JEREMIA 6:7 - Bawm Common Language Bible Version

⁷ Tikhurchawh nih tî thar a kil mi hâwi hen, Jerusalem nih a thilsual thar chu a kil thlir. Khuapi sungah siat leh râwknâk hâu ka theih; damlonâk leh liam mi tla zawzawng ka muh.

JEREMIA 6:7 ပူးပေါင်းရင်းမြစ်များ

THUFING LASUIBU 4:23

Na thil dawn lakah a thiamthih le, na dawnnâk zia zia hen na nunchan chu a um lai.

ISAI 1:6

Na lû sîp thawk hen na kezaphah tiang hen na taksa lakah a himnâk rêng a um lo. Thî a suak mi leh mâ leh liam mâ nih an tuam pang. Na liam mi mâ tla chu ṭâwl hen tuam asi lo. Zei turpâng khawm buaih asi lo.

ISAI 57:20

Sikhawmsele misual tla chu tipi tîlian nih rawng leh nâwmtâm chat lo hen a fenh mi hâwi an si.

JEREMIA 20:8

Thu ka sim kip ah “Zângnâwrnâk! Siatnâk!” ti hen ṭap hen âu ding ka suak. LALPA, na thuchah ka phuang ruangah zeiliau zawng ah nihsanh leh zauhnawmh hen ka um.

JEREMIA 30:12

LALPA nih a mi tla sinah, “Nan liam mâ tla chu damh kho asi lo, Nan mâ tla khawm damh kho asi lo.

JEREMIA 30:13

Nannih zauhkhenhtu ding pakhat khawm an um lo, nan mâ tla damhnâk ding zeikhawm a um lo, nan rangah dam ding hen lungumnâk a um lo.

JEREMIA 30:15

Nan mâ ruangah vûirâm lah rawh u, nan rangah damhnâk a um lêm lo. Nan sualnâk a tam hen nan ṭhatlonâk a fâk tuk ruangah hi hâwi hen kan rêp na mi asi.

JEREMIA 32:31

Hi khuapi mi minung tla nih hin an dirh tîr thawk hen ka thin an thawktir hen ka heh an ka hârtir.

JEREMIA 8:22

Gilead ram ah turpang a um lo men maw? Chunah chun daktawr an um lo na maw? Chu hâwi asi chun, zei rangah ka mi tla an dam dahlo rih?

EZEKIEL 21:29

Muhnâk na muh mi khawm a diklo, na simkannâk thu khawm âwkrâwl asi. Na sual hen na ṭhalo le, na rangah rêpnâk ni, ni dawnghnâk chu a tlung rawh. Nâmsâu chu na ngâwng ah a tlâ awt rawh.

EZEKIEL 24:7

Khuapi sungah mi thahnâk a um le, sikhawmsele thî chu valeidip nih khuh khonâk ah tual ah thlêt lo hen lungpi tlûn salam ah thlêt hen a um.

EZEKIEL 45:9

LALPA Zahkâi nih, “Nannih Israel lâirêltu tla, nan sual zia a sâwt tuktarâi rawh! Mi rangah siatnâk nan ti mi leh nan nâunehnâk bâng u. A dik mi leh â rep mi ti u. An ram sungah mi ka mi tla nan suaktir na ding asi lo rawh. Kei, LALPA Zahkâi nih hi hi ka nan simh na asi.

EZEKIEL 7:11

Râwknâk nih sualnâk a suah. An neihnâk mawh, an lianhnâk mawh an rokualnâk mawh an rangah thil zeikhawm a um lai lo.

EZEKIEL 7:23

“Thil zeizawng a nawk hep, ram chu thahnâk hen a khat le, khuapi tla chu siatnâk hen a khat.

ZEPHANIAH 3:1

Jerusalem râwk hen um mi, mah minung tla nehsawhtu khuapi chu a vânduai rawh.