pathian nih a hawng pêk mi an theihthiam lo, bâwlpu tla khawm uain an din tam tuktarâi le, thurêl ding an hawng put mi tla rêl kho lo hen an um.

ISAI 57:17

An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 14:18

Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”

JEREMIA 17:11

Mi, zumhkâilo tak hen tangka tawngtu chu, va, amah ti silo mi awptu hâwi asi. A san lâi liauah a neih chu a vei lai le, a dawnghnâk ah zeikhawm silo hen mi â hâwi asi lai.

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 32:32

Juda mi leh Jerusalem a mi tla, an lal leh ruitu tla, an bâwlpu leh an khuavâng tla hen thilsual an ti ruangah râwk ding hen ka tum rawh.

JEREMIA 38:22

Juda lal in ah nunau um mi zawng chu Babulon lalchem milian tla sinah put hen an um mi ka muh. An kal liauah an thusim ngâinik: ‘Lalchem chu a hâwi ṭha chem tla nih mah lo leiah an kalpi le, a tlûnah lâi an rêl. Tu chun a kê chu nêngthû lakah a pil le, a hâwi le nih an kaltâk rawh,’ ” an ti.

JEREMIA 42:1

Churawhchun, kawrsen ruitu tla zawzawng Kareah fapa Johanan leh Hosaiah fapa Azariah chu zapi lakah murui kip tla hen an hawng le, ka sinah,

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

AMOS 5:11

Mipâm tla nehsawhtu leh an fâng tla lâk piaktu nan si. Churuang chun lungin ṭha tak nan sak mi sungah nan um lai lo le, nan dam sungah mi grep dawh tak nan phun mi hâng khawm nan din lai lo.

MIKAH 2:4

Chu chu a hawng tlung tik chun mi nih a sia leikâng hen nan thâwng an sim lai le, nan thinlung lungdawngh kâi tak chu la hen an sak lai: Kanna râwk dep rawh! Kan ram chu LALPA nih a lâk le, Sal ah hawng kan puttu tla sinah a pêk ving rawh, ti mi hi an sak lai,” a ti.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 3:5

Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

HABAKUK 1:6

Mirât leh um ziar kho lo mi thiltikho tak tla Babulon sinah ka put awt. Ramdang tla lâk ding hen laikulh pumpi an ṭawl.

ZEPHANIAH 1:13

An neih tla chu lâk piak hen a um lai le, an in tla veih piak hen a um lai. An sak mi in lak khawm, an um lai lo, grep an phun mi uain khawm an din lai loh,” a ti.

TITA 1:11

Chubang tla kâ chu huh piak na ding asi, lêpnâk nâwmtam duh ruangah thu sîntir lo ding mi sîntir hen, mi tla a dâwngsungkhur khur hen an râwk na tâwn.

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.