JEREMIA 7:16 - Bawm Common Language Bible Version

¹⁶ LALPA nih, “Jeremia, hi minung tla rangah hin thlacham lah. Anmah ruangah ṭap lah, thla khawm cham lah; ka sinah khawm deih piak lah na, ka nan ngâi piak awtlo ruangah.

JEREMIA 7:16 ပူးပေါင်းရင်းမြစ်များ

2 SAMUEL 8:18

Jehoiada fapa Benaiah chu David vêngtu hotu asi, David fapa tla chu bâwlpu an si.

EXODUS 32:10

Tuah hawng ka khap rîlmâl lah, ka thin an hawng ka thawktir tuk; ka kal lai le, ka veih dep na awt. Churawhchun, nangmah leh na thlâk tla phun rokual takah ka nan siam na awt,” a ti.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

JEREMIA 11:14

Jeremia, hi bang minung tla ruangah hin ka sinah thlacham hen hawng ka ngiar lah. An lawksawng ni ah ṭangpi hawng ka ngiar na khawmsele ka ngâi piak na awtlo,” a ti.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 18:20

Thil ṭha hi thilsual hen leh ding ma asi? Sikhawmsele, ka tlâknâk ding hen khur an chawh. Na thinthawk hen an tlûnah thil na ti lonâk ding hen, na sinah hawng hen anmah ruangah thu ka sim mi tla theihkumza rawh.

JEREMIA 4:28

Tual chu a lungfâk lai le, vân a mûi lai. LALPA nih chun a sim rawh le, a thinlung a lêt lai lo. Thu a thlûk rawh mi chu a lêt nawlh lai lo rawh.

JEREMIA 7:17

Juda khuapi tla leh Jerusalem khua lâi ah an thilti tla na muh lo ma?

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

DEUTERONOMY 9:14

Hawng ka thloh rîlmâl lah. Ka veih dep na awt, âukhawm nih an theih na lai lo rawh. Nang hi anmah ngâk hen phun lian leh thiltikho dauh pa ah ka nan siam awt,’ a ti.

1 JOHAN 5:16

Âuzawng a unaupa nih thihnâk khawp rê hen a tling lo mi sual ti hen muh sele, nungnâk pêk awttu Pathian chu a deih lai le, a deihnâk chu a siang piak lai. Sikhawmsele, thihnâk khawp rê sual a um le, chu hâwi mi rang chun deih piak ding ka ti mi si lo.