JEREMIA 7:31 - Bawm Common Language Bible Version

³¹ Hinom Kuam ah Topheth an ti mi mâichâm an siam le, chunah chun an fanu leh an fapa bâwlnâk ding hen mei ah an rawh ding hen. Chu hâwi ti ding hen thu ka pêk na lo le, ka thinlung khawm ah chu hâwi ti ding hen a um lo.

JEREMIA 7:31 ပူးပေါင်းရင်းမြစ်များ

2 Lal 17:17

Chu lunglotu pathian sinah an fanu leh an fapa tla bâwlnâk ah mang hen an ap rawh, dâwithiam leh chamchawh thiam sinah krai anna khâi, LALPA mitmuh hen thil diklo ti ding hen anna pumpêk tlak le, LALPA thin an thawktir.

2 Lal 23:10

Lalchem Josiah nih chun âukhawm nih Milkom pathian sinah an fanu leh an fapa duah hen bâwlnâk an ap lo rawh ding hen Hinom Vakuam ah lunglotu pathian sawnhnâk mun Topheth khawm a râwk.

2 Lal 23:20

Lunglotu bâwlpu tla chu an rianṭuannâk mâichâm ah a thah na le, mâichâm kip ah minung ruh tla a duah. Chun Jerusalem ah a kîr nawlh rawh.

2 CHRONICLES 28:3

Thîr hen Baal lem siam mi a nei le, Hinom Vakuam ah rimthâw a duah le, chu milem lakah a fapa tla bâwlnâk ah a mang. LALPA nih Israel kalnâk zawng ah a nar na mi minung tla ti dân a châwng.

2 CHRONICLES 33:6

A fapa tla chu Hinom Kuam ah duahphung bâwlnâk ah a mang na. Chamchawh thiam leh dâwithiam tla a mang na le, vânṭhatnâk simhkantu leh mithi sawnhtu sinah thu a deih. LALPA lakah fâk tak hen thilsual a ti le, a thin a thawktir.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 57:5

Ram ningnotirtu pathian tla chu nan thing thenhlimh tangah pung bû hen nan sawnh. Tiva mi tili kiangah lungpûk ah nan fa tla chu bâwlnâk ah nan mang.

JEREMIA 19:2

put na hen bêl kuai kawtkâ pal hen Hinom Vakuam ah kalpi na ding hen hawng ka simh. Chunah thu hawng ka simh ding mi chu kei nih phuang ding hen.

JEREMIA 2:23

Zeitin khawm hen ka nâwmtir lo, Baal khawm ka sawnh dahlo na ti kho awt? Tivakuam ah thilsual na ti zia zauh le; na thilti tla zauh. Sangâwngsâu a phawl le, sût ding duh hen a tâl hen a suak le,

JEREMIA 32:34

Keimah sawnhnâk ding Biakin an sak mi lakah an milem fihnungkâi tla an siah le, an nâwmtir.

JEREMIA 32:35

Hinnom kuamah Baal mâichâm tla an siam le, Molek pathian sinah an fanu an fapa tla bâwlnâk ah an pêk. Chubang tla ti ding hen thu ka pêk na lêm lo, chubang thil tla ti hen Juda mi tla an sualtir na ding hen khawm ka thinlung ah ka ruat lo,” a ti.

EZEKIEL 16:20

“Churawhchun, fapa leh fanu na ka ring piak mi khawm bâwlnâk ah milem sinah na ap na.

EZEKIEL 20:26

An thil ap lakah anmah ka nawmhtir na le, an fapa tîr tla bâwlnâk ah ka mangtir na. Chu chu anmah rêpnâk leh LALPA kasi ti theihtirnâk ding asi.

EZEKIEL 20:31

Tusûn ni tiang khawm ah chu hâwi thilpêk tla chu nan ap hen nan fa tla mei lakah bâwlnâk ah mang hen chu milem tla lakah chun nanna nâwmtir. Nannih Israel mi tla nih hawng hen ka duhzia nan hawng ka deih nget rih! Kei LALPA Zahkâi, Pathian nung kasi sung zawng chu zei thil khawm hawng ka deih lah u.

LEVITICUS 18:21

Na fa tla Molek pathian sawnhnâk ah mang ding hen pêk lah, LALPA Pathian min mualphohnâk asi ruangah.

MIKAH 6:7

Dawrâ sâng tam tak mawh oliv sariak tiva hâwi hen kanglo mi a sinah put sele LALPA â lâwm lai ma? Ka sual mi ruangah ka fa tîr a sinah bâwlnâk ah ka ap lai ma?

DEUTERONOMY 12:31

An pathian an sawnh dân hen nannih chu LALPA nan Pathian rangah sawnh lah u, annih nih an pathian an sawnhnâk, LALPA nih a hua mi thil fihnungkâi zawzawng an ti ruangah. An mâichâm tlûnah an fa tla bâwlnâk ding ah mei ah an paih na.

DEUTERONOMY 17:3

pathian dang nî mawh, thlâ mawh, ârfi mawh sawnh leh a rian a ṭuan ti nan theih chun LALPA thupêk hen â kalh asi.

DEUTERONOMY 18:10

Nan mâichâm tlûnah mi mei lakah nan fa tla bâwlnâk ah mang lah ule; nan mi tla chu simkan khotu mawh, tuakthiam mawh, simkhotu mawh,

JOSUA 15:8

Hinom Vakuam leiah a kâi le, Jebus khuapi Jerusalem umnâk simlei tlâng sîr ah. Ramri chu tlâng tlûnlei kângah a kâi le, Hinom Vakuam thlanglei kâng sîr ah Rephaim Kuam mar dawnghnâk tiang hen.