JEREMIA 7:29 - Bawm Common Language Bible Version

²⁹ “Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.

JEREMIA 7:29 ပူးပေါင်းရင်းမြစ်များ

2 Lal 17:20

LALPA nih Israel tla chu a nawng na rawh le, a mitmuh ah mi nar phin an si tiang hen mêlma sual tak sinah anmah rêp ding hen a pêk na.

JOB LASUIBU 1:20

Job chu a thawk le, a ngaihsia tukah a nipuan tla a thlêk, a lû a mêt rel le, tual ah a rîl thlo.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

JEREMIA 12:7

LALPA nih, “Israel chu ka kaltâk le; ka phun thîm tla chu ka nawng rawh. Ka dâwt mi minung tla chu an mêlma thiltikhonâk lakah ka pêk na rawh.

JEREMIA 14:19

LALPA, Juda chu na nawng thlo rawh mu? Zion mi tla chu na hua na mu? Zei rangah dam kho lo thlo ding hen nganfâk hi tluk na kan pêk? Thlangamnâk kan hâwl le, sikhawmsele thil ṭha zeikhawm a hawng tlung lo; dam ding kan lungum mi lakah ningṭihnâk lam a hawng um.

JEREMIA 16:6

A nei mi leh a pâm mi hi ram ah hin an thi lai le, âukhawm nih an vûi na lai lo le, anmah ruangah lungfâktu khawm an um lai lo. Âukhawm a lungfâk ti theihnâk ah mah a ât hen a lû a mêt lai lo.

JEREMIA 3:2

Tlâng tlûn tla khi zauhnik. Nunau â zuar mi hâwi hen na ti lonâk mun rerêng a um ma? Arab mi nih ramkaro ah mi thah ding an bawh mi hâwi hen lamvâu ah na duh mi tla na bawh vima na. Na zuarnâk hen ram chu na nâwmtir.

JEREMIA 3:21

Tlâng tlûnah hâu theih hen a um: Israel mi tla nih LALPA an Pathian philh hen sual tak hen an um ruangah ṭap hen an ngiar mi asi.

JEREMIA 47:5

Gaza mi tla sinah ngaihsiatnâk rokual tak a hawng tlung, Askelon mi tla chu an dâisip. Philistia um rih mi tla nih zeitiang an ulh awt?

JEREMIA 48:37

An ektê hen an lû leh an khamul an mêt hep. An kut tla an ât le, mikip nih salâpuan anna aih.

JEREMIA 6:30

Kei, LALPA, nih ka nawng na ruangah, nâwmtâm mang tlâklo ti an si lai,” a ti.

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

JEREMIA 9:16

Anmah leh an thlâktu tla nih an theih dahlo mi phun lakah ka rektir ver na lai le, ka veih dep na tiang hen an lakah kawrsen tla ka fial na lai,” a ti.

LUNGFÂKNÂK 5:22

Na kan nawng kumza awt na maw? Silo leh na thinthawknâk a dawng awtlo rêng na maw?

EZEKIEL 19:1

Pathian nih Israel lal panih tla rangah hi ngaihsiatnâk la hi sak ding hen hawng ka simh:

EZEKIEL 28:12

“Thikho mi minung, Tura lal thi ding mi ruangah ngaihsia tak hen um. Kei, LALPA Zahkâi nih ka sim mi thu chu va simh: Veikhat chu mi ṭha rangtling zûnzauh tlâk hen na um. Na fing hen na mêl a ṭha!

AMOS 5:1

Israel mi tla, mithi vûinâk la kan sak nawh na nâk hi ngâi u:

MIKAH 1:16

Juda mi tla nan fa nan dâwt mi tla sal ah put an si awt ruangah nan lung a fâk zauhtirnâk ah nan sam mêt u. Mulukawlh hâwi hen nan lû kâwng tleng ziat u.

MATHAI 12:39

Anih nih chun an sinah, “Tu san sual tak leh ṭângdang pawmtâk mang tak mi nih chun singsiahnâk an hâwl le, sikhawmsele khuavâng Jona singsiahnâk cho lo chu an sinah singsiahnâk rerêng pêk an si lai lo:

MATHAI 16:4

Tu san minung sual tak leh ṭângdang pawmtâk mang tak tla nih chun singsiahnâk an hâwl le, sikhawmsele Jona singsiahnâk cho lo chu an sinah singsiahnâk rerêng pêk asi lai lo,” a ti le, a sâng. Chun, anmah a mâk na le, a kaltâk ving na.

MATHAI 23:36

Thungâi tak hen ka nan simh na, chubang zawzawng chu tu san mi tla tlûnah a hawng tlung lai.

MATHAI 3:7

Sikhawmsele, Farisai tla leh Sadukai tla tam tak baptis ding hen an hawng kal mi a muh kâ hen an sinah, “Rûl thlâk tla, thinrunhnâk hawng tlung ding mi hi tektâk ding hen âunih an simh na?

THILTI 2:40

Chun, thu dang cherkhet hen a simhfiang le, “Hi bang misual tla sinah rêpnâk tlung ding mi lakah a vêng u,” ti hen a fawrh na.

DEUTERONOMY 32:5

Sikhawmsele, nannih lam chu a mi siding hen zumh nan kâilo hen nan tlâklo. Phun sual tak leh perpet mang nan si.