JEREMIA 51:44 - Bawm Common Language Bible Version

⁴⁴ Babulon mi tla pathian Bel an ti mi chu ka rêp lai le, a thil fîr tla chu ka mâktir rel lai le; phun tla nih amah an sawnh lai lo rawh. “Babulon khua kulh chu a chim rawh.

JEREMIA 51:44 ပူးပေါင်းရင်းမြစ်များ

2 CHRONICLES 36:7

Nebukadnezar nih Biakin ah mi thil tla a lâk le, a Babulon ah a lal in ah a siah.

JOB LASUIBU 20:15

Misual nih a fîr mi neih chu a luak nawlh lai le, a paw lakah mi khawm Pathian nih a suah nawlh lai.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 60:5

Hi hi na muh lai le, lâwm hen na khat lai; Thinlung thawk ruangah na thir lai. Phun tla neihnâk chu na sinah an hawng put lai; Tipi tan hen an neih tla a hawng tlung lai.

JEREMIA 50:15

Khuapi hêl dak hen râltuk hâu suah u! Tu chun Babulon â pêk rawh. A kulh tla chu â râwk hen a chim rawh. Babulon mi tla rangah lehrûl ka sam rawh. Churuangah an lakah nan phû lam ule, midang an nehsawh na mi hâwi hen nehsawh bâk na u.

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

JEREMIA 51:18

Zeikhawm silo leh zauhnawmh ding mi an si; LALPA chu anmah do ding hen a hawng tikah an vei lai.

JEREMIA 51:34

Babulon lal nih Jerusalem chu a tuk phak le, a ei hep. Khuapi chu bêl hâwi hen a lâwngtir; thilnung lian hâwi hen a dawlh dak. A duh mi zawng a lâk le, a dang chu a lawnh phin.

JEREMIA 51:47

Churuang chun Babulon milem ka do ding tik chu a tlung rawh. Ram pumpi chu ningzakkâi tak hen siah asi lai le, a mi tla zawzawng thah an si lai.

JEREMIA 51:53

Babulon chu vân ah kâi hen chunah kulh bir tak tuah khawmsele amah veih ding hen mi ka fial awt nget. Kei, LALPA nih ka sim asi,” a ti.

JEREMIA 51:58

Babulon kulh bir tak tla chu tual ah lawnh hen a um lai le, a insâng kawtkâ tla chu duah hen a um lai. Phun tla rianṭuan zawzawng chu a thâwttham asi lai le, anna ṭangnâk chu meialh ah a vei rawh. Kei, LALPA Zeizawng tikho nih ka sim asi,” a ti.

DANIAL 1:2

Lalpa nih lal Jehoiakim chu a tleihtir le, Biakin ah mi thil-le-rî zeimaw mi a lâk. A mi tleih tla chu Babulon ah mi a pathian biakin tla leiah a put na le, a thil lâk tla chu biakin ah thil siahnâk ah a siah.

DANIAL 3:29

Tuah âuzawng zei phun leh zei chi zawng, hawlh kip tla khawm nih Sadrak, Mesak leh Abednego Pathian zahlotu chu, an kut kê thlêk ver hen, a in chu nâwmpawng ah siam asi lai, hi hâwi hen ruangsuahtu dang a um lo,” a ti.

DANIAL 4:1

Lal Nebukadnezar nih laikulh ah phun kip leh chi kip leh hawlh kip sinah hi thuchah hi a thanh na: “Chibai!

DANIAL 4:22

Bâwipa, thing sâng tak leh khauh tak chu nangmah na si, nang chu na rokual tuk le, vân na tawngh, na thiltikhonâk hen laikulh pumpi a khat.

DANIAL 5:19

A rokual tuktarâi ruangah phun zawzawng leh zât zawzawng leh hawlh zawzawng nih an ṭih le, an thîr. Thah ding a duh mi chu a thah na, nungtir ding a duh mi chu a nunh na. A duh mi zawng zahkâi hen khawm a tuah, ningzak khawm a saih na.

DANIAL 5:26

A umzia chu hi hi asi: Mene, Mene,(Number) Pathian nih na lalnâk ni tla a rêl le, a dawngtir rawh;

DANIAL 5:31

churawhchun Darias Mede mi kum sâwmruk leh kum nih mi nih lal thuneihnâk chu â ting rawh.