JEREMIA 51:6 - Bawm Common Language Bible Version

⁶ Babulon mi tla lakah mi chu tek u! Nan nungnâk hum ding hen tek u! Babulon mi tla sual ruangah a thahtir lah u. Tuah lehrûl ka sam lai le, amah hen dêng cho hen ka rêp awt.

JEREMIA 51:6 ပူးပေါင်းရင်းမြစ်များ

SAM 94:1

LALPA, nang Pathian mi rêptu chu na si, na thinthawknâk hawng langh!

THUFING LASUIBU 13:20

Mifing tla kawmh le, na fing lai. Mi mâwl hâwikawmh ah na siam chun na vâi lai.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 63:4

Ka mi le tla ruangsuah ding hen ka ruat mi tik chu a tlung rawh; an mêlma tla rêp tik asi rawh.

JEREMIA 25:14

Babulon mi tla chu thil a ti mi lehrûl ka sam lai le, phun zawzawng tla leh lal rokual tla nih sal ah an mang na lai,’ ” a ti.

JEREMIA 25:16

An din tik chun, râltuknâk an lakah ka tlungtir awt ruangah, an thinlung a â lai le, an hâwr lai,” a ti.

JEREMIA 27:7

A phun tlûknâk tik a tlung lânlo chu phun zawzawng tla nih amah leh a fapa leh a tupa rian an ṭuan lai. Churawhchun, a phun nih phun thiltikho tak leh lalchem rokual tak tla rian an ṭuan lai.

JEREMIA 46:10

Tusûn ni hi LALPA, Zeizawng tikho zahkâi tak ni chu asi: Tusûn ah phû a lam lai le, tusûn ah a mêlma tla a rêp na lai. A nâmsâu nih a khim pang tiang a ei na lai, an thî tla chu a khawp pang tiang hen a din lai. Tusûn hin Zeizawng tikho nih a mi thah tla chu marlei kângah Eufretis kiangah bâwlnâk ah a mang lai.

JEREMIA 48:6

‘Na nungnâk hum ding hen tek rereh!’ ‘Mâng sanatung hâwi hen tek!’ an ti.

JEREMIA 50:15

Khuapi hêl dak hen râltuk hâu suah u! Tu chun Babulon â pêk rawh. A kulh tla chu â râwk hen a chim rawh. Babulon mi tla rangah lehrûl ka sam rawh. Churuangah an lakah nan phû lam ule, midang an nehsawh na mi hâwi hen nehsawh bâk na u.

JEREMIA 50:28

(Babulon thawk hen a tek mi tla chu Jerusalem ah an hawng le, LALPA, kan Pathian nih Babulon mi tla nih a Biakin ah thil an ti mi ruangah lawhbâ a sam na mi thu an sim.)

JEREMIA 50:31

“Babulon mi tla, thungâi nanna zûm le, churuang chun, Kei, LALPA Zahkâi, Zeizawng tikho nih ka nan do asi! Ka nan rêp ding mi tik a tlung rawh.

JEREMIA 50:8

“Israel mi tla, Babulon mi tla thawk hen tek u! Ram mâk thlap u! Kaltâk masa chemnâk si seh!

JEREMIA 51:11

LALPA nih Babulon mi tla chu veih a tum ruangah Media lalchem tla chu a thawktir na. Chu chu asi, a Biakin râwk ruangah lehrûl a sam mi chu.

JEREMIA 51:36

Churawhchun, LALPA nih Jerusalem mi tla sinah, “Na mêlma nih a nan ti ziatê hen keimah nih a lakah nangmah ruangrûl ah lehrûl ka sam awt. Babulon tî chu a nâ ka kangtir lai le, a tiva tla ka chârtir lai.

JEREMIA 51:45

Israel mi tla, chunah mi chu tek u! Ka thinthawknâk fâk tak lakah mi him ding hen tek u.

JEREMIA 51:50

LALPA nih Babulon ram ah mi a mi tla sinah thu a sim le: “Thihnâk ah mi nan suak rawh! Tuah kal u! Ngâk lah u! Nan in thawk hen lât takah um menza khawm ule, Kei, nan LALPA hi hawng ka dawn thlir ule, Jerusalem khawm theihkumza u.

JEREMIA 51:56

Babulon râwk ding hen an hawng le, a kawrsen tla chu neh hen an um le; an chanhtiang kûk tla chu a kiak rawh. Kei chu misual rêptu Pathian kasi. Babulon chu amah hen dêng ding hen ka rêp awt.

JEREMIA 51:9

Chunah ramdang minung um mi tla nih, ‘Babulon mi tla chu ṭangpi kan tum le, sikhawmsele a tlâi tuk rawh. Churuangah tuah kan mâk thlap lai le, in leiah kan kîr lai. Pathian nih Babulon mi tla chu a chaknâk zawzawng hen a rêp le a veih rawh,’ ” a ti.

LUNGFÂKNÂK 3:64

“LALPA, an thilti ruangah rêp na le,

NUMBER 16:26

Mosi nih zapi tla sinah, “Kha misual tla puanin thawk hen a ṭhial ving ule; an neih tla zeikhawm tawngh lah u. Chu hâwi asi lo chun, an sualnâk ruangah an sinah veih sih hen nan um lebang lai,” a ti.

DEUTERONOMY 32:25

Râltuk ruangah zâwllâi ah thihnâk a tlung lai le; In ah ningṭihnâk a tlung lai. Tlangvâl leh nungâk tla an thi lai le, tarpa leh nausêm tla khawm zuah an si lai lo.

DEUTERONOMY 32:41

Ka nâmsâu tlêu vak chu ka tât lai le, diknâk thilti chu ka zauhnik awt. Ka mêlma tlûnah lehrûl ka sam lai le, hawng ka huatu tla chu ka rêp na awt.

DEUTERONOMY 32:43

“Phun tla, LALPA mi tla chu sawr u, anmah thahtu tla zawzawng chu a rêp na. A mêlma lehrûl a sam na le, a mi tla chu an sual a ngaihdam na,” a ti.

1 TIMOTHE 5:22

Âu tlûn khawm ah kut thâng set sut lah, midang sualnâk tla lakah telnâk nei ber lah, a thenhlimhtir kumza rawh.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.