JEREMIA 7:13 - Bawm Common Language Bible Version

¹³ Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

JEREMIA 7:13 ပူးပေါင်းရင်းမြစ်များ

THUFING LASUIBU 1:24

Ka nan auh hen, hawng ding hen ka nan sâwm le; sikhawmsele na ngâi duh lo. Ka thusim khawm na ngâi duh lo.

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

ISAI 65:12

Ka nan kawh na liauah nan ka sâng duh lo ruangah leh thu ka sim liauah nan ngâi duh lo ruangah siat leh râwk hen thihnâk chu nan tâ asi lai. Ka lakah ê-aw ngâilo ding leh sual thilti ding nan thîm.

ISAI 66:4

Thu ka sim mi khawm an ngâilo, ka kawh na liau khawm pakhat khawm nih an ka sâng lo ruangah an ṭih tak mi anmah râwktu thil ka tlungtir awt. Ka thu ngâilo hen thilsual ti an duh dauh,” a ti.

JEREMIA 11:7

Aigupta thawk hen an thlâktu tla ka suakpi na liauah, ka thu ngâi ding hen bir tak hen ka simh na mi chu tusûn ni tiang hen ka simh kumza na.

JEREMIA 11:8

Sikhawmsele, an zûl hen an ngâi duh lo. Chu ngâk hen mikip nih an lung an khung tir hen an sual nget rih. Thudântuk zûl ding hen thu ka pêk na le, sikhawmsele an êl. Churuangah an lakah rêpnâk rîn hen um mi zawzawng chu ka tlungtir,’’ a ti.

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 13:11

Tai lakah puannêm tâwi menh asi hâwi hen Israel leh Juda mi chu ka lakah bir tak hen tleih thlir na ding ka tum. Churuang chun ka mi tla, keimah sawrtu leh ka min zahtu ding an si ruangah hi hi ka ti mi asi le; sikhawmsele ka thu an ngâi duh lo,” a ti.

JEREMIA 25:3

“Amon fapa Juda lalchem Josiah a lal mi kum leithum thawk hen kum kul leh kum thum tusûn ni tiang hen LALPA nih ka sinah thu a sim mi chu pakhat khawm relhlo hen kan simh hep na. Sikhawmsele nan ngâi duh lo.

JEREMIA 26:5

ka to-aw khuavâng tla nan sinah ka hawng fial lemang na mi thu ngâi hen ka thu nan zûl ding asi. An thusim nan zûl dahlo.

JEREMIA 29:19

Ka to-aw khuavâng mang hen thu ka chah na mi an zûl duh lo ruangah chu chu an lakah a tlung lai. A ngâi ding an duh loh.

JEREMIA 32:33

Ka sîntir na lemang khawm ah an dunglei an hawng ka sît le, ka thu an ngâi hen an châwng duh lo.

JEREMIA 35:14

Jonadab thlâk tla nih uain din ding asi lo ti hen thu a pêk na mi chu an zûl le, tusûn ni tiang hen âukhawm nih an din lo. Sikhawmsele kan simh kumza na mi, ka thu nan ngâi duh lo thlo.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 35:17

Churuangah chun tuah Kei, LALPA Zeizawng tikho, Israel Pathian nih Juda mi tla leh Jerusalem mi tla tlûnah siatnâk hawng tlung ding hen ka tiamh mi zawzawng ka hawng tlungtir awt. Nan sinah thu ka sim khawm ah nan ka ngâi piak duh lo le, ka nan auh na khawm ah nan ka sâng lo ruangah hi hi ka ti awt asi,” a ti.

JEREMIA 44:23

A thupêk zawzawng ngâilo hen pathian dang tla sinah bâwlnâk ap hen LALPA tlûnah thilsual nan ti ruangah tu mi siatnâk hi nan tlûnah a hawng tlung rawh asi,” a ti.

JEREMIA 44:4

Ka to-aw khuavâng tla, hi thil ṭihnungkâi ka hua mi hi ti lo rawh ding hen an simh na ding hen ka hawng fial kumza.

JEREMIA 5:21

Nannih mi â leh mi lungkhung, mit nei ko hen muh kholotu leh nâ nei ko hen theih kholotu tla, ngâi u.

JEREMIA 6:10

Kei nih ka sâng le, “An sinah thu ka sim hen ka simhkan na chun âunih an ka ngâi piak awt? Mi lungkhung an si le, na thuchah khawm an ngâi duh lo; sim ding hen thu na ka simh mi hi an nihsuak tâwk cho lai.

JEREMIA 7:25

Aigupta ah mi an thlâk natu an hawng suak ni thawk hen tusûn ni tiang hen ka khuavâng tla, ka to-aw tla nan sinah ka hawng fial kumza na.

HOSEA 11:2

Sikhawmsele ka kawh bilik leh a ka pialtâk dauh. Ka mi tla chu Baal sinah anna bâwl le; milem sinah rimthâw an duah.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 9:17

A thu an ngâilo ruangah, a rian a ṭuan mi Pathian nih a mi tla chu a nawng na lai, phun tla nâwngah vei leh vâk hen an um lai.

ZEKARIA 7:13

An sinah thu ka sim mi an ngâilo ruangah thla an cham mi khawm ka ngâilo.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.