JEREMIA 6:8 - Bawm Common Language Bible Version

⁸ Jerusalem mi tla, hi bang nawknâk tla hi nan rangah simhkannâk si seh, chu hâwi asi lo chun ka nan kaltâk lai le; ramkaro âukhawm umlonâk hâwi hen na khuapi ka umtir awt,” a ti.

JEREMIA 6:8 ပူးပေါင်းရင်းမြစ်များ

SAM 2:10

Nannih lal tla, tuah râltuknâk hi, ngâi u; nannih laikulh lal tla, hi ti ding mi hi a sîn u:

SAM 50:17

A nan diktir ding hen na ka duh lo le. ka thupêk khawm na duh lo.

SAM 94:12

LALPA, na sîntir na mi chu an thaw a suak hen na dân na sîntir mi chu an thaw a suak!

THUFING LASUIBU 19:20

Krai pêk na ngâi hen zûl ding na duh chun zei tikah mawh chun na fing nget lai.

THUFING LASUIBU 4:13

Na sîn mi tla chu theihkumza. Na thiamnâk chu na nungnâk asi, ṭhadektê hen vêng.

JEREMIA 17:23

An thlâktu tla nih ka thu an ngâi duh lo le, zeikhawm an siarlo. Chu hâwi ding ngâk hen an lung a khung; ka thu an ngâi duh lo hen theih ding an duh lo.

JEREMIA 2:15

Chakeibaknei hâwi hen an hûk rawh; a ram chu a karo hen an siam le, a khuapi tla chu râwk hen kaltâk phin hen a um.

JEREMIA 31:19

Nangmah lakah mi chu kâng dang leiah kanna her le, sikhawmsele sâwtlotê ah hawng kîr ding kan duh. Na kan rêp nûn chun, lungzûr tak hen kan lû kan thlâi thlo. Kan ngâksia liauah thilsual kan ti ruangah ningzakkâi leh mualpho hen kan um,’ an ti.

JEREMIA 32:33

Ka sîntir na lemang khawm ah an dunglei an hawng ka sît le, ka thu an ngâi hen an châwng duh lo.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

JEREMIA 7:28

Nan phun tla nih LALPA an Pathian khawm an theih lo, a rêp na mi khawm an theih lo ti hen simh na. Zumhkâinâk chu a thi rawh. A thu khawm sim asi lo rawh.

JEREMIA 7:34

Ram khawm a karo hen a um lai. Juda khuapi tla ah leh Jerusalem khua lâi ah nuam chenh hâu leh nupa umhnâk puai lawmh hâu tla ka dawngtir lai rawh.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

EZEKIEL 23:18

Zatlâng theih hen a um le, mikip nih mi hur asi mi an theih rawh. A unaunu ka fih mi hâwitê hen amah khawm ka fih.

HOSEA 9:12

Fa ring menza na khawmsele ka lâk ving lai le, pakhat khawm nung hen ka siah na awtlo. Hi minung tla hi ka kaltâk na tikah chun, thil ṭihnungkâi an lakah a hawng tlung lai,” a ti.

LEVITICUS 26:34

Nan ram nan siang lo mi ram chu a âwl thlo lai rawh. Kaltâk hen a um lai le, nan mêlma ram ah nan um kar zawng chu a âwl ko lai rawh.

ZEPHANIAH 3:7

Churawhchun, ka mi tla nih an hawng ka zah lai rawh le, ka nunsimhnâk khawm an pawm hen ka sîntir na mi khawm an philh lai lo ti ka ruat. Sikhawmsele a lân a mi hâwitê hen ṭhalo tak hen an um nawlh sawm fâwn.

DEUTERONOMY 32:29

Zei ruangah neh hen kan um ti khawm an theih lo; zei thil me a hawng tlung ti khawm an theih kho lo.