JEREMIA 6:12 - Bawm Common Language Bible Version

¹² An in tla chu midang sinah pêk asi lai le, chu hâwi hen an phâisen leh an nupi tla chu pêk asi lai. Hi ram minung tla hi ka rêp na awt.

JEREMIA 6:12 ပူးပေါင်းရင်းမြစ်များ

1 CHRONICLES 21:16

David nih vânmifial a nâmsâu put hen Jerusalem râwk ding sek hen vân lâi ah dîr mi a muh. Churawhchun, David leh zapi tla ruitu zawzawng nih salâpuan anna aih le; an mêl tual tawngh khet hen an kûn.

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 5:25

LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

ISAI 9:12

Saklei ah Siria mi leh thlanglei ah Philistia tla chu Israel veih ding hen an kâ an âng. Chu hâwi tluk asi khawm ah LALPA thinthawknâk chu a reh dahlo rih; rêp ding hen a kut chu a zangh nget rih.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 21:5

Ka chaknâk zawzawng hen, ka thinthawknâk leh ka thinrunhnâk leh ka lungsilonâk hen ka nan do awt.

JEREMIA 38:22

Juda lal in ah nunau um mi zawng chu Babulon lalchem milian tla sinah put hen an um mi ka muh. An kal liauah an thusim ngâinik: ‘Lalchem chu a hâwi ṭha chem tla nih mah lo leiah an kalpi le, a tlûnah lâi an rêl. Tu chun a kê chu nêngthû lakah a pil le, a hâwi le nih an kaltâk rawh,’ ” an ti.

JEREMIA 38:23

Thu dang ka sim nawlh le, “Na nupi leh na fa tla chu Babulon leiah an put lai le, nangmah khawm na âwl lai lo. Babulon lalchem nih an tleih lai le, hi khuapi khawm duah asi lai,” ka ti.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

LUNGFÂKNÂK 2:8

LALPA nih Zion kulh chu râwk ding a tum rerêng; Râwk dep ding hen a tahtimh zet mi rawh. A kulh leh a insâng tla khawm tu chun râwk dep hen a um rawh.

LUNGFÂKNÂK 3:3

Vuakfung hen khuaruat lo thlo hen hawng ka vuak nûnah hawng ka vuak nawlh.

LUNGFÂKNÂK 5:11

Kan nupi tla chu Zion tlângah tleihrêm hen an um le, Juda khua kip ah kan fanu tla chu an zângsual na.

LUNGFÂKNÂK 5:2

Kan thil-le-rî chu khual tla kut ah a um le; ramdang mi tla chu kan in tla ah an um.

LUNGFÂKNÂK 5:3

Kan pa tla chu mêlma tla nih an thah na le, tu chun kan nu tla chu numei an si rawh.

EZEKIEL 35:3

Kei, LALPA Zahkâi nih ka sim mi thu hi zapi tla simh na: Edom tlâng sâng tla, na mêlma chu keimah hi kasi! Siat leh râwk dep hen ka nan siam awt.

EZEKIEL 7:24

Ramdang minung sual tak ka hawng put lai le, nan in tla ka pêk na awt. Phun tla chu nan sawnhnâk mun ka nawmhtir na tikah nan mi chak chem tla khawm anna zûm lai lo rawh.

MIKAH 2:4

Chu chu a hawng tlung tik chun mi nih a sia leikâng hen nan thâwng an sim lai le, nan thinlung lungdawngh kâi tak chu la hen an sak lai: Kanna râwk dep rawh! Kan ram chu LALPA nih a lâk le, Sal ah hawng kan puttu tla sinah a pêk ving rawh, ti mi hi an sak lai,” a ti.

ZEPHANIAH 1:13

An neih tla chu lâk piak hen a um lai le, an in tla veih piak hen a um lai. An sak mi in lak khawm, an um lai lo, grep an phun mi uain khawm an din lai loh,” a ti.

ZEPHANIAH 1:4

“Jerusalem mi leh Juda mi zawzawng ka rêp na awt. Chunah Baal sawnhtu tla thu chu ka veih lai le, lunglotu tla sawnhnâk ah bâwlpu mang mi tla chu âukhawm nih an theih lai lo rawh.