JEREMIA 52:18 - Bawm Common Language Bible Version

¹⁸ Vachâm rûtnâk leh mâichâm a mi vachâm khawngnâk, khâwnvâr thuamthil, bâwlnâk thisen dawnhnâk khêng, rimthâw duahnâk khêng, leh Biakin rianṭuannâk ah mang mi dâr thildang zawzawng chu an lâk hep.

JEREMIA 52:18 ပူးပေါင်းရင်းမြစ်များ

NUMBER 4:14

Mâichâm ah rianṭuannâk thil zawzawng a tlûnah siah ding asi: mei lâknâk, thîr kuaih mi, vachâm rûtnâk leh mâihûm tla khawm. Churawhchun, savun ṭha mi hen a khuh lai le, a zawnhnâk fung an sawh lai.

EXODUS 27:3

Vachâm siahnâk bêl leh vachâm rûtnâk, khêngkûm leh sa thurnâk thîr ngawih mi leh mei lâknâk khêng siam ding asi. Hi ruakhâu zawzawng hi dâr hen siam ding asi.

1 Lal 7:40

Huram nih bêl tla, vachâm rûtnâk tla, khêng tla, a siam. Lalchem Solomon leh LALPA Biakin rangah a rianṭuan chu a lîm rawh. Hi bang tla hi a siam mi tla chu an si: A tung panih A tung pârah toh ding mi khêngkûm panih A tung pârah chikchîn hen thuamh mi a lubo Dâr pomegranate zali, zâ vima hen tlar nih a lû sîp hêl dak hen siam mi Kari parâ Mâihûm parâ Mâihûmpi pakhat Chawchal leinih mâihûmpi phurhtu Bêl tla, vachâm rûtnâk tla leh khêng tla Hi bang ruakhâu zawzawng hi Biakin rang ver asi, lalchem Solomon rangah Huram nih a siam mi chu dâr hen thuamh mi ver asi.

2 CHRONICLES 4:22

meichêu mûm, khêngkûm, rimthâw duahnâk khêng, meiṭil putnâk khêng ngiang nei. Chubang zawzawng chu ngûn hen siam mi asi. Biakin khâr lênglei mi leh Mun Thenhlimh Chem mi inkhâr chu ngûn hen luanh mi asi.

2 CHRONICLES 4:11

Huram nih bêl tla, meiṭil rûtnâk leh lawnhnâk tla, khêngkûm tla a siam. Lalchem Solomon sinah Biakin rang ding ah thuamthil siam ding a tiamh mi zawzawng chu a lîm rawh. Tung panih Tung panih pâr ah khêngkûm lem um mi A lû lakah chikchîn hen zemh mi Chu a lubo lakah pomegranate zali tlar nih hêl dak hen a tung kip ah um mi Kari parâ Mâihûmtê parâ Hûmpi Hûmpi phurhtu chawchal lem leinih Bêl, meiṭil rûtnâk leh lawnhnâk, sathurnâk thîrzum. Huram mi zungthiam nih thil zawzawng thuamthil tla chu a siam le, dâr hen luanh mi hep asi, Lalchem Solomon nih thu a pêk hâwi hen LALPA Biakin rangah mang ding mi hep asi.

1 CHRONICLES 28:17

Thîrzum tla, khêngkûm tla, tî dûr tla, khêng tla siamnâk ding ah ngûn leh tangkasa mang ding zat tla,

1 Lal 7:50

hâi tla, khâwnvâr mûm tla, khêngkûm tla, rimthâw duahnâk khêng tla, meiṭil rûtnâk khêng tla, Mun Thenhlimh Chem kawtkâ rangah kawpza tla leh Biakin lênglei kawtkhâr rang kawpza tla. Chubang thuamthil tla chu ngûn hen siam mi ver asi.

NUMBER 4:7

LALPA sinah ap ding mi sang siahnâk dawhkân tlûnah puan dumpâwl phah hen, a tlûnah khêng tla, rimthâw khêng, ap mi khêng, uain ap ding mi dûr siah. Zeiliau zawng ah sang chu dawhkân tlûnah um kumza ding asi.

EXODUS 38:3

Mâichâm thuamthil zawzawng tla khawm a siam: khêng tla, vachâm rûtnâk, khêngkûm, thîr kuaih leh mei bêl tla, chu zawng ruakhâu chu dâr hen siam asi.

EXODUS 37:23

Chu meichêu chu pasarih hen a siam, a châicheh leh vachâm siahnâk chu ngûn karo asi.

EXODUS 37:16

Dawhkân ah siah ding hen ngûn khêng, hâi tla, tisâwknâk hâi, khêngkûm leh uain apnâk mang ding mi tla a siam.

EXODUS 25:29

Khêng tla, hâi tla, tî sâwknâk tla, khêngkûm tla, uain apnâk ding ah siam rawh. Chubang zawzawng chu ngûn karo hen siam ding asi.

EXODUS 25:38

Châicheh leh vachâm siahnâk khêng chu ngûn karo hen siam.