JEREMIA 7:11 - Bawm Common Language Bible Version

¹¹ Ka Biakin chu rawkmang tla thupnâk ah ma na ruat? Nan thilti tla chu ka muh asi.

JEREMIA 7:11 ပူးပေါင်းရင်းမြစ်များ

2 CHRONICLES 6:33

Nangnih vân ah na umnâk thawk hen ngâi le, a nan deih mi chu ti piak le, na mi Israel tla hâwi hen laikulh mi zawzawng nih a nan theih kho lai le, na thu an ngâi lai. Churawhchun, hi Biakin ka sak mi hi nangmah sawnhnâk mun ding asi ti an theih lai rawh.

ISAI 1:12

Ka sinah sawnh ding hen nan hawng liauah hi bang hawng put ding hen âunih a nan ngiar na? Ka Biakin hawng sirh ding hen âunih a nan ngiar na?

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

JEREMIA 2:34

Na nipuan chu mifîr thisen silo hen mipâm leh sual nei lo mi thisen â buaih. “Sikhawmsele, hi hâwi tluk mi lakah,

JEREMIA 23:24

Ka muh kho lo ding hen âukhawm anna thup kho lo. Tual leh vân mun kip ah ka um ti nan theih lo ma?

JEREMIA 29:23

LALPA min hen âwkrâwl thu an sim le, LALPA min hen sual ṭihnungkâi ti hen ṭângdang an pawmtâk ruangah, hi hi an thihnâk ding chu asi. Hi hi LALPA duh lo kâng asi; thil an ti mi a theih na hen anmah lakah anih chu theihtu asi. LALPA nih a sim,” a ti.

JEREMIA 7:10

Hi bang thil ka hua mi tla hi nan ti le, ka Biakin takah nan hawng le, ka mâika ah dîr hen ‘Kan him mi rawh!’ nan ti.

EZEKIEL 35:13

Ka tlûnah siarlo tak hen na khâwng zia tla ka theih,” a ti.

DANIAL 9:18

Pathian, hawng kan ngâi le; hawng kan zauhnik, kan lawksawng zia leh na min puttu khuapi nih a tuar zia hi theih rawh. Thildik kan ti mi ruangah silo hen, khuaruattu na si ruangah, na sinah thla kan hawng cham asi.

MATHAI 21:13

an sinah, “ ‘Ka in chu thlachamnâk in an ti lai,’ ti rîn asi; nannih lam nih chun rawkmang tla pûk ah nan siam dauh tâwn asi,” a ti.

MARK 11:17

Chun, an sinah chun, “ ‘Ka in chu phun kip rangah thlachamnâk in an ti lai,’ ti rîn asi lo mazei? Nannih lam nih chun rawkmang tla pûk ah nan siam,” ti hen, a sîntir na rawh.

JOHAN 2:16

Chun, vaṭhu zuartu tla sinah chun, “Hi bang tla hi kalpi u, ka Pa in sawlehnâk in ah mang lah u,” a ti.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.