JEREMIA 51:53 - Bawm Common Language Bible Version

⁵³ Babulon chu vân ah kâi hen chunah kulh bir tak tuah khawmsele amah veih ding hen mi ka fial awt nget. Kei, LALPA nih ka sim asi,” a ti.

JEREMIA 51:53 ပူးပေါင်းရင်းမြစ်များ

GENESIS 11:4

“Tuah khuapi siam sele, vân tawngh khet hen insâng kan sak lai, kan min thangnâk ding leh tual tlûnah kanna rek ver lonâk ding hen,” an ti.

JOB LASUIBU 20:6

A rokual hen vân leikângah a sâng vima hen, a lû nih vândâwm tawngh rê khawmsele,

ISAI 13:17

LALPA nih, “Babulon do ding hen Medes tla chu ka fawrh na. Chu tla nih chun tangka zeikhawm an siar lai lo, ngûn hen lêm kho khawm an si lo.

ISAI 41:25

“Saklei ah um mi minung chu ka thîm rawh; mârlei thawk hen dotu ding ah ka hawng put lai. Nehtu hâwi hen lâirêltu tla chu a lamh na le, bêlhêmtu nih sunhtlung valei a lamh hâwi hen.

ISAI 47:5

LALPA nih Babulon sinah, “Mun king leh a mûinâk ah va to le; phun tla lalnu an ti lai lo rawh!

ISAI 47:7

Lalnu si kumza ding na ruat le, chubang thil zawzawng a dawng ding mi chu thinlung ah dawnnâk leh ruatnâk zeikhawm na nei lo.

JEREMIA 49:16

Na zumhnâk nih a nan âttir mi asi. Na ruat na hâwi hen âukhawm nih a nan ṭih ding asi lo. Tlâng sâng tlûnah leh lung kham tlûnah nan um; mupi hâwi hen sâng takah um menza khawm le, LALPA nih a nan niamh awt,” LALPA nih a sim asi,” ka ti.

JEREMIA 50:21

LALPA nih, “Merathaim leh Pekod mi tla chu do na u. Thah na ule, veih dep na u. Thu ka nan pêk na mi zawng chu ti u. Kei, LALPA nih ka sim asi.

JEREMIA 50:25

Kei, LALPA Zeizawng tikho zahkâi nih, Babulon mi tla rangah ti ding mi chu ka ṭuan rawh ruangah ka râlthuam ka siahnâk in chu ka awng le, ka thinthawknâk hen ka thuak na rawh.

JEREMIA 50:45

Churuangah Babulon khuapi tlûnah thil ka tum mi leh a mi tla lakah ti ka tum mi chu ngâi rawh. An fa le tla tiang ka nûk phin lai le, mikip nih an ṭih lai.

JEREMIA 51:11

LALPA nih Babulon mi tla chu veih a tum ruangah Media lalchem tla chu a thawktir na. Chu chu asi, a Biakin râwk ruangah lehrûl a sam mi chu.

JEREMIA 51:25

Babulon mi tla, nang chu laikulh pumpi veihtu tlâng sâng tak hâwi na si le, sikhawmsele, Kei, LALPA chu na mêlma kasi. Ka nan tleih lai le, tual hen rual zat hen ka nan siam lai le, vachâm lakah ka nan siah awt.

JEREMIA 51:48

Mârlei thawk hen amah veihtu ding mi kut ah Babulon chu a tlû tikah tual tlûnah thil zawzawng leh vân ah mi tla lâwm hen an âu lai.

JEREMIA 51:56

Babulon râwk ding hen an hawng le, a kawrsen tla chu neh hen an um le; an chanhtiang kûk tla chu a kiak rawh. Kei chu misual rêptu Pathian kasi. Babulon chu amah hen dêng ding hen ka rêp awt.

JEREMIA 51:58

Babulon kulh bir tak tla chu tual ah lawnh hen a um lai le, a insâng kawtkâ tla chu duah hen a um lai. Phun tla rianṭuan zawzawng chu a thâwttham asi lai le, anna ṭangnâk chu meialh ah a vei rawh. Kei, LALPA Zeizawng tikho nih ka sim asi,” a ti.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

AMOS 9:2

Laikulh thihnâk leiah an lampi chawh na khawmsele ka tleih na nget awt. Vân ah kâi na menza khawmsele ka thlâk ving na awt.

AMOS 9:4

An mêlma nih sal ah put na khawmsele thah na ding hen thu ka pêk na awt, anmah ṭangpi na ding ka tum lo le, veih na ding ka tum asi,” a ti.

HABAKUK 2:9

Zângran ko hen mi thil lâk piak hen na dâwngsungkhur neihnâk na siam le, tuarnâk leh ṭihnungkâi lakah na in sungkhur chu hum ding na tum ruangah na vânduai rawh!