JEREMIA 51:14 - Bawm Common Language Bible Version

¹⁴ LALPA Zeizawng tikho nih a nungnâk sâl hen Babulon chu khâubawk rual hâwi hen amah do ding hen mi tam tak a lakah ka tlungtir lai le, neh hen an âu lai, ti hen thu a tiamh.

JEREMIA 51:14 ပူးပေါင်းရင်းမြစ်များ

SAM 105:34

Khâubawk tla thu a pêk le, rêl châwklo an hawng tlung.

JEREMIA 44:26

Sikhawmsele nannih Aigupta ram ah um mi zawzawng sinah Kei, LALPA Zeizawng tikho, keimah min hen thutiamnâk ka siam mi chu tuah ngâi u: ‘Pathian nung min hen thu ka tiam!’ ti sim hen thutiamnâk rerêng ka min hen nan lakah âukhawm kan neitir na awtlo rawh.

JEREMIA 46:23

An minung tla chu rêl châwklo an si, an kawrsen tla khawm khâubawk rêl châwklo hâwi an si.

JEREMIA 49:13

Keimah nih Bozra khuapi chu zauhnâk ah lâu kâi rê leh a karo hen a um lai ti ka sim asi; mi nih an zauhnawmh lai le, a min ah siatbarh an ti lai. A kiangkam khua zawzawng khawm â râwk pawt lai. Kei, LALPA nih ka sim asi,” a ti.

JEREMIA 50:15

Khuapi hêl dak hen râltuk hâu suah u! Tu chun Babulon â pêk rawh. A kulh tla chu â râwk hen a chim rawh. Babulon mi tla rangah lehrûl ka sam rawh. Churuangah an lakah nan phû lam ule, midang an nehsawh na mi hâwi hen nehsawh bâk na u.

JEREMIA 51:27

“Do ding hen singsiahnâk pêk u! Phun tla nih theih kho ding hen tâwtawrâwt tum u! Phun tla, Babulon do ding hen a tîm u! Ararat, Minni, Askenaz lalram tla chu râltuk ding hen simh na u. Tuknâk ah ruitu ding hen hotu ruat u. Khâubawk rual hâwi hen rang tla put na u.

JOEL 2:25

Khâubawk rual tla nih nan thlâi an ei le, an veih mi tla ka nan pêk nawlh na lai. Nan lakah kawrsen hawng tlungtirtu chu keimah kasi.

AMOS 6:8

LALPA Pathian, Zeizawng tikho nih hi simhkannâk a pêk mi asi: “Israel mi tla anna zûmnâk chu ka hua, an nuamchenhnâk mun chu zeikhawm ka siar lo. An khuapi chem sungah um mi zawzawng chu an mêlma rangah ka pêk awt,” a ti.

HEBRAI 6:13

Pathian nih Abraham sinah thu a tiamh liau khan ti ngelchel ding hen siatsirh hen thu a tiamh. Amah ngâk hen rokual dauh a um lo ruangah thu a tiamh liauah amah min sâl hen siat a sirh.

LÂIRÊL 6:5

An ranrual tla hen, an puanin tla hen, khâubawk rualpi hâwi hen an hawng. Anmah leh an sangâwngsâu tla khawm rêl châwk asi lo. An hawng le, an ram tla an râwk piak na,