JEREMIA 51:9 - Bawm Common Language Bible Version

⁹ Chunah ramdang minung um mi tla nih, ‘Babulon mi tla chu ṭangpi kan tum le, sikhawmsele a tlâi tuk rawh. Churuangah tuah kan mâk thlap lai le, in leiah kan kîr lai. Pathian nih Babulon mi tla chu a chaknâk zawzawng hen a rêp le a veih rawh,’ ” a ti.

JEREMIA 51:9 ပူးပေါင်းရင်းမြစ်များ

2 CHRONICLES 28:9

LALPA khuavâng pakhat a min Oded chu Samaria khuapi ah a um. Israel kawrsen tla an hawng kîr mi chu Juda mi tla sal ah an tleih na mi hen khuapi lût awt bâiah anna tawng le, an sinah, “LALPA an thlâk natu Pathian chu Juda mi tla tlûnah a thinthawk le, anmah nehtu ah an siam na. Sikhawmsele tuah nan neh na dân chu a theih rawh.

Ezra lasuibu 9:6

A sinah, “Pathian, na mâika ah ka lû tung ding khawm thungâi ka ningzak. Kan sualnâk chu kan dung ngâk sâng hen â pawng. Vân tawngh khet hen a sâng rawh.

ISAI 13:14

“Ramdang minung Babulon ah um mi tla chu an ram leiah an tek lai le, sa kahtu lakah mi sazuk a tek hâwi hen leh dawrâ rual vêngtu nei lo mi hâwi an si lai.

ISAI 47:15

Na san lakah chu vial chu mifing thu an simhtu tla nih na rangah thil ṭha an ti mi chu asi lai. A nan mâk thlap lai le, anmah duhnâk chiauah an kal lai le, nangmah humtu pakhat khawm an um lai lo,” a ti.

JEREMIA 46:16

Na kawrsen tla chu anna suih hen an tlû le; anmah leh anmah anna sâwn le, Hi kan mêlma riamnâm lakah âwl ding hen mawhsareh hen kan mi le sinah kan tlung lai!’ an ti.

JEREMIA 46:21

A kawrsen a mang mi tla khawm chawlâ ṭangpitu hâwi hen an um. An dîr hen an do lo le, an ektê hen anna her le, an tek hep. An vânduai ni leh an siatnâk tik a tlung rawh.

JEREMIA 50:16

Chu ram ah chun thlâi chî tuh hen um lah seh, fâng khawm ât hen um lah seh. Ramdang minung chunah um mi tla khawm kawrsen râltuk ṭih ruangah an in leiah an kîr ver lai,” a ti.

JEREMIA 8:20

Zapi tla nih, “Ṭhâlpini khawm a lan rawh, fângzûn khawm â lîm rawh, sikhawmsele ruangsuah hen kan um lo,” ti hen an ṭap.

HOSEA 7:13

“An vânduai rawh! An ka nawng le, ka lakah an hel. An vei lai, hum na ding ka duh le, sikhawmsele an ka sawnh dân a diklo.

THUPHUANG 18:4

Chun, vân thawk hen aw-hâu dang nih a sim mi ka theih le, “Ka mi le tla, a sinah mi hawng suak u, a sualnâk lakah a tel lah u, a rêpnâk lak khawm ah nanna tel ding si lo.

THUPHUANG 18:5

A sualnâk tla nih chun vân khawm a tawngh le, Pathian nih a thilti sual khawm a theih ko.