JEREMIA 7:32 - Bawm Common Language Bible Version

³² Churuang chun, Hinom Vakuam mawh Topheth ti lo rawh hen Thahnâk Vakuam an ti ding ni a hawng tlung lai. Mun dang ah vûinâk a um lo ruangah chunah chun mi tla an vûi na lai.

JEREMIA 7:32 ပူးပေါင်းရင်းမြစ်များ

2 Lal 23:10

Lalchem Josiah nih chun âukhawm nih Milkom pathian sinah an fanu leh an fapa duah hen bâwlnâk an ap lo rawh ding hen Hinom Vakuam ah lunglotu pathian sawnhnâk mun Topheth khawm a râwk.

JEREMIA 19:11

“Hi khuapi leh minung tla hi ka râwk awt, hi tual bêl a kuai le, remh kho asi lo rawh mi hâwi hen a um lai. Hi mun leh mun dangah anmah vûinâk a um awtlo ruangah an ruak tla chu Tophet mun ah khawm an vûi na lai.

JEREMIA 19:13

Jerusalem a mi in tla, Juda lalchem in tla, ârfi sawnhnâk ding hen a in tlûnah rimthâw duahtu tla zawzawng leh pathian dang tla sinah ap hen uain tawihtu tla zawzawng chu Tophet hâwi hen an nâwm ver lai” a ti.

JEREMIA 19:2

put na hen bêl kuai kawtkâ pal hen Hinom Vakuam ah kalpi na ding hen hawng ka simh. Chunah thu hawng ka simh ding mi chu kei nih phuang ding hen.

JEREMIA 19:6

Churuangah hi mun hi Tophet mawh Hinom Vakuam mawh ti lo rawh nâk ding tik a hawng tlung awt. Chu hâwi ti ngâk hen Thahnâk Vakuam ti hen theih asi lai.

JEREMIA 31:40

Mithi ruak vûinâk leh nâwmtâm lawnhnâk tivakuam ram zawzawng leh Kidron tiva tlûnlei mi phâisen zawzawng saklei kângah rang kawtkâ tiang hen, ka rangah mun thenhlimh asi lai. Khuapi chu siat leh râwk hen a um lai lo rawh,” a ti.

JEREMIA 7:31

Hinom Kuam ah Topheth an ti mi mâichâm an siam le, chunah chun an fanu leh an fapa bâwlnâk ding hen mei ah an rawh ding hen. Chu hâwi ti ding hen thu ka pêk na lo le, ka thinlung khawm ah chu hâwi ti ding hen a um lo.

EZEKIEL 6:4

Mâichâm leh rimthâw duahnâk mâichâm tla chu râwk hen a um lai. Chunah um mi tla chu an milem mâika ah thah an si lai.

LEVITICUS 26:30

Tlângah nan ruk sawnhnâk mun tla chu ka râwk lai le, nan rimthâw duahnâk mâichâm tla ka siat lai le, nan ruak chu milem a tlû mi tlûnah lawnh asi lai.