JEREMIA 7:6 - Bawm Common Language Bible Version

⁶ Ram dang mi, ngâkṭah leh numei tla rangah dingchang phahnâk ah mang na lah u rawh. Hi ram ah hin a mawh lo mi minung thah lah na u. A nan râwk natu ding mi pathian dang sawnh bâng u.

JEREMIA 7:6 ပူးပေါင်းရင်းမြစ်များ

2 Lal 21:6

Bâwlnâk duahphung lakah a fapa a mang. Chamchawh thiam leh kutzalam zauh a châwng, vânsia vânṭhat siamtu leh tin-tlah-ninh thiam tla thu a deih na. LALPA tlûnah thilsual ti hen a thin a runhtir.

2 Lal 24:4

Lalchem Manaseh nih thilsual tam tak a ti ruangah leh a bîk hen thilsual tilotu tla a thah na ruangah LALPA nih a ngaihdam kho lo le, Juda tla chu a mitkâ thawk hen veih dep ding hen hi hi LALPA thupêk a hawng tlung mi asi.

SAM 106:38

Ngâksia sual nei lo chu an thah na le, chu thahtu tla hen an ram chu an nawmh.

THUFING LASUIBU 23:10

A lân ah ramri chu ṭhial lah le, mi ngâkṭah ram neih chu suh lah.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 2:34

Na nipuan chu mifîr thisen silo hen mipâm leh sual nei lo mi thisen â buaih. “Sikhawmsele, hi hâwi tluk mi lakah,

JEREMIA 26:15

Sikhawmsele hi hi theih u: hi simhkannâk hi an pêk na ding hen LALPA nih hawng ka fial mi asi ruangah nan ka thah mi asi chun, nannih leh hi khuapi ah um mi tla chu sual nei lo mi thahtu misual nan si lai,” a ti.

JEREMIA 26:23

Lalchem Jehoiakim sinah an hawngpi le, anih nih chun a thah le, zatlâng vûinâk mun ah a ruak chu an lawnh.)

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 5:28

an bit hen an ei a thaw mi chu. An thilsual ti nih tâwk rî a nei lo. Mi ngâkṭah leh nehsawh hen um mi tla rangah chun diknâk leh repnâk an langh lo.

JEREMIA 7:5

“Nan umdân lêt ule, thil nan ti mi hi bâng u. Khatlei khatlei ṭhadektê hen a ti u.

JEREMIA 7:9

Thil nan fîr, mi nan thah, ṭângdang nan pawmtâk, âwkrâwl sim hen siat nan tleih, Baal sinah bâwlnâk nan ap le, a lânah nan theih dahlo mi pathian tla nan sawnh.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

EZEKIEL 18:6

Israel tla milem khawm sawnh lo hen mi thenhlimh thlân ah khap mi bâwlnâk ap mi khawm a ei lo. Midang nupi khawm a lêm lo, nunau râitâ neih liau khawm a pung lo.

EZEKIEL 22:7

Khuapi lakah âukhawm nu leh pa zahtu an um lo. Ramdang minung chu na perpet le, numei leh mi ngâkṭah tla chu dingchangnâk ah na mang na.

LEVITICUS 19:33

“Ramdang mi nan sinah a um mi chu nehsawh lah u.

LEVITICUS 25:17

Na hâwi Israel mi tla rangah perpet lah. LALPA na Pathian ṭih rawh.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 27:25

Chun, zatlâng zawzawng nih, “A thihnâk mawh chu kanmah tlûnah leh kan fa tla tlûnah um seh,” ti hen, an sâng.

MATHAI 27:4

“Sual nei lo ka tleihtir mi kha thil ka ti sual asi,” a ti. Annih nih chun, “Chu chu kan rangah zei a pawi lai? Nangmah duhzia zawng hen ti,” an ti piak.

DEUTERONOMY 11:28

a tlûnah nan sawnh dahlo mi phun dang pathian leikângah nan pial hen hi bang thupêk tla hi nan zûl lo chun siatbarh nan si lai.

DEUTERONOMY 24:17

“An diknâk ah chun mi ngâkṭah khawm ramdang mi khawm dawktir lah u; lei â bat mi ruangah numei nipuan lâk piak lah.

DEUTERONOMY 27:19

“ ‘An diknâk lakah ramdang minung, numei, ngâkṭah tla thlawrhthlâu chu Pathian siat an tlûnah um seh,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 8:19

LALPA nan Pathian chu philh rîlmâl lah u, pathian dang tla sawnh ding leh an rianṭuan piak hen hertâk lah u. Nan ti asi chun nan vei ngelchel lai ti tusûn ni hin kan simh na asi.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.