JEREMIA 51:8 - Bawm Common Language Bible Version

⁸ Babulon chu a tlû sâwm le, a vei rawh! Lungfâkpi u! Turpang hâwl piak u, a dam kekkawk lai mawh.

JEREMIA 51:8 ပူးပေါင်းရင်းမြစ်များ

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 47:11

Siatnâk na lakah a hawng tlung lai le, na dâwithiamnâk nih a kham kho lai lo. Mawhsareh hen na lakah siatnâk a hawng tlung lai le, chu siatnâk chu na dawn dahlo mi asi!

ISAI 47:9

Sikhawmsele ni khat kar ko ah hi bang thil tla hi a hawng tlung vevê awt. Na dâwithiamnâk zawzawng mang khawm le, na pasal leh na fa tla chu na thlâu ding nget.

JEREMIA 46:11

Aigupta mi tla Gilead ah kal ule, turpâng va hâwl u! Nan turpâng tla chu zeikhawm asi lo ti a theih rawh; zeikhawm nih an damh kho na ding asi lo.

JEREMIA 48:20

Annih nih chun ‘Moab chu a tlû rawh, ṭappi u, mualpho hen a um rawh. Moab â râwk rawh ti hen Arnon tiva dung tluan hen sim u!’ ti hen a sâng na lai.

JEREMIA 48:31

Moab ram ah mi tla leh Kir Heres mi tla ruangah ka ṭap lai.

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

JEREMIA 51:41

LALPA nih Babulon thu a sim le: “Laikulh pumpi nih an sim ên mi khuapi chu lâk asi rawh. Phun tla rangah Babulon chu muh ding ṭihnung a kâi chiam e!

JEREMIA 8:22

Gilead ram ah turpang a um lo men maw? Chunah chun daktawr an um lo na maw? Chu hâwi asi chun, zei rangah ka mi tla an dam dahlo rih?

EZEKIEL 30:2

“Thikho mi minung, kei LALPA Zahkâi nih ka sim mi hi simkan le, phuang rawh. Hi bang thu tla hi sim rawh: Ni ṭihnungkâi a hawng tlung awt!

DANIAL 5:24

Churuangah asi, Pathian nih hi thu rîn ding hen kut a hawng fial mi chu.

DANIAL 5:31

churawhchun Darias Mede mi kum sâwmruk leh kum nih mi nih lal thuneihnâk chu â ting rawh.

NAHUM 3:19

Na nganfâk ṭhatnâk ding zeikhawm a um lo, nâ liam mi khawm damh kho asi lai lo. Na siat leh râwknâk thu theihtu zawng chu anna lâwm tukah zâ an bengh rê lai. Dawng ti umlo hen ṭhatlo na rawt mi thu ah suahtu an um ma?

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;