JEREMIA 7:24 - Bawm Common Language Bible Version

²⁴ Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

JEREMIA 7:24 ပူးပေါင်းရင်းမြစ်များ

NEHEMIAH 9:29

Na sîntirnâk tla zûl ding hen na fawrh na le, sikhawmsele, anna zûmnâk ruangah na Dân tla zûl hen nungnâk ding chu an duh lo. An lung an khungtir le, ngaihlo lêm an thlâk le, an zûl duh lo.

SAM 81:13

Ka mi le tla nih ka thu an ngâi ding thungâi ka duh; ê-aw ngâi ding khawm thungâi ka duh na!

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 13:11

Tai lakah puannêm tâwi menh asi hâwi hen Israel leh Juda mi chu ka lakah bir tak hen tleih thlir na ding ka tum. Churuang chun ka mi tla, keimah sawrtu leh ka min zahtu ding an si ruangah hi hi ka ti mi asi le; sikhawmsele ka thu an ngâi duh lo,” a ti.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 17:23

An thlâktu tla nih ka thu an ngâi duh lo le, zeikhawm an siarlo. Chu hâwi ding ngâk hen an lung a khung; ka thu an ngâi duh lo hen theih ding an duh lo.

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 18:10

chu phun tla nih chun ka thu ngâilo hen thilsual an ti chun, ti ding hen ka sim mi chu ka ti awtlo.

JEREMIA 18:12

Annih nih an sâng lai le, ‘Bâng rîlmâl lah, zei rangah kan bâng êu lai? Kan duh zia zia hen ê-aw ngâilo tak hen thilsual kan ti awt,’ ” an ti lai.

JEREMIA 2:27

Nannih thing rangah ka pa titu leh lungpi rangah ka nu titu tla, nan ektê hen nan ning a zak lai. Keimah leikângah hawng a her lo hen nan hawng ka hertâk ruangah hi bang tla hi a hawng tlung lai. Sikhawmsele nan lawksawng liau chun hawng kal hen ruang a nan suah na ding hen nan ka deih.

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 23:17

Ka thu sim ngâi duhlotu tla sinah, nan lakah zeizawng â rêlkhâwng vima lai an ti na. Mi lungkhung tla sin kip ah siatnâk nih a nan tawngh lai loh,” ti hen an simh na.

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 32:23

Sikhawmsele hi ram an hawng kal rawh chun mun an khuar le, na thupêk tla ngâilo hen na sîntir na mi hâwi hen khawm an um lo; ti ding hen thu na pêk na mi khawm an ti lo. Churuangah hi bang hâwi siatnâk zawzawng hi an tlûnah na hawng tlungtir rawh.

JEREMIA 32:33

Ka sîntir na lemang khawm ah an dunglei an hawng ka sît le, ka thu an ngâi hen an châwng duh lo.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

JEREMIA 7:26

Sikhawmsele, mi âukhawm nih an âwva hen an ngâi duh na lo. Chu hâwi ding ngâk hen, lungkhung dauh leh an thlâk natu ngâk hen hel dauh hen nan um.

JEREMIA 8:5

Chu hâwi asi chun, ka mi le tla, zei rangah hawng kîr lo rawh ding hen ka sinah mi nanna her ving? Nan milem lakah nanna bek thlir le, ka sinah kîr nawlh ding nan duh lo.

JEREMIA 9:14

Chu ngâk hen, an lungkhung le, an pa tla nih ti ding hen an simh na mi Baal lem tla an sawnh.

EZEKIEL 20:13

Sikhawmsele ramkaro ah an ka siarlo. A zûltu âuzawng rangah nungnâk ding mi dân leh thupêk tla chu an buar le an duh lo. Dinhni tla an nawmh dep. Ramkaro ah anmah tla chu ka thinthawknâk fâk tak theihtir leh veih dep na ding hen ka tîm rawh.

EZEKIEL 20:16

Thu ka tiamh na mi a san chu ka thupêk tla an duh lo le, ka dân tla an buar hen Dinhni tla an nawmh le, an milem tla sawnh ding an tum ruangah asi.

EZEKIEL 20:21

“Sikhawmsele, chu thlâk tla khawm nih an ka siarlo. Ka dân tla an buar le, ka thupêk âuzawng a zûltu rangah nungnâk ding mi chu an zûl duh lo. Dinhni tla an nawmh. Anmah tla ramkaro ah thah hep na ding hen ka thinthawknâk fâk tak theihtir na ding ka tum.

EZEKIEL 20:8

Sikhawmsele an ka siarlo le, ngâi ding an duh lo. An milem fihnungkâi khawm an lawnh duh lo, Aigupta pathian khawm an nawng lo. Aigupta ah ka thinthawknâk fâk tak theihtir na ding hen ka tîm rawh.

DANIAL 9:6

Na to-aw khuavâng tla nih na min hen kan lal tla leh lâirêltu tla, hawng kan thlâktu tla leh kan phun zawzawng tla sinah thu an sim mi chu an ngâi duh lo.

HOSEA 10:6

Chu milem chu Asiria leiah an kalpi lai le, tlawmhnâk rangah lal sinah an pêk lai.

HOSEA 4:16

Israel mi tla chu sanatung hâwi hen an lung a khung. Zeitin ram ningnonâk ah dawrâ hâwi hen ka châwm kho na lai?

MIKAH 6:16

Lal Omri thilsual ti dân leh a fapa lal Ahab thilsual ti dân nan zûl ruangah chubang chu a hawng tlung lai. An thilti dân nan châwng vima ruangah siatnâk ka hawng tlungtir lai le, mikip nih an zauhnawmh na lai. Munkip mi nih an siar na lai lo rawh.

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.

DEUTERONOMY 29:19

Tusûn ni ah hi bang hâwi khung tak hen ngiarnâk tla hi theihthiam lo hen mah duh thu hen um mi tla khawm nih ka rangah ṭhatnâk asi titu âukhawm an um lo ti theih u. Mi sia khawm mi ṭha khawm, chu nih chun bang ver hen an râwk na lai.