JEREMIA 6:6 - Bawm Common Language Bible Version

⁶ LALPA Zeizawng tikho nih lalchem tla chu Jerusalem hual ding hen thing tla hâu ding leh mualpâwng tla siam ding hen thu a pêk na mi asi. “Hi khuapi hi nâunehnâk hen a khat ruangah ka rêp awt.

JEREMIA 6:6 ပူးပေါင်းရင်းမြစ်များ

ISAI 37:33

“Hi hi Asiria lal lianchem thu a sim mi chu asi: ‘Hi khuapi ah a hawng lût hen chanhtiang thalzum pakhat khawm kahnâk ah a mang lai lo. Zei kawrsen khawm a phaw hen khuapi kiangah a hawng lai lo le, a kiangkam ah hêl dak hen tual pawng an siam lai lo.

JEREMIA 20:8

Thu ka sim kip ah “Zângnâwrnâk! Siatnâk!” ti hen ṭap hen âu ding ka suak. LALPA, na thuchah ka phuang ruangah zeiliau zawng ah nihsanh leh zauhnawmh hen ka um.

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 32:24

“Babulon mi tla nih lâk ding hen khuapi hêl dak hen an hual hen tualpawng tla an siam, churawhchun an do na rawh. Tuknâk leh sungvângnâk leh râi nih khuapi chu an kut ah a tlûktir. Na sim mi zawzawng chu dik tak hen a hawng tlung ti na muh.

JEREMIA 32:31

Hi khuapi mi minung tla nih hin an dirh tîr thawk hen ka thin an thawktir hen ka heh an ka hârtir.

JEREMIA 33:4

Kei, LALPA, Israel Pathian nih Jerusalem mi in tla leh Juda lal in chu siat asi lai ti ka sim asi. Babulon mi tla nih kulh hual hen tualpawng an siam mi chu suak hen va do na ding chu zeikhawm a ṭhatvaknâk a um lo. Ka thinthawknâk leh ka hehhârnâk hen ka thah na ding mi ruak hen khuapi chu a khat lai. A sungah minung tla nih thilsual an ti ruangah hi khuapi hi ka hertâk asi.

JEREMIA 39:1

Juda lalchem Zedekiah lal asi mi kum kua a thla rânâk ah Babulon lalchem Nebukadnezar chu a kawrsen zawzawng hen an hawng le, Jerusalem an do.

JEREMIA 5:29

Sikhawmsele, Kei, LALPA nih hi bang thil ruangah kan rêp na lai le; hi phun lakah lehrûl ka sam lai.

JEREMIA 5:9

Hi bang thil tla ruangah hin ka rêp na hen chubang tla ruangah chun phun tla tlûnah phû ka lam awtlo ma?

EZEKIEL 4:2

An hual mi zauhtirnâk ding hen khur chawh le, tual chawh tla, kawrsen mun tla kulh râwknâk hêl dak hen siam.

EZEKIEL 5:5

LALPA Zahkâi nih, “Jerusalem zauh. Laikulh ah ramdang zawzawng nih kulh hen a lâi chirah ka siah.

DANIAL 11:15

Churawhchun, Siria lal nih kulhnei khua chu a hual lai le, a neh lai. Aigupta kawrsen tla nih an do lai lo rawh le, an lakah a mêchem tla khawm nih tha an nei lai lo rawh.

ZEPHANIAH 3:1

Jerusalem râwk hen um mi, mah minung tla nehsawhtu khuapi chu a vânduai rawh.

LUK 19:43

Na mêlma nih na kiang hêl dak hen tual kulh an siam lai le, a nan hual lai le, na kiang hêl dak hen suak kho lo hen a nan um nawh lai.