JEREMIA 7:9 - Bawm Common Language Bible Version

⁹ Thil nan fîr, mi nan thah, ṭângdang nan pawmtâk, âwkrâwl sim hen siat nan tleih, Baal sinah bâwlnâk nan ap le, a lânah nan theih dahlo mi pathian tla nan sawnh.

JEREMIA 7:9 ပူးပေါင်းရင်းမြစ်များ

1 Lal 18:21

Elija chu mi zapi tla sinah a va kâi le, an sinah, “Zei tiang riamruam me nan thinlung remh lo hen nan um awt? LALPA chu Pathian asi chun amah chu sawnh u; sikhawmsele Baal chu pathian asi chun amah chu sawnh ko u!” a ti. Sikhawmsele, zapi tla chu an dâisip.

EXODUS 20:3

“Keimah lo chu pathian dang sawnh lah.

ISAI 1:13

Thil ap nan hawng put mi chu a thawt ko asi. Rimthâw nan duah mi rim khawm ka fih asi. Nan Thlathar Kût, nan Dinhni leh nan phung pumh ni tla nan sualnâk nih a râwk hep mi lakah ka tel kho lo.

ISAI 58:2

Nisiar hen ka umdân theih ding leh ka dân tla zûl ding duh hen an sim le, an hawng ka sawnh. Dân dik tak pêk na ding an ka duh mi leh an hawng ka sawnh mi lakah nuam an ti mi thu an sim,” a ti.

JEREMIA 1:16

Ka mi tla chu an sual hen an ka kaltâk le, pathian dang tla sinah bâwlnâk ap hen milem tla an siam le, an sawnh ruangah ka rêp na awt.

JEREMIA 11:13

Juda mi tla nih khuapi tla an nei hâwi hen pathian tam tak an nei le, Jerusalem ah um mi tla nih chun khuapi ah zâwllâi tla ah um mi hâwi hen Baal pathian fihnungkâi sinah bâwlnâk ding hen mâichâm tam tak an siam.

JEREMIA 11:17

“Kei, LALPA Zeizawng tikho nih, Juda leh Israel chu ka phun na le; sikhawmsele tu chun siatnâk hen ka lauh na. Thil diklo an ti ruang chun hi bang hi anmah nih an lakah an tlungtir le, Baal sinah bâwlnâk pêk hen ka thin an ka thawktir,” a ti.

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 18:15

Sikhawmsele ka mi tla nih an ka philh le; milem tla sinah rimthâw an duah. An kalnâk ding mi lampi ah an tlû le, lampi li tla ah kal lo rawh hen singsiahnâk umlo mi lampi ah an kal rawh.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 32:29

an duah lai. In tla a tlûnah Baal sinah rimthâw an duah mi leh pathian dang tla sinah uain an tawih mi hen ka thin an thawktirnâk chu an duah lai.

JEREMIA 44:3

An mi tla nih thilsual an ti mi leh ka thin an ka thawktir mi ruangah tu khawm ah râwk kumza hen an um nget rih le, pakhat khawm chunah chun an um lo. Anmah khawm nih, nanmah khawm nih a nan thlâk natu tla khawm nih an sawnh dahlo mi pathian dang tla sinah bâwlnâk an ap le, a rian an ṭuan.

JEREMIA 44:8

Um ding hen nan hawngnâk Aigupta ram ah hin milem tla sawnh hen pathian dang tla sinah a bâwl hen zei rangah ka thin nan ka thawktir? Tual tlûnah mi phun kip nih a nan zauhnawmh na ding leh siatphurh min nan put ding hen nanmah siat leh râwknâk ding ah hi hi nan ti mi asi lo ma?

JEREMIA 44:9

Juda khuapi tla leh Jerusalem zâwllâi ah a nan thlâk natu tla, Juda lalchem tla leh an nupi tla, nanmah leh nan nupi tla nih thilsual nan ti mi zawzawng tla nan philh ver rawh na maw?

JEREMIA 48:35

Moab tla nih an pathian sawnhnâk mun ah duahphung thil ap an siam mi leh an pathian tla sinah bâwlnâk an ap mi chu ka bângtir awt. Kei, LALPA nih ka sim asi.

JEREMIA 5:2

LALPA sawnh ding hen sim khawm le, na sim mi chu na tum lêm lo.

JEREMIA 5:7

LALPA nih, “Ka mi tla sualnâk zei rangah ka ngaihdam lai? An ka kaltâk le, pathian tak silo mi tla an sawnh. Ka mi tla chu an khim lânlo ka châwm na, sikhawmsele ṭângdang an pawm le, â zuar mi nunau tla hen an tik an mang.

JEREMIA 7:6

Ram dang mi, ngâkṭah leh numei tla rangah dingchang phahnâk ah mang na lah u rawh. Hi ram ah hin a mawh lo mi minung thah lah na u. A nan râwk natu ding mi pathian dang sawnh bâng u.

EZEKIEL 18:18

A pa nih mi a perpet hen râwk na hen mikip sinah thilsual a ti kumza. Churuangah amah ngelchel nih thilsual a ti mi ruangah a thi.

EZEKIEL 20:30

Tuah Israel mi tla chu, kei LALPA Zahkâi nih ka sim mi hi simh na: Nan pa tla nih thilsual an ti mi hâwi chu ti hen zei rangah an milem tla chu nan zûl awt êu?

EZEKIEL 23:39

Milem lakah anna bâwl ni takah ka fa tla chu an thah na le, ka Biakin ah an hawng le, an nawmh!

EZEKIEL 5:11

“Ka Biakin chu thilsual zawzawng ti hen na nawmh le, thil fihnungkâi na ti ruangah khuaruatnâk tello thlo hen ka nan hâu lai ti hi Pathian nung, Kei LALPA Zahkâi thusim asi.

HOSEA 2:13

Keimah hawng ka philh hen Baal sinah rimthâw duah hen lungmantam hen â thuam le, amah duh mi tla a ṭhâwl na mi man ruangah ka rêp awt. LALPA nih a sim mi asi.

HOSEA 6:9

Bâwlpu tla khawm rawkmang tla nih mi an bawh mi hâwi asi. Sekem mun thenhlimh lei mi lampi tiang khawm ah mi an thah. Ngelchel hen chubang hâwi sual tla chu an ti.

AMOS 4:5

Mâilei ah kal le, Pathian sinah lâwmthu sim hen na sang tla ap le, na ap mi a leifuan chu zumh phahnâk ah mang rawh! Chu tak chu na thil duhkâng asi.

ZEPHANIAH 1:5

Nî, thlâ leh ârfi tla sawnh ding hen in tlûnah kâitu vial chu ka veih hep na awt. Keimah hawng ka sawnhtu leh zumhkâi tak hen thutiamtu sikhawmsele, Milkom pathian an ti mi min hen thutiamtu tla chu ka veih na lai.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

ROM 2:2

Chu hâwi thil ti tâwntu tla tlûnah chun Pathian nih a lâirêlnâk chu dik tak asi vima asi ti kan theih.

DEUTERONOMY 32:17

Pathian tak silo mi tla sinah bâwlnâk an pêk, an thlâktu tla nih an theih dahlo mi pathian thar, Israel tla nih an zûl dahlo mi pathian tla chu.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

LÂIRÊL 5:8

Israel tla nih pathian thar an thîm liauah ram lakah râltuknâk a um. Israel minung sîng li lakah pakhat tal nih phaw mawh fei mawh anna put ma?