JEREMIA 7:23 - Bawm Common Language Bible Version

²³ Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

JEREMIA 7:23 ပူးပေါင်းရင်းမြစ်များ

JOB LASUIBU 36:11

Amah lakah ê-aw an ngâi hen a duhzia thil an ti chun thlangam tak leh sul-le-lam tluang tak hen an um.

SAM 119:3

Thil diklo an ti dahlo, LALPA lampi ah an kal.

SAM 40:6

Thil ap leh bâwlnâk na duh lo le; mâichâm tlûnah ran duah mawh sual veih ding hen bâwlnâk tla na ngiar lo; chu ngâk hen nangmah thu ngâi ding hen nâ na ka pêk.

SAM 81:13

Ka mi le tla nih ka thu an ngâi ding thungâi ka duh; ê-aw ngâi ding khawm thungâi ka duh na!

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

EXODUS 16:32

Mosi nih, “LALPA nih manna hawng kan pêk mi hi, mâilei kan thlâk tla rangah kil u hawng kan ti. Aigupta ram ah mi hawng kan suakpi liauah ramkaro ah buh hawng kan pêk mi asi ti an muh khonâk ding hen,” a ti.

ISAI 3:10

Mirep tla chu anna lâwm lai le, an rangah thil zeizawng a tluang lai. An rianṭuan tha fâk lakah anna lâwm kho lai.

JEREMIA 11:4

Aigupta ram, an rangah meialh hâwi mi thawk hen ka suakpi na liauah an thlâktu tla sinah thudântuk ka siam mi chu asi. Ka thu ngâi ding leh thu ka pêk na mi zeizawng ti ding hen ka simh na. An zûl mi asi chun, ka mi tla an si lai le, Kei, an Pathian kasi lai ti ka simh na.

JEREMIA 11:7

Aigupta thawk hen an thlâktu tla ka suakpi na liauah, ka thu ngâi ding hen bir tak hen ka simh na mi chu tusûn ni tiang hen ka simh kumza na.

JEREMIA 13:11

Tai lakah puannêm tâwi menh asi hâwi hen Israel leh Juda mi chu ka lakah bir tak hen tleih thlir na ding ka tum. Churuang chun ka mi tla, keimah sawrtu leh ka min zahtu ding an si ruangah hi hi ka ti mi asi le; sikhawmsele ka thu an ngâi duh lo,” a ti.

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 22:3

“Repnâk leh diknâk ti ding hen, Kei, LALPA nih thu ka nan pêk na asi. Mi perpê nih a perpet mi chu hum rawh. Ramdang mi, mi ngâkṭah, numei tla nehsawh lah na; hi mun thenhlimh ah hin sualnâk nei lo mi tla thah lah na.

JEREMIA 24:7

Kei, LALPA kasi ti theih ding duhnâk ka pêk na lai. Churawhchun, ka sinah an thinlung zawzawng hen an hawng kîr awt rawh ruangah annih chu ka mi le an si lai le, Kei, an Pathian kasi lai.

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

JEREMIA 32:23

Sikhawmsele hi ram an hawng kal rawh chun mun an khuar le, na thupêk tla ngâilo hen na sîntir na mi hâwi hen khawm an um lo; ti ding hen thu na pêk na mi khawm an ti lo. Churuangah hi bang hâwi siatnâk zawzawng hi an tlûnah na hawng tlungtir rawh.

JEREMIA 38:20

Kei nih, “An lakah pêk na si lai lo. LALPA thuchah hi ngâi ding hen kan ngiar asi; chu tikah na rangah zeizawng a tluang lai le, na nungnâk khawm zuah asi lai.

JEREMIA 42:6

Kan rangah lawmhnâk si seh silah seh deih ding hen kan ngiartir mi LALPA kan Pathian thu chu kan ngâi lai,” an ti.

ZEPHANIAH 3:2

LALPA thu a ngâi duh lo le, a nunsimhnâk khawm a pawm lo. LALPA sinah a ngauh hen ṭangpinâk khawm a deih lo.

ZEKARIA 6:15

Ram lât takah um mi tla chu LALPA Biakin sak nawlh mi ṭangpitu ah an hawng lai, chu Biakin chu an sak nawlh tikah LALPA Zeizawng tikho nih nan sinah hawng ka fial mi kasi ti nan theih lai. LALPA nan Pathian thupêk nan zûl ver chun hi bang zawzawng hi a hawng tlung ver lai.

ZEKARIA 7:7

LALPA nih a tîrah mi khuavâng mang hen Jerusalem sul-le-lam tluang tak a um hen minung tla khat hen an kiangkam ah khuapi tla ah mi tam tak um mi lâwng silo hen simlei ram leh thlanglei tlângbul tla khuapi ah an um liau khawm ah thu a sim mi chu hi hi asi.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

2 KORIN 10:5

êlnâk tla leh thil sâng kip Pathian theihnâk kham ding hen sâng tak a siam mi tla chu siat hen, ruatnâk kip Krist thu ngâinâk sal ah kan rui le;

DEUTERONOMY 11:27

LALPA, nan Pathian thupêk tusûn ah kan pêk na mi hi nan zûl chun malsâwmnâk asi lai le;

DEUTERONOMY 13:4

LALPA chu ṭih hen amah chu zûl ule, ê-aw ngâi tak hen a thupêk tla zûl u, zumhkâi tak hen amah chu sawnh u.

DEUTERONOMY 13:5

Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 30:2

Nanmah leh nan thlâk tla LALPA leiah nanna hawi hen nan thinlung zawzawng hen tusûn ah ka nan pêk na mi a thupêk tla hi nan zûl chun,

DEUTERONOMY 30:20

LALPA nan Pathian chu dâwt ule, a lakah ê-aw ngâi hen zumhkâi hen um u, chu tikah an thlâk natu Abraham, Isak leh Jakob tla sinah pêk ding hen thu a tiamh mi ram ah nanmah leh nan thlâk tla hen sâwt tak nan um lai,” a ti.

DEUTERONOMY 30:8

tusûn ni ah ka nan pêk na mi a thupêk zawzawng tla hi nan zûl hen nan kil lai rawh.

DEUTERONOMY 4:10

nan dîr liau tla kha nan fa le nan tu tla simh na u. Chu liau chun Pathian nih ka sinah, ‘Zapi tla pumh na. Ka sim ding mi thu ngâi na seh, an dam kar zawzawng ka lakah ê-aw an ngâinâk ding leh an fa le tla nih an hawng ka ṭih ding thu an sîntir khonâk ding hen,’ a ti.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

DEUTERONOMY 6:3

Israel mi tla, ngâi ule, zûl u! Chun nan sul-le-lam a tluang lai le, phun chak tak nan hawng si lai le, neihnâk leh ram ṭha ah chun nan um lai, LALPA hawng kan thlâktu Pathian nih a tiamh mi hâwi hen.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

1 SAMUEL 15:22

Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.