JEREMIA 51:56 - Bawm Common Language Bible Version

⁵⁶ Babulon râwk ding hen an hawng le, a kawrsen tla chu neh hen an um le; an chanhtiang kûk tla chu a kiak rawh. Kei chu misual rêptu Pathian kasi. Babulon chu amah hen dêng ding hen ka rêp awt.

JEREMIA 51:56 ပူးပေါင်းရင်းမြစ်များ

HABAKUK 2:8

Phun tam tak na rawk na le, sikhawmsele tu lam chun mi tla na thah na ruangah leh laikulh minung tla leh an khuapi tla na veih na ruangah a dam rih mi tla nih an rawk bâk lai.

JEREMIA 51:48

Mârlei thawk hen amah veihtu ding mi kut ah Babulon chu a tlû tikah tual tlûnah thil zawzawng leh vân ah mi tla lâwm hen an âu lai.

JEREMIA 51:6

Babulon mi tla lakah mi chu tek u! Nan nungnâk hum ding hen tek u! Babulon mi tla sual ruangah a thahtir lah u. Tuah lehrûl ka sam lai le, amah hen dêng cho hen ka rêp awt.

SAM 46:9

Laikulh zawzawng tuknâk a bângtir; chanhtiang tla a khiak le, fei tla a râwk, phaw tla chu mei hen a duah.

JEREMIA 51:24

LALPA nih, “Babulon leh a mi tla chu Jerusalem ah an thilsual ti zawzawng ruangah lehrûl ka sam na mi nan ka muh lai.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

SAM 76:3

Chunah chun mêlma thalzum tla a khiak piak na le, an phaw leh an nâmsâu khawm, asi, an riamnam zawzawng khawm.

DEUTERONOMY 32:35

LALPA nih lehrûl sam hen a rêp na lai le; an tlûk ding tik a tlung teh lai. An vânduainâk ni chu a nâi rawh.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 17:16

Chun, ki parâ leh sarâng na muh mi nih khan nunau â zuar mi chu an hua lai le, a thilneih tla an lâk piak lai le, takkaro hen an mâk lai le, a sa khawm an ei lai le, mei hen an duah hep lai.

2 THESALONIKA 1:6

Lalpa Jisu, Pathian theihlo mi leh kan Lalpa Jisu Thâwngthâng Ṭha lunglo mi tlûnah lehrûl sam hen a vânmifial chak tak tla hen, meialh lakah vân thawk hen â langh tikah a nan hamhtir natu tla chu hamh hen lehrûl sam leh nannih hamhtuartu tla hi kanmah tla hen dinhnâk ah rulh bâk ding chu Pathian rangah thil rep tak asi.

EZEKIEL 39:9

Israel khuapi ah um mi tla nih chun an suak lai le, râlthuam an mâk mi tla chu tih ding ah an khawmh lai. Phaw tla, chanhtiang tla, thalzum tla, fei tla, minung tawngpumhnâk in tla chu mei tihnâk ah an mang lai le, kum sarih tiang an tih lai.

EZEKIEL 39:3

Churawhchun, a kehlei mi a chanhtiang kûk chu tlawng phak hen ka sut lai le, a vawrhlei mi thalzum tla khawm thlah ro hen ka sut lai.

JEREMIA 51:30

Babulon kawrsen tla chu râltuk bâng hen, an kulh ah an um ziar rawh. An râlṭhatnâk a tlâu le, nunau hâwi an si rawh. Khuapi kulh kawtkâ tla a chim le, in tla chu mei nih a khangh rawh.

JEREMIA 50:36

A khuavâng âwkrâwl thusimtu mi â tla rangah thihnâk! A kawrsen, ṭihnungkâi tak si mi tla rangah thihnâk!

JEREMIA 50:10

Babulon chu râwk hen a um lai le, a râwktu tla nih an duh mi thil zeizawng an lâk lai. Kei, LALPA nih ka sim asi,” a ti.

JEREMIA 49:35

“Elam thiltikho tak hen umtirtu chanhtiang mangtu zawzawng chu ka thah na lai.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 34:8

Hi hi LALPA nih Zion ruang a suahnâk leh a mêlma tla phû a lam ding mi tik chu asi.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

SAM 137:8

Babulon, nang khawm râwk hen na um lai. Kan lakah thil na ti mi ruangah lehrûl sam hen,

SAM 37:15

Khawmsele, anmah nâmsâu lîlâ nih a thah na lai le, an chanhtiang chu khiak dip asi lai.

1 SAMUEL 2:4

Kawrsen chak lîthal kûk tla an kiak, sikhawmsele mi chaklo chu a hawng chak rawh.

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

JEREMIA 51:53

Babulon chu vân ah kâi hen chunah kulh bir tak tuah khawmsele amah veih ding hen mi ka fial awt nget. Kei, LALPA nih ka sim asi,” a ti.

AMOS 2:15

Chanhtiang kahtu tla khawm an dîr kho lai lo le, mi tek chak tla khawm an suak kho lai lo, rang tlûnah totu tla khawm an âwl lai lo.

OBADIAH 1:15

“Kei, LALPA nih phun zawzawng lâi ka rêl ding ni chu a nâi rawh. Edom, na thilti hâwi hen na tlûnah ti hen a um lai. Na pêk na hâwitê hen na tawng lai.

LUNGFÂKNÂK 3:64

“LALPA, an thilti ruangah rêp na le,