JEREMIA 7:34 - Bawm Common Language Bible Version

³⁴ Ram khawm a karo hen a um lai. Juda khuapi tla ah leh Jerusalem khua lâi ah nuam chenh hâu leh nupa umhnâk puai lawmh hâu tla ka dawngtir lai rawh.

JEREMIA 7:34 ပူးပေါင်းရင်းမြစ်များ

JOB LASUIBU 3:7

A karo hen lâwmnâk tel lo zân ah siam.

SAM 78:63

An tlangvâl tla chu tuknâk ah an thah na le, an nungâk tla pakhat khawm pasal nei ding an tawng lo.

ISAI 1:7

Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

JEREMIA 16:9

Kei, LALPA Zeizawng tikho, Israel Pathian nih ka sim ding mi chu ngâi rawh. Lâwmnâk leh lâwptlonâk hâu leh umhnâk puai ah lâwmnâk hâu chu ka rehtir awt. Hinah um mi tla hi chubang thil hawng tlung mi muh ding hen an dam lai.

JEREMIA 22:6

“Juda lal in chu kei rangah chun Gilead ram leh Lebanon Tlâng hâwi hen â dawh le; sikhawmsele ram lâwng âukhawm umlonâk mun ah ka siam awt.

JEREMIA 25:10

An lâwptlonâk leh lâwmnâk hâu leh nupi puai lakah lâwmnâk hâu tla ka rehtir lai. An meichêu rangah a hâng an nei lai lo le, fâng khawm a um lai lo rawh.

JEREMIA 27:17

An thu ngâi lah u! Babulon lalchem sinah a pêk ule, nan nung lai! Zei rangah hi khuapi hi nâwmpawng asi êu lai?

JEREMIA 33:10

LALPA nih, “Mi nih hi mun hi ramkaro hâwi asi, a sungah minung leh ramsa khawm a um lo an ti. A dik ngâk, Juda khuapi leh Jerusalem khualâi tla chu a karo hen a um; ran leh minung khawm an um lo. Sikhawmsele chu mun ah chun lâwmnâk leh lâwptlonâk hâu, nupi umhnâk puai tuah hâu tla theih asi nawlh lai.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

JEREMIA 4:26

Ram ningno tla chu a karo hen a um le; a khuapi tla chu â râwk hep, chu chu LALPA thinthawknâk fâk ruangah asi.

JEREMIA 4:27

(LALPA nih chun, laikulh pumpi chu ramkaro hâwi a hawng si lai le, sikhawmsele ka râwk dep lai lo ti hen a sim.)

JEREMIA 44:6

Churuangah, ka thinthawknâk leh ka thinrunhnâk chu Juda khuapi tla leh Jerusalem khua zâwllâi ah ka thlêt le, mei hen ka duah na. Râwk dep hen an um le, muhnâk ah lâu kâi rê hen tu chun an um rawh.

LUNGFÂKNÂK 5:14

Upa tla khawm khuapi kulh kawtkâ ah an to lo rawh, nungâk tlangvâl tla khawm nih tumphung an tum lo rawh.

EZEKIEL 26:13

Nan lasak tla ka bângtir lai le, nan tumphung rihâu tla ka rehtir lai.

EZEKIEL 7:11

Râwknâk nih sualnâk a suah. An neihnâk mawh, an lianhnâk mawh an rokualnâk mawh an rangah thil zeikhawm a um lai lo.

HOSEA 2:11

A puaituah ni tla zawzawng, thla thar kût leh kum siar kût tla, Dinhni ulhnâk tla leh phung leikângah tawngpumhnâk a siam mi tla ka dawngtir lai.

HOSEA 2:13

Keimah hawng ka philh hen Baal sinah rimthâw duah hen lungmantam hen â thuam le, amah duh mi tla a ṭhâwl na mi man ruangah ka rêp awt. LALPA nih a sim mi asi.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

MIKAH 7:13

Sikhawmsele a tlûnah misual um mi tla ruangah tual chu ramkaro hâwi hen a hawng um rawh.

THUPHUANG 18:23

khâwnvâr khawm na sungah a chêu lai lo rawh le, pasal leh mo hâu khawm na sungah an theih nawlh lai lo, na sawlehtu tla chu tual ah mi lian tla an si le, na dâwi hen phun zawzawng na perpet na kha.