JEREMIA 52:6 - Bawm Common Language Bible Version

⁶ Chu kum a thla linâk a ni kua ni an pâm a fâk tuktarâi ruangah mi nih ei ding zeikhawm an nei lo rawh le, kulh chu an pemh rawh.

JEREMIA 52:6 ပူးပေါင်းရင်းမြစ်များ

2 Lal 25:3

Chu kum thla linâk a ni kua ni ah, pâm thungâi a zual le, mi zapi tla nih zeikhawm an nei lo rawh le, kulh vâm an pemh rawh.

ISAI 3:1

Tuah Lalpa, LALPA Zeizawng tikho nih Jerusalem ah mi leh Juda lakah mi thil zawzawng leh mi zawzawng nih anna ngauhsannâk zawzawng a lâk ving awt.

JEREMIA 15:2

Zeiah kan kal lai ti hen a nan deih chun, keimah nih ka sim rawh mi kha simh na: A zeimaw mi chu râi lakah thi ding mi an um, chu chu an kalnâk ding mi asi. A zeimaw mi chu râltuknâk ah thi ding mi an um, chu chu an kalnâk ding mi asi! A zeimaw mi chu sungvâng hen thi ding mi an um, chu chu an kalnâk ding mi asi! A zeimaw mi chu sal ah put ding mi an um, chu chu an kalnâk ding mi asi!

JEREMIA 19:9

Mêlma nih khuapi chu an kulh lai le, a mi tla thah ding an tum lai. Chu khua an hual mi chu ṭihnung a kâi tukah khuapi sungah mi tla chu anmah leh anmah anna ei lai le, an fa tla tiang an ei lai,” a ti.

JEREMIA 21:9

Âuzawng khuapi lakah umtu chu râltuknâk lakah mawh sungvâng leh râi lakah mawh an thi lai. Sikhawmsele âuzawng va suak hen tuah khuapi dotu Babulon mi tla sinah va a pêktu chu thah an si lai lo; a nungnâk zing zuah asi lai.

JEREMIA 25:10

An lâwptlonâk leh lâwmnâk hâu leh nupi puai lakah lâwmnâk hâu tla ka rehtir lai. An meichêu rangah a hâng an nei lai lo le, fâng khawm a um lai lo rawh.

JEREMIA 37:21

Churawhchun, lalchem Zedekiah nih lal in kulh sungah khumh ding hen thu a suah. Chunah chun ka um le, khuapi ah mi sang a dih lânlo chu nisiar hen sang siamtu sinah mi sang an hawng ka pêk.

JEREMIA 38:9

“Bâwipa, zahkâi, hi minung tla thilti hi a diklo. Jeremia chu tipang ah an siah le, chunah chun sungvâng hen a thi ding ko rawh, khuapi khawm ah ei ding a um lo rawh mi,” a ti.

JEREMIA 39:2

Zedekiah a lal mi kum leikhat a thla kuanâk ah khuapi kulh tla chu a râwk ver rawh.

LUNGFÂKNÂK 1:11

A mi tla chu ei ding hâwl hen an rûm; Nung ding duh hen an thilneih hen buh an thleng. “LALPA, hawng ka zauhnik, ka hamh mi hi hawng ka muh rawh,” ti hen khuapi chu a ṭap.

LUNGFÂKNÂK 5:10

Kan sung a vâng tuk le, kan zâw phah rê, kan vun tla chu lungthukâ hawi hen a lîn rê.

EZEKIEL 14:13

“Thikho mi minung, ram nih sualnâk a ti hen ka lakah zumh a kâi lo chun ka kut ka zangh lai le, tî-râwl suaknâk ka râwk awt. Pâm ka tlungtir lai le, minung leh ran bang cho hen thah an si lai.

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

EZEKIEL 31:1

Sal ah kan tâng mi a kum leikhatnâk a thla thumnâk a ni khatnâk ni ah LALPA nih ka sinah thu a sim.

EZEKIEL 5:16

Nan tî-râwl ka sah lai le, sungvâng hen kan siah na lai. Nanmah veihtu chanhtiang thalzum sunh hâwi hen sungvângh a fâk zia nan theih lai.

EZEKIEL 7:15

Zâwllâi ah donâk a um le, in sungah damlonâk leh sungvângnâk a um. Âuzawng ram lakah suaktu chu donâk lakah an thi lai le, âuzawng khuapi sungah um mi tla chu damlonâk leh sungvângnâk an tuar lai.

LEVITICUS 26:26

Nan buh tawngnâk lampi ka sah lai, nunau parâ nih sang zawzawng hût ding hen bêl pakhat cho a herh lai. Chu lakah mi chu an hawng ṭhen lai le, nan ei thluh ver nûn khawm ah nan sungvangh chu a mahmun nget lai.

ZEKARIA 8:19

“Thla linâk, thla nganâk, thla sarihnâk leh thla rânâk ah buh ngeinâk chu Juda mi tla rangah lâwmnâk puai leh lâwptlonâk puai a hawng si lai. Thudik leh lungngamnâk nan duh ding asi,” a ti.

DEUTERONOMY 32:24

Sungvâng leh damlo hen an thi lai le, râi ṭihnungkâi hen an thi lai. Anmah sehtu ding hen ram sa tla ka fial lai le, anmah chuktu ding hen rûl tûrnei ka fial lai.