JEREMIA 7:20 - Bawm Common Language Bible Version

²⁰ Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

JEREMIA 7:20 ပူးပေါင်းရင်းမြစ်များ

2 Lal 22:17

Kei chu an hawng ka duh lo le, pathian dang tla sinah bâwlnâk an ap, churuangah an thilti zawzawng tla nih ka thin an thawktir. Jerusalem tlûnah ka thinthawknâk chu a reh ding asi lo.

ISAI 10:17

Pathian, Israel tla chêunâk chu mei asi lai. Israel Pathian thenhlimh chu meialh ah a hawng a chang lai le, chu nih chun ni khat ko ah thil zeizawng ling leh bua tiang a khangh hep lai.

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

JEREMIA 11:16

Veikhat chu oliv thing nah dawh tak leh rah dawh tak mi ka nan ti le, sikhawmsele tu lam chun khuarît hâwi hâu suah hen a nah chu mei hen ka duah lai le, a ṭeng tla ka khiak awt.

JEREMIA 12:4

Zei tiang riamruam me kan ram tla hi a châr hen phâisen kip ah belh tla hi a uai awt? Kan mi tla sual ruangah leh mi nih “Kan thilti Pathian nih a muh an ti ruangah ramsa leh va tla chu an thi rawh,” a ti.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

JEREMIA 17:27

Sikhawmsele, ka thu an zûl hen Dinhni chu thenhlimh tak hen an ulh ding asi. Chu ni ah chun Jerusalem kulh kawtkâ ah zei thilrit khawm an lûtpi ding asi lo, an lûtpi chun Jerusalem kulh kawtkâ chu mei hen ka duah awt. Mei nih chun Jerusalem ah lal in tla a khangh lai le, âukhawm nih mih kho asi lai lo,” a ti.

JEREMIA 17:4

Ka thinthawknâk chu mei hâwi hen a alh kumza awt ruangah ram ka nan pêk na mi chu nan dawk lai le, nan theih dah lonâk ram ah nan mêlma tla rianṭuantu ah ka nan siam na lai,” a ti.

JEREMIA 18:23

Sikhawmsele, LALPA, thah ding hen an ka tum mi tla na theih asi. An thilsual ti chu ngaihdam lah na le, an sualnâk tla khawm ngaihdam lah na. Neh ding hen siam na le, na thinthawk liauah do na rawh,” ka ti.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 44:6

Churuangah, ka thinthawknâk leh ka thinrunhnâk chu Juda khuapi tla leh Jerusalem khua zâwllâi ah ka thlêt le, mei hen ka duah na. Râwk dep hen an um le, muhnâk ah lâu kâi rê hen tu chun an um rawh.

JEREMIA 6:11

An tlûnah na thinthawknâk nih kei lung khawm a fâktir bâk, LALPA, ka tuar kho lo rawh,” ka ti. Churawhchun, LALPA nih ka sinah, “Ka thinthawknâk chu khua dungah ngâksia tla tlûnah leh tlangvâl anna pûm mi tla tlûnah thlêt. Pasal leh nupi tla chu lâk ving hen an um lai le, a tar khen mi khawm zuah an si lai lo.

JEREMIA 6:12

An in tla chu midang sinah pêk asi lai le, chu hâwi hen an phâisen leh an nupi tla chu pêk asi lai. Hi ram minung tla hi ka rêp na awt.

JEREMIA 8:13

“Mi nih mîm-leh-fâng a pumh mi hâwi hen, ka mi le pumh na ding ka duh le; sikhawmsele, grep zûn rah lo leh theipi kûng rah lo hen a nah tiang uai ver mi hâwi an si. Churuang chun lênglei mi tla nih ram lâk hep ding hen ka siang,” a ti.

LUNGFÂKNÂK 4:11

LALPA nih a thinthawknâk zawzawng chu a thlah dul; Zion ah mei a tih le, chu nih chun a khangh hep.

EZEKIEL 22:22

Tangkasa â êrnâk mei nih a zawrtir mi hâwi hen Jerusalem ah an zawr lai le, chu tikah LALPA thinthawknâk an tuar mi an theih lai rawh,” a ti.

EZEKIEL 7:12

A tik a tlung rawh. Mikip tlûnah bang khap hen Pathian rêpnâk a tlung awt ruangah châwk leh zuarnâk duan dân a um awtlo ding mi ni a nâi rawh.

EZEKIEL 7:14

Tâwtawrâwt a hawng âwn le, mikip tîm zet hen an um. Sikhawmsele âukhawm râltuk ding hen an kal lo, mikip tlûnah Pathian thinthawknâk bang khap hen a tlung awt ruangah.

DANIAL 9:11

Israel tla zawzawng nih na dân tla an buar le, na thusim an ngâi duh lo, na lakah thilsual kan ti le, churuangah na to-aw Mosi dân ah rîn mi tla siat chu kan lakah na tlungtir.

LEVITICUS 26:28

ka thinthawk hen nan lakah ka lung asi lai lo le, kan rêp na nâk chu a ṭhalo chem mi vei sarih ka hawng tlungtir lai.

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

ZEPHANIAH 1:2

LALPA nih, “Tual tlûnah thil zawzawng,

ZEPHANIAH 1:3

minung leh ramsa zawzawng, va leh nga tla ka veih hep awt, misual tla niamnâk ka tlungtir awt. Minung zawzawng pakhat khawm âk lo hen ka veih hep awt. Kei, LALPA nih ka sim mi asi.

ZEKARIA 7:12

An thinlung chu lungpi hâwi hen an changtir le, ngaihlo lêm an thlâk. A lânah mi khuavâng fial hen sîntirnâk ka pêk na mi an ngâilo ruangah thungâi ka thinrun.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.