JEREMIA 8:1 - Bawm Common Language Bible Version

¹ “Chu tik chun, lalchem tla leh Juda ram ah rianṭuantu tla, bâwlpu tla, khuavâng tla, Jerusalem khua ah a um mi midang tla ruh zawzawng chu an thlân ah mi lâk asi lai.

JEREMIA 8:1 ပူးပေါင်းရင်းမြစ်များ

1 Lal 13:2

LALPA thupêk zûl hen khuavâng nih mâichâm thu a sim: “Mâichâm, mâichâm! Hi hi Pathian thusim asi: Ngâksia a min Josia chu David dâwngsungkhur ah a hawng suak awt. Anih nih chun lunglotu tla mâichâm ah rianṭuantu tla bâwlpu, bâwlnâk ap tâwntu tla chu a thah na lai le, an ruh tla chu na tlûnah hin a duah lai,” a ti.

2 Lal 23:16

Churawhchun, Josiah chu â hawi le, tlâng tlûnah thlân tla a muh le, chu thlân ah mi ruh tla chu a lâk le, mâichâm ah a duah. Chu hâwi hen Lalchem Jeroboam nih sawnhnâk hunbi liauah mâichâm kiangah a dîr mi hâwi hen a lân lânah a siam, khuavâng nih a simkan mi hâwi hen Josiah nih mâichâm chu a râwk. Josiah chu â hawi le, hi simhkannâk simtu khuavâng thlân a muh,

2 Lal 23:20

Lunglotu bâwlpu tla chu an rianṭuannâk mâichâm ah a thah na le, mâichâm kip ah minung ruh tla a duah. Chun Jerusalem ah a kîr nawlh rawh.

2 Lal 9:37

Jezreel ah Jezebel ruak chu ui tla nih an ei lai le, an ei bang chu tual churtirnâk rang cho asi lai, âukhawm nih amah asi ti an theih kholonâk ding hen,” a ti.

SAM 53:5

Pathian nih a mi le leidotu ruh tla a thektham phin ruangah, chu hâwi hen a lânah an um dahlo ruangah an lâu lai. Pathian nih a nawng na le, churuang chun Israel tla chu neh dep hen an um.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

EZEKIEL 37:1

LALPA umpinâk thiltikho tak ka theih le, a thlarau nih hawng ka kalpi le, tivakuam ah ruh karo umnâk mun ah hawng ka siah.

EZEKIEL 6:4

Mâichâm leh rimthâw duahnâk mâichâm tla chu râwk hen a um lai. Chunah um mi tla chu an milem mâika ah thah an si lai.

EZEKIEL 6:5

Israel zapi ruak tla chu ka rektir phin lai le; an ruh tla chu mâichâm kiangah vawrh phut hen ka siam lai.

AMOS 2:1

LALPA nih, “Moab mi tla chu sual nûnah an sual nawlh le, churuangah ka rêp na nget awt. Edom lal ruh chu zahnâk nei lo thlo hen vachâm ah kal dep hen an râwk.