JEREMIA 51:20 - Bawm Common Language Bible Version

²⁰ LALPA nih, “Babulon mi tla, râltuknâk ah ka tukboh leh ka râlthuam nan si. Phun tla leh lalram tla râwktu ah ka nan mang.

JEREMIA 51:20 ပူးပေါင်းရင်းမြစ်များ

ISAI 10:15

Sikhawmsele, LALPA nih, “Reitlung nih amah mangtu ngâk hen ka lian dauh a ti kho lai ma? Thing lahnâk sarai nih a lahtu sinah nang ngâk hen ka herh dauh a ti lai ma? Kutzâ chu minung lirhtu asi lo le, minung nih kutzâ chu a lirh dauh asi,” a ti.

ISAI 10:5

LALPA nih, “Asiria! Asiria chu ka thinthawktirtu tla lakah rêp ding hen talhbo hâwi hen ka mang mi asi.

ISAI 13:5

Tual dawnghnâk ah mi ram lât tak thawk hen an hawng kal. LALPA chu ram pumpi râwk dep ding hen thinthawk bû hen a hawng kal.

ISAI 37:26

“Hi bang tla hi keimah nih a lân thawk hen ka ruat mi asi ti na theih dahlo ma? Tuah chun ka langh rawh. Kulhnei khua tla chu nâwmtâm pawng ah siam ding hen thiltikhonâk kan pêk rawh.

ISAI 45:1

LALPA nih Kirus chu lalchem siding hen a thîm. Phun tla nehtu ding ah a ruat le, lalchem tla thiltikhonâk suh na ding hen a fial le; LALPA nih khuapi kulh kawtkâ chu a rangah a awng piak lai. LALPA nih Kirus sinah,

ISAI 8:9

Nannih phun tla, lâu hen hawng a pûm u! Tual tlûn mun lât takah um mi tla, ngâi u. Râltuk ding hen a tîm ule, sikhawmsele ṭih u. Asi, a râlring le, sikhawmsele ṭih rawh!

JEREMIA 25:11

Hi ram pumpi hi râwk dep hen leh lâu kâi rê hen an mâk lai le, a kiangkam ah phun tla nih Babulon lalchem chu kum sâwmsarih a rian an ṭuan piak lai.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 50:23

Babulon mi tla nih laikulh pumpi a tukboh hen a mântir dip le, tuah chu tukboh chu râwk asi rawh! Chu ram ah thil a hawng tlung mi chu phun zawzawng an lâu.

EZEKIEL 21:11

Nâmsâu chu tlêu kil hen mang sek ding hen timhtuah ding asi. Thahtu kut ah tât siar leh tlêu vak hen pêk ding asi.

EZEKIEL 21:31

Meialh hâwi hen na lakah ka hawng thlah tikah ka thinthawknâk chu na theih lai. Mi rualo, râwk thiam mi kutah ka nan pêk lai.

MIKAH 4:12

Sikhawmsele chu phun tla nih LALPA thinlung an theih lo, fâng zâp ding an hawng put mi hâwi hen rêp ding ah pumh hen an um mi an theih lo.

MIKAH 4:13

LALPA nih, “Jerusalem mi tla, kal ule, nan mêlma tla va rêp na u! Chawchal a kî thîr, a tin dâr nei a chak mi hâwi hen ka nan siam lai. Phun tam tak na veih na lai le, mi leh tuknâk ruangah neih leh siah anna ting mi chu laikulh pumpi LALPA, Keimah sinah na hawng pêk lai,” a ti.

NAHUM 2:1

Ninevi, do hen na um rawh! Nangmah mân ver tirtu thiltikhonâk a hawng tlung rawh. Minung hen vêngnâk siam! Lampi tla vêng! Râl tuk ding hen a tîm!

ZEKARIA 10:4

Ka mi tla tlûnah lâirêltu, ruitu ah leh thupêktu ding hen an lakah thawk hen an hawng lai.

MATHAI 22:7

Chun, lalchem chu a thinthawk rawh; a kawrsen tla a fial le, chubang mi thahtu tla chu a veih dep na le, an khua khawm a duah piak hep na rawh.